Yoni 9:7 - Loina Nuahuana

⁷ ma 'ihegwaeya 'igwae, “Cutauya Sailome we'ahina 'oina matauina 'ubuyo.” (Sailome 'ana bui beno hesumane.) Coinega loheyaina 'itauya Sailome we'ahina 'oina, matanaina 'ibuyoya ma 'ibwebwe'ana ma wete 'ihilama.

Yoni 9:7 ပူးပေါင်းရင်းမြစ်များ

Madiu 11:5

tomata gibugibu matadi 'itayahala pwaiya, tohe'au'au sibwebwe'ana pwaiya ta sitautauya, tolepelo wahidi sibwebwe'ana hila, totenatuitui gwae sihehesagohe, to'amasa sitoholo hila, ma wete tohewewelohe tetela bwebwe'ana sihesagohe pwaiya.

Luke 13:4

“Ma taudi meSailoma site 'eitiniyedi tutaina hada madouna 'ibe'uwa ta 'ilohe'amasidiya, togidega 'imi nuwatuhu 'abehega taudi mumugadi gala hedadena meYelusalema mabwaiyadi 'oidiyega, ta 'oinega hesilaeina silobeya?

Luke 2:32

ta taudi ganamuli 'idi To'abihe'asilala, ma tauma 'ino tomota meIsileli 'ima 'ebe hepwatu.”

Yoni 10:36

Coinega to'aha weyahina 'igu gwae wanuwatuhuya 'abehega gwae hohopa'ala tutaina yagwaeya 'abehega taugu Yehoba natuna? Ma hesi wa'ita, taugu 'ihesinuwanegauwa ma 'ihesumanegauma ma yatauyama bale'uwa ma 'ina paihowa yapaipaihowadi.

Yoni 11:37

Ta 'oidiyega tupwadi sigwae, “Tauna tuwa Yesuina mwalona tomata gibugibu 'i'abihe bwebwe'aniya. Ma to'aha weyahina geya 'itauyama ma 'iyanaina bewa 'ilemema geya'abwa yawasina 'igumwagumwala?”

Yoni 9:11

Ma loheyainaina 'enadi 'ihemaiseya 'igwae, “Loheya 'aigeda sanina Yesu dobadoba'a 'ipaihoweya ma matagu 'oina 'i'e'abi'abiyeya, ma 'ihegwaegauwa 'igwae, ‘Cutauya Sailome we'ahina 'oina matauina 'ubuyo.’ Coinega yatauya we'ahina 'oina mataguina yabuyoya, 'oinega nige bewa mataguina 'ibwebwe'ana.”

Yoni 9:39

Muliyetega Yesu 'igwae, “Taugu yatauya pwaima bale'uwa ma yaloinaegomi ma 'oinega taiyawedi 'omi mata gibugibuimi, matami sibwebwe'ana hila. Ma hesi taudi sigwaeya 'abehega matadi bwebwe'ana, nata matadi sigibu.”

Paihowa 26:18

Weyahina taudi tomiya ganamuli 'oidiya 'abwa yahewasaego, ma matadi 'u'abi he'asilaladi, ma guguyou 'oinega si'ita hila 'asilala 'oina, ta wete Tomudulele 'ina 'ebeloina waiwaina 'oinega sihapwesama, ma Yehoba 'idi puiyao 'inuwasamudi, ma siluhu taudi 'agu tohemisao 'oidiya, beno taudi 'oiguwega si'ehauwa.’

Loma 8:3

Ta lihasaina Mosese 'ina loina geya sowasowahina, weyahina tauda tomota mumugada we'awe'ana, ma hesi Yehoba lihasaina 'ipaihoweya, beno Natuna moisa 'itagwaleya, 'idobima bale'uwa tauda togala wahida 'isoheya, ta 'ida pui weyahina 'ipwaoliyeya 'iboi, ta 'ida puiyedi 'ihewaiwai sinediya.

Galetiya 4:4

ma muliyetega Yehoba natuna 'ina tuta bwebwe'ana 'ilobeya, eeta natuna 'ihewaseyama, ta sinana 'ihenatuneya ta 'iheloheya masiha 'oima, beno tauma Mosese 'ina loinao sipaipaimai, ma 'oidiyega 'ilihasimai, ma 'omi wete 'ilihasigomi, ma Yehoba mabwaiyada 'i'ahwa natunegita.