Yude 1:20 - Loina Nuahuana

²⁰ Ciyagwao, 'ilobwainegomiya ma tapwalolo dumwaluna wa'abiyahi momosi ma 'oinega wagihe pa'aligomi, ma wete Yaluyaluwa Tabuna 'ina waiwaiyega wa'ahwanoi Yehoba 'oina,

Yude 1:20 ပူးပေါင်းရင်းမြစ်များ

Paihowa 15:9

ma geya 'aigeda wete wataha 'i'abi'abi latuhe, ta 'abehega taudi hagahagadi ma tauda hagahagada, ma hesi taudi sihemiseya gide tauda tahemiseya, ma 'oinega mabwaiyada 'ateda 'i'abihe 'ehaudi.

Paihowa 26:18

Weyahina taudi tomiya ganamuli 'oidiya 'abwa yahewasaego, ma matadi 'u'abi he'asilaladi, ma guguyou 'oinega si'ita hila 'asilala 'oina, ta wete Tomudulele 'ina 'ebeloina waiwaina 'oinega sihapwesama, ma Yehoba 'idi puiyao 'inuwasamudi, ma siluhu taudi 'agu tohemisao 'oidiya, beno taudi 'oiguwega si'ehauwa.’

Paihowa 6:7

Coinega Yehoba 'ina gwae 'ihewaiwai tomota 'oidiya, ma tomuliyao 'adi boda madou hedada tupwa Yelusalema 'oina, ma topwaoliyao tupwana baibaiwana wete gwaeina sihesagoheya, ta Yesu sihemisaeya.

Paihowa 9:31

Nage 'oina tohekalesiyao meYudiya ma meGalili ma meSameliya 'asaedi 'oidiya simiya daumwala, ma sipa'ala, ma'idi he'asisi 'idi Badaina 'oina, ma Yaluyaluwa Tabuna 'ina 'itayahina 'oinega 'adi boda 'imadouwa.

Loma 15:2

Eeta 'aigeda 'aigeda sawasawahina 'iyadao ta'abihetedi ma 'ane 'idi hemisa 'ihewaiwai.

Loma 8:15

Eeta Yehoba sahena tamatamataute weyahina 'i'ahwa natunegita, ta tauda geya gide 'ina topaihowao, ma hesi gide natunao ma ma'ida 'atepatu tagwaegwae 'oina, “Tamagu!”

1 Kolinita 1:8

Ma tauna 'i'abi'abi hepa'aligomi, ta geya 'eta 'imi puimo, ma 'ana siga sabweloina 'ilohihilama.

1 Kolinita 10:23

Ginaula mabwaiyadi sawasawahida ma tapaihowadi, ma tupwana ginaula nata geya si'abi 'abihetegita.

1 Kolinita 14:15

Cilobwainegauwa ma ma'igu sanapu ta wete yaluyaluwaguwega ya'ahwa'ahwanoi, ma weteyage yawali hepwatu Yehoba 'oina yaluyaluwaguwega ta wete ma'igu sanapu.

1 Kolinita 14:26

Ciyagwao, 'eguma tapwalolo weyahina waluhuluhu, 'aigeda tomota wali 'i'ahala lagasi, 'aigeda 'ihe'ita, 'aigeda lotohona hauhauna 'ihepwaila hapwese; ma 'aigeda hali 'enana 'oinega 'igwae, ma 'aigeda gwaeina 'igibui, eeta paihowaedi 'oidiyega boda silemedi.

Galetiya 4:6

Coinega wete Yehoba Natuna Yaluyaluwana 'ateda 'ilaguya ma Yehobaina 'i'ahwa tamaneya 'igwae, “Tamagu!”

Epeso 4:12

Ma mabwaiyada 'ida paihowa 'aigeda 'aigeda beno tohekalesiyao 'adi lema ma sihewaiwai, beno Keliso wahina 'ina sinasinabwa weyahina,

Epeso 4:16

Weyahina tauda Keliso wahina yahunao ma 'igihewaiwaiyegita gide wahinaina 'ana walowalowao, ma 'ana tubweyao mabwaiyadi 'idi paihowega sihelemalema ma helauwega simadomadou ta sihewaiwai.

Epeso 4:29

Sahena wete 'eta gwae galana wa'ina'inana, ma hesi gwae bwebwe'anamo tomota 'adi lema weyahina, to'aha tuta 'aigeda 'aigeda 'ana lobwaina weyahina wahegwaegwae, ma 'oinega taiyawedi taudi sihesagohegomi, 'imi gwaeyega nata lema siloba.

Epeso 6:18

Tuta mabwaiyana Yaluyaluwa Tabuna 'ina lema 'oinega 'ahwanoi baibaiwadi 'oidiyega wa'ahwa'ahwanoi Yehoba 'oina. Sahena wawe'awe'a ma hesi ma'imi toholopa'ala wa'itayahigomi ma wa'ahwanoi tohekalesiyao mabwaiyadi weyahidi,

Kolose 2:7

Weyahina Kelisoina 'imi hemisa huhuna, ta 'ana 'abihemadou, ta 'ana 'abihepa'ala, gide 'ahe'itegomiya, ma weyahina waloyauwedo madouna.

1 Tesalonaika 5:11

Coinega 'ilobwainegomiya ma waboi wa'abihepa'ali hilegomi ma wete wahelemalema hilegomi, beno paihowaedi gide sauga bewa wapaipaihowa 'esedi.

1 Timoti 1:4

Ma wete sahena sigwaegwae ma mwalo babadaedi sanidi si'ina'inanadi.” Nata gide he'ahwa panapanawa 'ilatu 'oimiya weyahina he'ote'otetela balaina, sahena tomota si'abihetedi, ma gesowana 'idi hemisa Yehoba 'oina si'abi'abi.

2 Timoti 1:5

Ma wete 'ino hemisa moisa Yehoba 'oina yanuwatuhu yahiya, gide sinau Yunisi ma tubuu Loise Yehoba sihemisaeya moisa, ma yasanapugowa 'owa wete Yehoba 'uhemisae moisa.

Taito 1:1

Natugu Taito, 'ino leta bewa taugu Paulo 'oiguwega, taugu Yehoba 'ina topaihowa ta Yesu Keliso 'ana tohepwaila. Cigu paihowaina 'i'ebwaegauwa ma taudi Yehoba 'ana hesihesinuwao ya'abihe waiwaiyedi ma sihemisa moisa ma nuwadi 'isabwalena, ta 'oinega sanapu moisega sipaihowa dumwalu.

Yemesa 2:22

Bewa 'oinega nata 'usanapu 'abehega Ebalahamo 'ina hemisa ma 'ina paihowa sipaihowa mahemahetena, ta 'ina paihowega 'ina hemisa moisa 'i'abilatuheya.

2 Pita 1:1

Taugu Saimoni Pita ta Yesu Keliso 'ina topaihowa 'aigeda, nuwana 'ana tohepwaila, 'imi leta yaleleyawa. Comi ma taugu 'ida hemisa mahemahetena, ma weyahina tayaliyaya. Hemisaina talobeya 'ida Yehoba ma 'ada To'abihetena Yesu Keliso 'idi loina bwebwe'ana 'oinega.

1 Yoni 5:4

Coinega 'eguma Yehoba 'ihenatunegita mumuga bale'u tahewaiwaisine, ma 'ida 'ebe hewaiwaiina sanina hemisa.

Yude 1:3

Ciyagwao, nuwanuwagu ma 'ada 'abihetenaina weyahina yaleleyawa, ma hesi geya sawasawahina, weyahina 'aigeda mwau 'ihapwesa pwaiya 'oimiya, 'oinega 'ilobwaineya ma leta bewa 'oinega yalohatotogomi ma 'abehega geya'abwa 'ida tapwalolo dumwadumwaluna walologwahate, ma hesi wahetapewa weyahina. Weyahina 'ida tapwaloloina tauda Yehoba 'ana tohemisao 'i'ebwae pwaigita.

Heꞌitaꞌita 13:10

Weyahina “Ceguma taiya si'abiyahi, sida 'abiyahi tuwa, ma wete taiya 'eguma 'elepa 'aleha 'oinega silohe'amasi, sida lohe'amasi tuwa.” Gwae bewa 'oinega Yehoba 'ina tomotaedi ma'idi hemisa sitoholo pa'ala.