Bl 28:13 - Sơ̆p Hlabơar Nơ̆r 'Bok Kei-Dei

¹³ Na âu, 'bôh Kră Yang hơ-oei 'bơ̆t kơ̆l kung noh păng khan thoi âu: Inh boih Kră Yang Kră Yang 'Bok Kei-Dei Abraham, 'bok ih kư̆m Kră Yang 'Bok Kei-Dei Isăk 'bă ih. Inh gô ăn kơ ih păng adrĕch adrung ih teh đak mă ih oei 'bĭch âu.

Bl 28:13 ပူးပေါင်းရင်းမြစ်များ

Bl 12:7

Kră Yang pơdah kơ Abram păng pơkă khan: Inh gô ăn adrĕch adrung ih teh đak âu! Đơ̆ng noh, Abram pơm minh pôm chơnang soi kơ Kră Yang, Tơ'ngla mă đei pơdah akâu sư kơ Abram.

Bl 13:15

Yua kơ đĭ dêh ayơ mă ih 'bôh, Inh gô ăn kơ ih păng adrĕch adrung ih ling-lang hloi.

Bl 13:17

Iung bĕ, chă nơnăm jơ̆p kơ lăm dêh char, wơ̆l, tor; yua kơ Inh wă ăn kơ ih dêh char âu.”

Bl 15:1

Đơ̆ng rŏng kơ tơdrong noh, đei nơ̆r Kră Yang khan dơ̆ng kơ Abram lăm tơdrong tơ'bôh thoi âu: “Ơ Abram ih 'nĕ kơ hli; Inh âu jơ̆ khêl pĕng ih; ih gô đei tơmam apah tih tơpă.”

Bl 15:18

Lăm năr noh Kră Yang đei nơ̆r pơkă pơgơ̆p pơkăm hăm Abram, na khan thoi âu: “Inh gô ăn kơ adrĕch adrung ih dêh char âu, đơ̆ng glung Êyiptơb dĭng truh tơ glung tih noh, wă khan glung Ơphrat.

Bl 26:24

Măng noh Kră Yang jur tơ sư păng khan: Inh boih Kră Yang 'Bok Kei-Dei Abraham, 'bă ih, 'nĕ kơ hli, Inh oei hơdai ih. Inh gô ăn thim tơdrong pŭn hiôk kơ ih păng ăn adrĕch adrung ih, jing lơlap, yua kơ Abraham đĭch đam Inh.

Bl 26:3

Oei bĕ tơ char âu thoi tơmoi; Inh gô oei hơdai ih păng gô ăn kơ ih pŭn hiôk. Inh gô ăn kơ adrĕch adrung ih tơring âu păng dêh char âu păng Inh gô pơkeh nơ̆r Inh mă đei pơkă boih hăm Abraham, 'bă ih.

Bl 28:4

Apinh sư ăn kơ e păng adrĕch adrung e đei tơdrong pŭn hiôk đơ̆ng Abraham, wă kơ teh đak e oei dang ei jing anih jang sa, wă khan char mă Sư đei ăn boih kơ Abraham.

Bl 31:13

Inh âu boih mă Kră Yang 'Bok Kei-Dei tơ'bôh kơ ih tơ Bethel, anih mă ih đei pik đak rơmă 'bơ̆t jrăng păng đei krao apinh Inh. Dang ei, iung bĕ, lĕch đơ̆ng char âu na wih brŏk tơ tơring char 'nhŏng oh ih.

Bl 31:42

Tơdah Kră Yang 'Bok Kei-Dei 'bă inh, Isăk Kră Yang 'Bok Kei-Dei 'bok inh Abraham, mă hli yom, ưh kơ tơgŭm yŏng inh, băt dang ei ih pơpuh tơbrŏk inh tơ noh. Kră Yang 'Bok Kei-Dei đei 'bôh boih tơdrong jang inh pơmat-tat đơ̆ng ti chă pơjing, lei na măng hei ih 'bôh boih sư sek tơlang tơpăt thoi noh.

Bl 31:5

Păng khan kơ măr sư thoi âu: Inh 'bôh muh măt 'bă măr iĕm ưh pă gan hiôk hăm inh thoi sơ̆ boih, mă-lei Kră Yang 'Bok Kei-Dei, 'bă inh tơgŭm inh.

Bl 31:53

Apinh Kră Yang 'Bok Kei-Dei Abraham, Kră Yang 'Bok Kei-Dei Nahôr, Kră Yang 'Bok Kei-Dei 'bă lu sư noh sek tơlang kơ bơ̆n! Jakôp pơkăm hăm anăn Kră Yang Isăk, 'bă sư, na sư pơkă hăm jơhngơ̆m hli yom.

Bl 32:10

Inh âu ưh kơ rơ-a na ưh kơ hơnhŏ gơh đei pŭn hiôk păng dôm tơdrong 'lơ̆ng tơpăt Ih mă đei pơm boih kơ đĭch đam Ih adrol sơ̆. Wă tŏk găn đak Krong Jôrđăn inh đei lăp minh pôm 'long jra đĕch, kơna dang ei inh đei 'bar khŭl bơngai âu.

Bl 32:9

Đơ̆ng noh Jakôp krao khan thoi âu: “Ơ Kră Yang 'Bok Kei-Dei kơ 'bok inh 'bok Abraham. 'Bă inh Isăk, wă khan Kră Yang! Ih đei bơtho pơkă kơ inh thoi âu: ‘Wih brŏk bĕ tơ tơring ih tơ 'nhŏng oh, kơtum kơtŏng ih, na Inh gô ăn pŭn hiôk kơ ih.’

Bl 35:1

Kră Yang 'Bok Kei-Dei khan kơ Jakôp thoi âu: Iung bĕ, weh năm tŏk oei tơ Bethel. Păng pơdơ̆ng tơ noh minh pôm chơnang soi ăn kơ Kră Yang 'Bok Kei-Dei, Kră Yang mă đei tơ'bôh boih kơ ih kơplah ih kơdâu ôn kơ Êsâu 'nhŏng ih.

Bl 35:12

Char inh mă đei ăn boih kơ Abraham păng Isăk na Inh gô ăn kơ ih păng lu adrĕch adrung ih.

Bl 35:15

Na Jakôp krao anih mă Kră Yang 'Bok Kei-Dei pơma dơnuh hăm sư noh Bethel.c

Bl 35:17

Kơplah sư tơpŭ anat thoi noh, yă kơ'mĭn sư khan thoi âu: 'Nĕ kơ hli, yua kơ âu ih đei tơpŭ kon drŏ-nglo dơ̆ng.

Bl 46:3

Kră Yang 'Bok Kei-Dei khan; Inh jơ̆ Kră Yang 'Bok Kei-Dei, Kră Yang 'Bok Kei-Dei 'bă ih. Jur bĕ tơ dêh Êyiptơ, hli kơ kiơ. Yua kơ tơ noh Inh gô ăn kơ ih jing minh adrĕch adrung tih.

Bl 48:3

Jakôp khan kơ Jôsep thoi âu: Kră Yang 'Bok Kei-Dei mơsêh mơyang đei tơ'bôh kơ inh păng ăn kơ inh tơdrong pŭn hiôk tơ Lus, lăm dêh Kanaan.

I Ho 16:16

Tơdrong Sư pơgơ̆p hăm Abraham, tơdrong sư pơkăm bơih hăm Isăk.

I Ho 16:18

Sư khan: “Inh gô ăn kơ lu iĕm char Kanaan. Jing teh lu iĕm jang sa.”

Horiso 105:11

Sư khan: “Inh gô ăn kơ Ih teh char Kanaan, Noh teh lu iĕm jang sa;”

Le 2:24

Kră Yang 'Bok Kei-Dei kơtơ̆ng tơdrong ơh sơ'ngon pơmat-tat lu sư, 'blŏk hơdơ̆r tơdrong pơgơ̆p hăm Abraham, Isăk păng Jakôp.

Le 3:6

Kră Yang 'Bok Kei-Dei pơma dơ̆ng: Inh boih Kră Yang 'Bok Kei-Dei 'bok ih, Kră Yang 'Bok Kei-Dei Abraham, Kră Yang 'Bok Kei-Dei Isăk păng Kră Yang 'Bok Kei-Dei Jakôp. Môis đơ̆p măt sư hloi yua kơ sư hli ưh kơ pơ̆n lăng tơ Kră Yang 'Bok Kei-Dei.

Le 4:5

Kră Yang khan: 'Noh wă kơ lu sư lui kơ Kră Yang 'Bok Kei-Dei 'bok sư, wă khan Kră Yang 'Bok Kei-Dei Abraham, Kră Yang 'Bok Kei-Dei Isăk, Kră Yang 'Bok Kei-Dei Jakôp, đei tơ'bôh boih kơ ih.

Le 6:4

Inh kư̆m pơsĭt tơdrong pơgơ̆p hăm lu sư, wă ăn kơ lu sư dêh Kanaan, mă dêh lu sư wă oei tơ noh thoi lĕ lu bơngai tơmoi.

Le 6:7

Inh gô iŏk lu iĕm pơm kon pơlei Inh păng Inh gô pơm Kră Yang 'Bok Kei-Dei lu iĕm; lu iĕm gô băt kơ Inh jing Kră Yang 'Bok Kei-Dei lu iĕm, pơklaih rơngei lu iĕm đơ̆ng pơm đĭch đam kơ lu bơngai Êyiptơ.

Êsêkiên 28:25

Kră Yang khan thoi âu: “Kơplah Inh akŭm lu adrĕch Isơrael brŏk đơ̆ng lu kon pơlei mă lu sư oei tơklah tơklang, Inh gô tơ'bôh tơdrong 'lơ̆ng rơgoh Inh tơ lăm lu sư 'bơ̆t anăp lu teh đak. Na lu sư gô oei tơ lăm teh đak mă Inh ăn boih kơ đĭch đam Inh Jakôp.

Am 7:7

Sư tơ'bôh ăn kơ inh: 'Nâu Kră Yang dơ̆ng kơpal dur mă đei man tơpăt păng ti Sư chĕp minh dăng tơlei wă kơ pơtŏ.

Mathiơ 22:32

Sư khan thoi âu: ‘Inh boih Kră Yang wei-lăng Abraham, Kră Yang wei-lăng Isăk, Kră Yang wei-lăng Jakôp.’ ” Yêsu khan dơ̆ng: “Lu bơngai âu lôch đĭ boih kơplah noh sơ̆, mă-lei lu sư gô iung arih tôm kơ lu sư yua kơ Kră Yang wei-lăng gah tơdrong arih, ưh kơ sĭ Sư wei-lăng gah tơdrong lôch ôh.”

Jang 7:5

'Bok Kei-Dei pơkă wă ăn kơ sư oei dêh char bơ̆n âu păng pơkă wă ăn kơ lu kon sư oei dêh char âu mơ̆n, mă-lei kơplah noh 'Bok Kei-Dei tam mă ăn kơ sư anih oei 'bơ̆t ayơ ôh. Hơtai ei Abraham kư̆m ưh kơ đei kon.

Both 1:8

Inh jao ăn kơ iĕm dêh âu; mơ̆t păng iŏk oei bĕ, dêh mă Kră Yang đei pơkă ăn kơ lu 'bok lu iĕm Abraham, Isăk, Jakôp, hăm lu kon sâu sư.

Both 34:4

Kră Yang khan kơ Môis: 'Nâu bơih dêh char mă Inh pơkă wă ăn kơ Abraham, Isăk păng Jakôp. Inh gô ăn dêh âu kơ lu adrĕch adrung ih. Inh tơ'bôh ăn kơ ih lăng dêh noh, mă-lei ih ưh kơ gơh mơ̆t tơ noh ôh.

Both 9:5

Iĕm mơ̆t iŏk dêh đơ̆ng lu adrĕch âu ưh kơ sĭ yua kơ đơ̆ng tơdrong iĕm pơm 'lơ̆ng tơpăt ôh, dah kiơ̆ tơnăp ưh ôh, mă-lei yua kơ đơ̆ng tơdrong yoch kơnê̆ lu sư, na Kră Yang 'Bok Kei-Dei blah puh lê̆ lu sư đơ̆ng anăp iĕm, wă pơsĭt kơ nơ̆r sư pơkă pơkăm hăm lu 'bok iĕm Abraham, Isăk păng Jakôp.

Hêbrơ 11:16

Mă-lei lu sư ưh ôh, lu sư wă chă minh pôm teh đak hiôk hloh kơ noh dơ̆ng, teh đak ei tơ plĕnh ti. Thoi noh na lu sư krao kơ 'Bok Kei-Dei Kră Yang, 'Bok Kei-Dei lăp đon kơ lu sư, ăn hloi kơ lu sư minh pôm teh đak tơ plĕnh ti wă pơjing pơlei lu sư.