Yoni 8:52 - Loina Nuahuana

⁵² Coinega meYudiyaedi wete sihegwaeya sigwae, “Cabwa hesi 'asanapu bwaibwainigowa, tomada 'abe hi'ahi'a 'oiuwa 'imiyamiya. Weyahina Ebalahamo 'asanapuya 'i'amasa pwaiya ma wete palopitao 'asanapudiya si'amasa pwaiya. Ma 'ugwaeya 'abehega taiyawedi 'eguma 'ino gwae sihegwahu bigadi, geya'abwa si'ama'amasa.

Yoni 8:52 ပူးပေါင်းရင်းမြစ်များ

Madiu 11:18

“Gwae hegehegediyedi 'ana nuwasabwalena 'abehega Yoni 'inaoma ma geya 'i'ai ma geya 'inuma, ma 'oinega wagwae 'abehega hi'ahi'a Yoni 'i'abi hebuweya!

Yoni 1:19

Tuta beno 'oidiya, meYudiya 'idi tohanugetao topwaoli tupwadi ma Libai tupwana 'ina bodao 'oidiyega sihesumanedima Yelusalema 'oinega Yoni sabi hesilalaina 'abehega tauna to loheya.

Yoni 14:23

Coinega Yesu loheyaina 'enana 'ihemaiseya 'igwae, “Taiyawedi 'omi 'eguma wahelauwegau ma 'igu gwae wamuliyedi, nata Tamagu wete 'ihelauwegomi. Ma 'oinega tauna ba'idagu 'atauyawa 'oimiya ma 'omi ma tauma tamiya hegogona.

Yoni 15:20

“Gwaeyedi ya'ebwaegomiya wanuwatuhuyahi pa'alidi, tutaina yagwaeya 'abehega geya 'eta topaihowa sowasowahina ma 'ina 'inapwana 'ihanesine. Weyahina taugu mwalona gide silo'alehegauwa, 'oinega 'omi nata wete gide silo'alehegemi. Ma 'eguma mwalona 'igu gwae sida muliyaediya, 'omi wete gide 'imi gwae nata simuliya.

Yoni 17:6

“Tamagu, mumugau mabwaiyana yahe'ita pwaidiya taudi tomotaedi gogo gabulena 'oina 'u'ebwaegauwa 'oidiya. Ma wete 'enau mabwaiyana si'obigaiya, weyahina tomotaedi 'owa 'u'ebwaegauwa.

Yoni 7:20

Coinega bodaedi Yesu sihegwae hileya, “Yaluyaluwa bi'i debau 'i'abi heyauyauleya 'oinega beno gide 'ugwaegwae 'esa? Taiya hede nuwanuwana ma 'abehega 'ilohe'amasigo?”

Yoni 8:22

Coinega meYudiyaedi siboidimo 'oidiya sigwae, “To'aha 'ina gwaeina 'ana sanapu, weyahina 'igwaeya 'abehega 'asainaina 'oina 'itautauya, geya sowasowahida ma 'oina tatauya? Bo nuwana 'iboimo 'abehega 'ilohe'amasa hile?”

Yoni 8:48

MeYudiyaedi 'idi 'inapwanao Yesu 'ina gwaeina sihemisaeya, sigwae, “Mwalona 'ima gwae weyahiu, 'ana moisa 'ilatu pwaima. Weyahina 'agwaeya 'abehega 'owa Sameliya loheyaina, ma wete hi'ahi'a* 'oiuwa 'imiyamiya.”

Yoni 8:51

Coinega yagwae moisa 'oimiya taiyawedi 'omi 'eguma 'igu gwae wagwahu bigadi, 'omi nata geya'abwa wa'ama'amasa.”

Yoni 8:55

Ma hesi tauna geya wasanapu toho, yaboi tuwa yasanapuya. Ma 'eguma yagwae, ‘Geya yasanapu,’ nata ya'abowegomi gidemusa 'omi wa'e'abo'abo. Ma hesiyage tauna yasanapu bwaibwainiya 'oinega 'enanaina yagwahugwahu bigadi.

Yoni 9:24

Coinega wete tomata gibugibuina sibwau hileya ma sihegwaeya sigwae, “Cuhepwaila bwaibwaina 'oima, weyahina loheyaina 'asanapu bwaibwainiya tauna togala.”

Ibeliu 11:13

Tomota nugenugetadiyedi ma'idi hemisa, ma hesi si'amasa ta gwae hemisaedi huwaidi geya sida lobeya, ta hesi tuwa bwagebwagega si'iteya ta siloyauwedowa weyahina, ma wete taudimo si'ahwa taumanaediya gide taumana tuwa tupwa bewa bale'u 'oina.

Ibeliu 2:9

Ma hesi Yesu ta'ita pwaiya, beno tuta to'uto'upanamo 'oina 'imiyasuluwa aneloseyao gabulediya ta muliyetega 'ana 'amayaba ta 'ana hepwatu madouna 'ilobediya 'ina muyamuya ma 'ina 'amasa 'oidiyega. Beno Yehoba 'ina helau 'oida, weyahina Yesu 'amasa 'ana muya 'ilotohoya mabwaiyada weyahida.