Yoni 9:3 - Loina Nuahuana

³ Coinega 'enadi Yesu 'ihemaiseya 'igwae, “Geya tauna 'ina pui 'oinega, bo nuwana sinana ma tamana 'idi pui 'oinega. Ma hesi tuwa nage gidemusa matana 'igibuwa ma 'oinega tomota mabwaiyadi Yehoba 'ina paihowa waiwaina si'ita, loheyaina 'oinega.

Yoni 9:3 ပူးပေါင်းရင်းမြစ်များ

Madiu 11:5

tomata gibugibu matadi 'itayahala pwaiya, tohe'au'au sibwebwe'ana pwaiya ta sitautauya, tolepelo wahidi sibwebwe'ana hila, totenatuitui gwae sihehesagohe, to'amasa sitoholo hila, ma wete tohewewelohe tetela bwebwe'ana sihesagohe pwaiya.

Yoni 11:4

Nage 'oina Yesu Lasalo wasana 'ihesagoheya 'oinega tomota 'ihegwaediya 'igwae, “Lohalaina beno 'ana sanapu nata geya'abwa yawasina 'igumwagumwala. Ma hesi lohala nage 'oina 'ilatuwa ma 'oinega tomota mabwaiyadi Yehoba sihepwatuwe ma wete natunaina sihepwatuwe.”

Yoni 11:40

Ma Yesu Malida 'ihegwaeya 'igwae, “Mwalona yahegwae pwaigowa, 'eguma moisa 'uhemisaegauwa, nata Yehoba 'ina waiwai 'u'ita.”

Paihowa 28:4

Ta bwanabwanaedi si'iteya Paulo nimana mwata 'isanasanana, ta sihehegwaegwae siboidimo, sigwaeya, “Moisa tuwa, loheya nage tolohe'amasa, ma geya sowasowahina loinega 'iboi 'i'abihete. Bwagana damanega 'idenama 'oya'oya, ma wa'ita mwata 'inaliya.”

Paihowa 4:21

Coinega siheliyediya ma muliyetega silihasidiya. Geya 'idi pui 'eta silobaloba ma weyahina maisa mwauna sida 'ebwaedi, ma hesi boda mabwaiyadi Yehoba sihepwatuweya.

1 Yoni 4:16

Coinega Yehoba 'ina helau 'oida tasanapu pwaiya, ta ta'ahwa moisaeya. Yehoba helau huhuna, 'oinega 'eguma taiya helau 'ina tupwa 'oina 'imiyamiya, tauna Yehoba 'oina 'imiyamiya ma Yehoba wete tauna 'oina 'imiyamiya.

1 Yoni 4:9

ta 'ina helau 'igihe hapweseya 'oida Natuna 'oinega, weyahina Natunaina 'iboimo 'ihetuneyama, ta bale'uwa 'itauyama, ma 'abehega yawasida moisa 'i'ebwaegita.