Bl 29:13 - Sơ̆p Hlabơar Nơ̆r 'Bok Kei-Dei

¹³ 'Nao kơtơ̆ng roi khan Jakôp, kon tơdăm oh sư, na La'ban kơdâu truh kuăr păng chŭm na chông pơtơm ba mơ̆t tơ hnam sư. Jakôp roi ăn kơ mih sư La'ban băt dôm tơdrong truh kơ sư.

Bl 29:13 ပူးပေါင်းရင်းမြစ်များ

Bl 24:29

Rê'bêka đei minh 'nu 'nhŏng anăn La'ban. Lăp La'ban 'bôh gŏp muh hăm 'bar tŏ kong tơ kơkŏng ti oh sư păng kơtơ̆ng đơ̆ng nơ̆r oh sư roi hei.

Bl 24:31

Sư khan thoi âu: “Bơngai mă Kră Yang đei ăn pŭn hiôk! Apinh ih mơ̆t bĕ liơ mă oei ngôi tơ 'nguaih thoi noh? Inh đei hơmet anih kơ lu iĕm tep hăm lăk-đa ih boih.”

Bl 24:32

Bơngai đam noh mơ̆t tơ lăm hnam; đĭch đam La'ban yaih lê̆ an đơ̆ng aseh lăk-đa, iŏk hơnong 'ba păng 'nhĕt hiĕm lu aseh lăk-đa noh sa; đơ̆ng noh iŏk đak wă ôp jơ̆ng đam noh păng lu bơngai năm hơdai sư.

Bl 33:4

Mă-lei Êsâu kơdâu truh 'bơ̆t anăp sư, tơkan kuăr chŭm hloi, na pơđĭ kơ măr sư nhơ̆m.

Bl 45:15

Jôsep kư̆m chŭm lu 'nhŏng sư na nhơ̆m. Đơ̆ng noh lu sư pơma dơnuh hăm Jôsep.

II Sam 19:39

Na đĭ-đăng linh păng kon pơlei tŏk găn kơ đak Krong Jôrđăn, pơtao kư̆m tŏk, pơtao chŭm Barsilai păng tơklah băl. Barsilai wih tơ pơlei sư kơdih.

Le 18:7

Môis năm sơng tơnei sư, drap tơ teh kơkuh păng chŭm sư, apinh jet gia dih băl hăm oei 'lơ̆ng akâu. Na mơ̆t lăm bơsŭn.

Le 4:27

Kră Yang khan kơ Arôn thoi âu: Năm bĕ tơ char glă sơng Môis. Arôn năm hloi, tơ'bơ̆p Môis tơ kông Kră Yang 'Bok Kei-Dei păng sư chŭm Môis.

Luka 7:45

Lăp ba tơ'bơ̆p hei, ih ưh kơ đei chŭm 'mêm kơ Inh thoi bơ̆n juăt kơ pơm ôh, mă-lei sư âu oei chŭm jơ̆ng Inh khŏm khŏm.

Jang 20:37

Đĭ-đăng lu sư nhơ̆m hmoi, chŭm tơkuăr Pôl hloi.

Rom 16:16

Đĭ-đăng kơ iĕm jing 'nhŏng oh lui kơ Yêsu Krist, na apinh iĕm sơng iŏk rôp băl ti wă kơ băt tơdrong 'mêm băl. Đĭ-đăng bơngai lui kơ Yêsu Krist rim kơ anih tă leng kơ jet gia iĕm ngăl.

Kôlôsê 4:5

Bơ̆n athei adrin pơm mă 'lơ̆ng pơma mă trŏ kơ lu bơngai tam mă lui, wă kơ lu sư mơ̆ng trŏ na lui kơ 'Bok Kei-Dei.