Bl 28:17 - Sơ̆p Hlabơar Nơ̆r 'Bok Kei-Dei

¹⁷ Sư hli păng khan thoi âu: Anih âu trŏ kơ hli krưp tơpă! 'Nâu trŏ kơ hnam Kră Yang 'Bok Kei-Dei tơpă, 'măng plĕnh tơpă.

Bl 28:17 ပူးပေါင်းရင်းမြစ်များ

Bl 28:18

Sư iung đơ̆ng hrôih iŏk tơmo mă đơ̆ng sư hơgơn tơiung păng pơdơ̆ng pơm jrăng wă tơdra păng tuh hloi đak rơmă tơ kơ̆l jrăng noh,

Bl 28:22

Tơmo mă đêl inh pơdơ̆ng 'nâu jing jrăng hnam Kră Yang 'Bok Kei-Dei păng inh gô pơyơ̆r kơ Ih minh lăm mơjĭt đơ̆ng dôm mŭk tơmam mă inh đei đơ̆ng Ih ăn.

II Ho 5:14

dĭng mah lu 'bok soi ưh kơ kĕ dơ̆ng wă bơ̆jang yua kơ hơmơ̆l jur tơdrong ư-ang rang mơnhal đơ̆ng Kră Yang mơ̆t 'bĕnh-'bang jơ̆p-jang kơ hnam akŭm 'Bok Kei-Dei.

Horiso 68:35

Ơ Kră Yang 'Bok Kei-Dei, Ih trŏ boih kơ nhôn hli kơkuh lăm anih 'lơ̆ng rơgoh. Ih Kră Yang 'Bok Kei-Dei ăn tơdrong pran păng mơsêh mơyang kơ kon pơlei Isơrael Ih. Kơkuh bơnê bĕ kơ Kră Yang 'Bok Kei-Dei!

Le 3:5

Kră Yang 'Bok Kei-Dei khan: 'Nĕ năm jê̆ tơ âu, plôh chơkhŏ ih bĕ, yua kơ anih ih oei dơ̆ng 'noh anih teh 'lơ̆ng rơgoh.

Le 3:6

Kră Yang 'Bok Kei-Dei pơma dơ̆ng: Inh boih Kră Yang 'Bok Kei-Dei 'bok ih, Kră Yang 'Bok Kei-Dei Abraham, Kră Yang 'Bok Kei-Dei Isăk păng Kră Yang 'Bok Kei-Dei Jakôp. Môis đơ̆p măt sư hloi yua kơ sư hli ưh kơ pơ̆n lăng tơ Kră Yang 'Bok Kei-Dei.

Bôk Bơthô 5:1

Kơchăng bĕ mưh ih mơ̆t lăm hnam 'Bok Kei-Dei. Năm mă jê̆ na mơ̆ng, 'lơ̆ng hloh kơ bơngai kơtul pơyơ̆r tơmam soi, lu bơngai mă ưh kơ băt sư đei pơm yoch.

Mathiơ 17:6

Lăp lu bơngai pơhrăm păng Sư kơtơ̆ng nơ̆r pơma thoi noh jơhngơ̆m lu sư hli dêh, lu sư 'nap kŭp kơ̆l tơ teh.

Luka 2:9

Minh 'nu linh jang 'lơ̆ng Kră Yang năm tơ'bôh kơ lu sư. Tơdrong mơsêh mơyang pơchrang hơdah tăp dăr kơ lu sư. Lu sư hli tơtey.

Luka 8:35

Na lu kon pơlei pơla năm lăng tơdrong noh lơliơ. Lu sư năm tơ Yêsu na 'bôh bơngai mă đêl yang mơ̆t ei oei ngôi 'bơ̆t jơ̆ng Yêsu. Sư hrŭk hơbĕn ao thoi lĕ bơngai hmă boih, ưh pă wơnh dơ̆ng. Na lu đe ei hli kơ Yêsu.

I Tim 3:15

Dah inh ưh kơ yĕng năm, inh chih kơthơ âu boih wă kơ ih băt bơ̆n 'nhŏng oh bơngai lui wă pơm thoi yơ lăm hnam 'Bok Kei-Dei. Bơ̆n bơngai lui jing kon Kră Yang 'Bok Kei-Dei. Sư boih arih ling-lang ưh kơ đei layơ lôch, na lu bơ̆n bơngai lui mă răk tơdrong 'Bok Kei-Dei kơjăp, trŏ kơ bơ̆n bơtho tơdrong Sư kơ đe nai dơ̆ng.

Hêbrơ 10:21

Sư pơm 'bok soi tih tơgŭm kon pơlei pơla 'Bok Kei-Dei.

I Pet 4:17

Dang ei 'Bok Kei-Dei wă pơtơm ăn tơdrong gleh kơ kon bơngai. Sư ăn kơ lu kon Sư adrol 'mơ̆i, wă pơlong lăng tơdrong lui lu sư thoi yơ. Klaih kơ noh na Sư ăn tơdrong gleh truh kơ lu bơngai mă kuă kơ lui kơ tơdrong 'nao 'lơ̆ng Sư. Tơdrong gleh lu sư noh kơtang tơpă, kơtang hloh kơ tơdrong gleh lu bơ̆n đei dang ei.

Tơdrông Tơ'bôh 1:17

Kơplah noh lăp inh 'bôh Sư, inh pơ̆k hloi 'bơ̆t jơ̆ng Sư, inh hli tơrơ kơmăp lăl pă băt kơ akâu. Mă-lei ti 'ma Sư pel inh păng khan: “Ih 'nĕ kơ hli, Inh 'Bok tơm rơh hăm Inh ưh kơ đei layơ tôch.

Lu 13:22

Sư pơma dơnuh hloi hăm akăn sư: Tơpă, băt ba gô lôch yua kơ ba 'bôh boih Kră Yang 'Bok Kei-Dei!