Bl 14:15 - Sơ̆p Hlabơar Nơ̆r 'Bok Kei-Dei

¹⁵ Thoi noh Abram klah asong lu đam sư, wơh năm wang lu linh ayăt kơmăng blah puh truh tơ teh đak Hôba gah yă-nơ̆m kơ pơlei Đamas.

Bl 14:15 ပူးပေါင်းရင်းမြစ်များ

Bl 15:2

Abram tơl thoi âu: “Kơkuh kơ Ih Kră Yang. Ih gô ăn kiơ? Inh gô lôch mă-lei ưh kơ đei kon, bơngai ioi adrĕch adrung hnam inh noh Êliêser, Đơ̆ng pơlei Đamas.”

I Pot 15:18

Kơplah noh, Asa iŏk đĭ hu, maih đơ̆ng lăm Hnam Kră Yang păng đơ̆ng hnam pơtao, pơjao ăn kơ đĭch đam sư păng wơh lu sư năm tơ Ben Hadat kon drŏ-nglo Tabrimmôn, sâu Hêsiôn, pơtao Siri, oei pơgơ̆r tơ pơlei Đamas păng khan:

Horiso 112:5

Pŭn dêh kơ bu băt mơnat păng ăn kơ đe tŏk iŏk. Bơngai 'noh sư jang 'lơ̆ng tơpăt.

Êsai 17:1

Nơ̆r Khan lê̆ adrol kơ pơlei Đamas: “Mơ̆ng bĕ Pơlei Đamas, ưh pă jô̆ jing pơlei tih dơ̆ng, mă-lei gô jing tơmam pơchah rơ̆m rĕk.

Êsai 7:8

Yua kơ kơ̆l char Siri jơ pơlei Đamas, kơ̆l pơlei Đamas jơ̆ Rêsin lăm tơdrâu-jĭt pơđăm sơnăm Êphraim gô răm đĭ ưh pă jing kon pơlei pơla dơ̆ng.

Je 49:23

Khan lê̆ adrol gah pơlei Đamas: Pơlei Hamat păng pơlei Arpat hli tơrơ; yua kơ lu sư 'nao kơtơ̆ng tơdrong kơnê̆; lu sư tơtăm hơwơ̆l hơwang, thoi đak dơsĭ poh-yă.

Êsêkiên 27:18

Yua kơ ih pơjing đei mŭk tơmam tôm tĕch rơkah rơkai, na pơlei Đamach mơdro sa hăm ih, sư iŏk sik hơmu đơ̆ng Hêlbôn păng iŏk sŏk triu kok đơ̆ng pơlei sahar lu sư wă tơplih hăm tơmam ih.

Êsêkiên 47:16

pơlei Hơmat, Bêrôha păng Sibraim, 'bơ̆t tŏk-bŏk hơdral sơlam pơlei Đamas păng Hamat, truh tơ pơlei Haser Hathikôn truh tơ hơdral Hauran.

Jang 9:10

Tơ Pơlei Đamas đei minh 'nu bơngai anăn sư Anania, sư lui kơ Yêsu. Anania kơtơ̆ng nơ̆r Yêsu khan kơ sư: “Ơ Anania ơi.” Anania khan: “Ơ Kră Yang, Ih wă kơ kiơ? Inh tơ âu.”

Jang 9:8

Klaih kơ noh Sôl iung hloi. Lăp sư lar măt, măt sư bơbul, ưh kơ 'bôh hơdah. Na bôl sư rôp ti chông ba sư truh tơ Pơlei Đamas.

Both 15:2

'Nâu tơdrong juăt ăn rơngei, tơ'ngla mă ăn kơ đe tŏk iŏk noh athei ăn rơngei, ưh pă apinh dơ̆ng đơ̆ng lu 'nhŏng oh iĕm Isơrael păng lu 'nhŏng oh nai đêl tŏk iŏk noh, yua kơ Kră Yang khan boih 'nâu sơnăm ăn rơngei đơ̆ng hre.

Lu 7:16

Sư klah asong pêng-hrĕng 'nu bơngai noh pơm pêng khŭl, sư asong ăn kơ rim 'nu bơngai linh chĕp tơgiĕp păng bơ̆i hoh lăm noh tah minh hơchô̆ hơpaih wă tơ̆k.