Yoni 7:3 - Loina Nuahuana

³ Coinega Yesu tasinao sihegwaeya 'oina sigwae, “Casa bewa 'u'ebesine ma 'utauya Yudiya, ma 'a tomuliyao nobwa 'ino paihowa si'ita.”

Yoni 7:3 ပူးပေါင်းရင်းမြစ်များ

Madiu 12:46

Yesu 'abwa boda 'oidiya 'ihehegwaegwae, ma sinana ma tasinao sinaoma, ma 'atamana sitotoholo, ma si'ebe'ebesa togidega ma 'oina sigwae.

Maki 3:21

Ma 'ina susuwao sihesagoheya 'abehega Yesu geya 'ida 'aiyawasiya, 'oinega sinaowa 'abehega sitoeyama, sigwaegwae, “Ciheyauyaule pwaiya.”

Maki 3:31

Eema Yesu sinana ma tasinao silatuwa ma 'atamana sitoholowa, ma gwaemo sihewasaeya Yesu 'oina ma 'abehega 'ihapwesa 'oidiya.

Luke 8:19

Ma muliyetega Yesu sinana ma tasinao sinaoma sabi 'itaina, ma boda madou hedada, 'oinega geya sowasowahina ma siluhu Yesu 'oina.

Luke 8:20

Ma gwaemo sihewasaeya, sigwae, “Bada, sinau ma tasimwao wa'italatu 'atamana sitotoholo, ma nuwanuwadi 'owa.”

Yoni 2:2

Ta Yesu wete ma'ana tomuliyao hehaiina 'oina sibwauwediya ma siluhuwa 'e'ahaiina si'aiya.

Yoni 6:60

Cihehe'ita, ma 'ana tomuliyao Yesu 'ina gwaeina sihesagoheya, 'oinega tupwana baibaiwadi siboidimo 'oidiya sigwae, “Gwae bewa 'ana hesagoha mwauna, 'oinega tauda geya nuwada.”

Yoni 6:66

Bewa weyahina tomuliyaedi taudi Yesu silogwahateya ma si'ebesineya.

Yoni 7:10

Coinega Yesu tasinaowedi si'ebesineya ma sitauya guyaiina 'oina. Muliyetega Yesu wete 'itauya dahwana ma 'asainaina 'oina 'ilatuwa, ma geya 'eta taiya 'isanapu toho.

Yoni 7:4

Ma wete sigwae, “Geya 'eta taiya paihowa dahwana 'oinega sanina 'ida hemadouwa. Ceguma nuwanuwau ma tomota mabwaiyadi sisanapugo 'owa tuwa 'uboi 'uhe'itaego 'oidiya.”

Yoni 7:5

Tasinaowedi gwae bewa si'inaneya 'oina weyahina geya sihemisae.

Paihowa 2:14

Ma Pita 'iyanao site lebeni mahetenao sitoholo, ma Pita 'ihegaina ma 'oidiya 'iloguguya, 'igwaeya, “Comi meYudiya ma Yelusalema 'ana tomiyao mabwaiyami 'igu gwae wahesagohe, ma wanuwa sabwalena,