Bl 20:17 - Sơ̆p Hlabơar Nơ̆r 'Bok Kei-Dei

¹⁷ Abraham krao apinh Kră Yang 'Bok Kei-Dei, na sư pơklaih ăn tơdrong jĭ pơtao Abimêlek, akăn sư hăm lu đam sư, thoi noh na đĭ-đăng lu sư đei hơ'lơ̆p ngăl dơ̆ng.

Bl 20:17 ပူးပေါင်းရင်းမြစ်များ

Bl 12:17

Na yua kơ Sarai, akăn Abram, na Kră Yang phak Pharaôn hăm hnam dơnŏ sư đei tơdrong jĭ krưp dêh.

Bl 20:7

Dang ei pơdrâu bĕ drŏ-kăn noh kơ klo sư, yua kơ klo sư bơngai khan lê̆ adrol, sư gô krao khan kơ ih na ih gô arih. Dah ưh kơ pơdrâu, ih athei băt ih hăm lu bơngai oei hơdai ih sĭt gô lôch.”

Bl 29:31

Kră Yang 'bôh Jakôp ưh kơ 'mêm kơ Lêa, ăn kơ sư đei pơjing hơ'lơ̆p, gah Rachel hơwŏng hơwŏ.

Esơra 6:10

wă kơ lu sư soi pơyơ̆r lu tơmam soi 'bâu phu ăn kơ Kră Yang 'Bok Kei-Dei kơpal plĕnh lăp đon păng krao khan kơ tơdrong arih pơtao păng lu kon drŏ-nglo inh.

Jop 42:8

Na dang ei, rôp bĕ tơpơh tŏ rơmo tơno păng tơpơh tŏ triu tơno năm truh tơ Jop, đĭch đam Inh, lu iĕm pơyơ̆r tơmam soi 'buh; na Jop đĭch đam Inh, gô krao khan ăn kơ lu iĕm; Inh gô tơl nơ̆r sư, na Inh huay kơ phak lu iĕm kiơ̆ kơ tơdrong kơtul kơmŭl lu iĕm, yua kơ lu iĕm ưh kơ đei pơma tơpăt gah Inh thoi Jop đĭch đam Inh mă pơma bơih.”

Tơdrông Pơđơk 15:29

Kră Yang ataih đơ̆ng lu bơngai pơm kơnê̆, Jê̆ păng mơ̆ng nơ̆r lu bơngai tơpăt krao apinh.

Tơdrông Pơđơk 15:8

Tơmam soi lu bơngai kơnê̆ pơm 'mê̆ krưp kơ Kră Yang; Mă-lei đei nơ̆r krao khan đơ̆ng lu bơngai tơpăt Kră Yang lăp đon.

Êsai 45:11

Kră Yang Tơ'ngla 'lơ̆ng rơgoh đe Isơrael Tơ'ngla Pơjing khan thoi âu: “Yua kơ lu iĕm jet Inh, gah tơdrong gô truh kơ kon pơlei Inh, gah tơdrong jang đơ̆ng ti Inh.

Jo 12:13

Môis krao khan apinh Kră Yang thoi âu: Ơ, Kră Yang 'Bok Kei-Dei! Inh hơdrĭ hơpơi kơ Ih pơklaih ăn kơ mŏ inh.

Jo 21:7

kon pơlei kơdâu tơkan tơ Môis păng khan: Lu nhôn pơm glăi yoch boih pơma hil plơ̆ kơ Kră Yang păng ih. Krao khan apinh Kră Yang bĕ, wă kơ sư pơm kơ 'bih 'nâu weh tơ nai ataih đơ̆ng lu nhôn. Môis krao khan apinh ăn kơ kon pơlei.

Mathiơ 21:22

Mă tơdrong kiơ kiơ iĕm krao khan apinh 'Bok Kei-Dei, dah iĕm lui kơ Sư gô ăn tơdrong iĕm apinh noh, lei iĕm gô đei tơpă.”

Mathiơ 7:7

“Krao khan apinh 'Bok Kei-Dei khŏm khŏm na Sư gô asong kơ iĕm. Iĕm nŏng kơ chă khŏm khŏm, Sư gô tơ'bôh kơ iĕm. Iĕm dơdŭ 'măng Sư khŏm khŏm, na Sư gô pơih ăn.

Jang 3:24

Đĭ-đăng bơngai pơtruh nơ̆r 'Bok Kei-Dei sơ̆ jô̆ đơ̆ng 'bok Samuel kư̆m khan lê̆ hơdrol gah tơdrong Yêsu mă bơ̆n 'bôh dang ei.

Philip 4:6

Iĕm 'nĕ kơ hli, ưh kơ hli kơ minh tơdrong kiơ ôh. Mă-lei iĕm athei krao khan apinh 'Bok Kei-Dei wei-lăng păng tơgŭm iĕm lăm tôm tơdrong păng athei băt bơnê kơ Sư ling-lang.

I Tes 5:25

Ơ 'nhŏng oh păng iĕm kư̆m krao khan kơ 'Bok Kei-Dei tơgŭm lu nhôn mơ̆n hŏ.

Ya 5:16

Thoi noh na iĕm athei roi dih băl tơdrong yoch na bôl buăl krao khan tơgŭm, 'Bok Kei-Dei gô ăn kơ lu iĕm mă jĭ jăn klaih praih iung. Bơngai mă lui kơjăp ưh kơ đei tơdrong yoch sư krao khan adrin tơpă na 'Bok Kei-Dei gô tơl tơwih dôm tơdrong sư krao khan noh.