Bl 28:14 - Sơ̆p Hlabơar Nơ̆r 'Bok Kei-Dei

¹⁴ Adrĕch adrung ih gô lơ kơdrâ̆m thoi chuơh tơ lăm teh âu, lanh truh tơ bơmơ̆t hơlĕch, gơal yă-nơ̆m păng lu khŭl kon bơngai a gô đei pŭn hiôk đơ̆ng ih păng đơ̆ng lu adrĕch adrung ih.

Bl 28:14 ပူးပေါင်းရင်းမြစ်များ

Bl 12:3

Inh gô ăn pŭn hiôk kơ bu mă sơkat kơ ih pŭn hiôk. Inh gô hiap pơtê̆ bơngai bu mă hiap pơtê̆ ih; păng đĭ-đăng adrĕch adrung kon bơngai kơpal teh âu gô đei pŭn hiôk đơ̆ng ih.”

Bl 13:14

Đơ̆ng rŏng kơ Lot tơklah đơ̆ng Abram boih, Kră Yang khan kơ Abram thoi âu: “Ih ngơk lăng bĕ, lăng iŏk đơ̆ng anih ih oei âu dĭng truh tơ gah yă-nơ̆m, gah gơal, gah hơlĕch, gah bơmơ̆t:

Bl 13:15

Yua kơ đĭ dêh ayơ mă ih 'bôh, Inh gô ăn kơ ih păng adrĕch adrung ih ling-lang hloi.

Bl 13:16

Inh gô pơm ăn kơ adrĕch adrung ih lơ thoi 'mui teh; kơna dah bu kĕ jô̆ 'mui teh, lei sư kư̆m kĕ jô̆ adrĕch adrung ih.

Bl 18:18

Yua kơ Abraham gô jing minh adrĕch adrung tih păng pran; rim adrĕch kon bơngai kơpal teh gô đei pŭn hiôk yua kơ đơ̆ng sư.

Bl 22:17

Gô tuh ăn pŭn hiôk kơ ih, thim ăn kơ ih đei adrĕch adrung lơ thoi sơnglŏng tơ plĕnh ti, kư̆m thoi chuơh đak dơsĭ păng adrĕch adrung noh blah iŏk kơđông lu ayăt.

Bl 22:18

Yua kơ ih chu yom kơ nơ̆r Inh athei, na kon pơlei pơla lăm teh âu yua kơ đơ̆ng ih gô đei pŭn hiôk.”

Bl 26:4

Inh gô ăn thim kơ adrĕch adrung ih lơ thoi sơnglŏng tơ plĕnh ti: Gô ăn kơ lu sư dêh char âu đĭ-đăng kon bơngai jơ̆p pơlei pơla lăm teh đak gô đei tơdrong pŭn hiôk đơ̆ng lu sư,

Bl 32:12

Na Ih đei khan thoi âu: Sĭt tơpă inh gô ăn pŭn hiôk kơ ih păng ăn kơ adrĕch adrung ih chek lar thoi chuơh đak dơsĭ, ưh kơ đei bu kĕ jô̆ yua kơ lơ tơpă.’ ”

Bl 48:16

Linh jang đei dŏng pơklaih inh đơ̆ng tơdrong pơmat-tat, apinh Ih tuh ăn tơdrong pŭn hiôk kơ bre hơ'lơ̆p âu; wă pơtrơp ioi adrĕch inh păng 'bok yă inh Abraham hăm Isăk păng ăn kơ lu sư hrôh rai lơ jơ̆p-jang kơ teh đak!

Bl 48:19

Mă-lei 'bă sư ưh kơ chu, pơjah khan: 'Bă băt dăm, 'bă băt. Sư kư̆m jing minh adrĕch adrung sư kư̆m jing tih mơ̆n, kon, mă-lei oh sư jing minh adrĕch tih hloh oei tơ jơ̆p-jang dêh char lăm teh đak.

II Ho 1:9

Ơ Kră Yang 'Bok Kei-Dei, apinh Ih pơsĭt bĕ nơ̆r Ih đei pơkă pơ'ngam hăm 'bă inh Đawit, gơh jing yua kơ Ih đei pôk inh pơm pơtao boih wă wei pơgơ̆r lu adrĕch adrung lơ kơdrâ̆m thoi 'mui teh âu.

Horiso 72:17

Anăn sư gô oei đei ling-lang. Măt 'năr sư oei đei dang yơ, anăn sư gô oei dang noh; Kon pơlei đei pŭn hiôk đơ̆ng sư! Lu kon pơlei gô sơkat kơ sư đei pŭn hiôk.

Le 32:13

Apinh Ih athei 'blŏk bĕ kơ Abraham, Isăk, hăm Isơrael, lu đĭch đam Ih mă Ih đei yua anăn Ih kơdih, na pơkă: Inh gô ăn kon sâu lu iĕm lơ thoi lu sơnglŏng kơpal plĕnh păng Inh gô ăn kơ kon sâu lu iĕm đĭ-đăng teh đak âu mă Inh đei pơkă boih kơ lu sư gô oei tơ noh jang sa ling-lang khŏm khŏm.

Êsai 54:3

Yua kơ iĕm gô rai lơ năm tơ gah 'ma păng gah 'ngiĕo; adrĕch adrung iĕm gô đei iŏk lu teh đak, păng gô oei tơ lu pơlei mă đĭ lê̆ bri juơ boih.

Jo 23:10

Bu kĕ jô̆ 'bruih chuơh Jakôp? Bu kĕ jô̆ minh lăm puăn lu adrĕch Isơrael? Lu bơngai tơpăt lôch thoi yơ ăn kơ inh lôch thoi lu sư? Năr tôch kơ lu bơngai tơpăt thoi yơ inh hơpơi năr tôch kơ inh thoi noh!

Mathiơ 8:11

Na Inh wă khan kơ iĕm dơ̆ng, ning-mônh gô đei lơ bơngai jơ̆p-jang kơ teh đak âu năm sŏng sa hơdai hăm Abraham, Isăk, Jakôp tơ dêh char 'Bok Kei-Dei.

Jang 3:25

“Bơ̆n boih kon sâu lu bơngai khan lê̆ hơdrol noh. 'Bok Kei-Dei pơkă ăn kơ lu 'bok kơdră bơ̆n sơ̆, Sư kư̆m pơkă ăn kơ bơ̆n lei-lăi mơ̆n. Sư khan kơ Abraham: ‘Yua kơ đei minh 'nu Kon Sâu ih na đĭ-đăng khŭl bơngai ala teh gô hiôk.’

Galati 3:16

Tơdrong 'Bok Kei-Dei pơkă kơ Abraham noh kư̆m thoi tơdrong pơgơ̆p noh hei mơ̆n, tơdrong noh 'Bok Kei-Dei khan wă ăn kơ Abraham păng kon sâu sư tơpă. Lăm sơ̆p hla bơar 'Bok Kei-Dei khan boih thoi âu: “Tơdrong pơkă noh inh wă ăn kơ kon sâu ih tơpă.” Mă-lei ưh kơ đei khan wă ăn đĭ-đăng kơ lu kon sâu sư hloi ôh. Sư wă ăn kơ minh 'nu bơngai đĕch, bơngai noh wă khan Yêsu Krist.

Galati 3:8

'Bok Kei-Dei băt hơdrol đơ̆ng sơ̆ boih gah tơdrong lu bơngai mă lui kơ Sư, mă bơngai Juđê, mă bơngai khŭl nai, Sư jô̆ 'lơ̆ng tơpăt ngăl. Kơlih kơ thoi noh na Sư roi tơdrong 'nao 'lơ̆ng noh hơdrol kơ Abraham sơ̆ thoi âu: “Ơ Abraham, yua kơ ih, na Inh wă tơgŭm tôm kơ khŭl bơngai oei tơ ala teh.”

Êphêsô 1:3

Bơnê kơ Kră Yang 'Bok Kei-Dei 'Bă Yêsu Krist Yŏng bơ̆n, yua kơ Sư ăn kơ bơ̆n tôm tơdrong hiôk 'lơ̆ng tơ plĕnh ti. Bơ̆n đei tôm tơdrong noh yua kơ bơ̆n lui kơ Yêsu Krist.

Both 12:20

Kơplah Kră Yang 'Bok Kei-Dei iĕm pơih hơdral rai să ăn kơ iĕm, thoi Sư đei pơkă khan kơ iĕm, yua kơ iĕm hơpơi 'maih sa 'nhĕm na khan: “Inh gô sa 'nhĕm,” iĕm gô sa mơ̆ng kơ iĕm wă sa dôm yơ.

Both 13:17

Dôm tơmam trŏ kơ đe pơrăm tơhiong ưh kơ đei bu mă chro ti iŏk ôh wă kơ Kră Yang huay kơ hil mĭl, na tơ'bôh tơdrong Sư 'mêm mơnat kơ iĕm ăn kơ iĕm hrôh ngôh rai lơ thoi sư đei pơkă pơkăm hăm lu 'bok iĕm sơ̆.

Tơdrông Tơ'bôh 7:4

Inh kơtơ̆ng đe khan sư wă chơ̆m đŏng yâu tơ klĕng rim kơ adrĕch adrung lu bơngai Isơrael truh kơ minh-hrĕng puăn-jĭt puăn-rơbâu 'nu đĭ-đăng.

Tơdrông Tơ'bôh 7:9

Klaih kơ noh inh 'bôh lơlap lơlang ưh kơ kĕ jô̆ ôh, yua kơ đơ̆ng rim dêh char, rim adrĕch adrung, rim khŭl bơngai, rim kơ nơ̆r pơma, lu sư dơ̆ng 'bơ̆t anăp tang-dŏ 'Bok Kei-Dei păng Kon Triu. Lu sư tă ling hrŭk ao tai kok păng chĕp sơdrai hla.