Yoni 6:2 - Loina Nuahuana

² Eeta boda madouna mulinega sitauya, weyahina 'ina paihowa waiwaina tolohala 'oidiya si'ita pwaiya.

Yoni 6:2 ပူးပေါင်းရင်းမြစ်များ

Madiu 12:15

Taudi 'idi loina 'waihina Yesu 'isanapu pwaiya, 'oinega tupwa nage 'i'ebesineya ma 'itauya hali tupwa, ma tomota mabwaiyadi simuliyeya, ta nage 'oina tolohala mabwaiyadi 'i'abihe bwebwe'anediya,

Madiu 13:2

Ma boda madouna si'autama 'oina, ta 'aigeda waga 'i'aha'ahai 'oina 'igeluwa, 'imiyatoiya, ma boda 'oya'oya sitotoholo.

Madiu 14:14

Ma tutaina Yesu wagega 'iulasuluwa 'oya'oya boda madouna 'i'itediya, ta 'ina 'atemuyemuyega tolohalao 'i'abihe bwebwe'anediya.

Madiu 8:1

Coinega 'oyega 'idobima ma boda madouna simuliyeya.

Maki 1:45

Ma loheyaina geya Yesu 'ina loina 'ihematamatane, ma hesi tomota 'oidiya 'ihepwaila dadaneya. Eeta Yesu geya sowasowahina ma 'iyawala 'asaedi 'alodiya, ta 'oinega 'inaowa yoho 'awawa ma nobwa 'imiyamiya, ma tomota tupwa mabwaiyana 'oidiyega sinaoma 'oina.

Maki 6:33

Ma bodaedi Yesu ma'ana tomuliyaowedi 'idi geluina si'iteya, ma sisanapuya tupwaina 'oina sitautauya, 'oinega taudi ma 'asa mabwaiyadi 'adi tomiyao wete mahetediyao 'edega sipilipili, ma silatu nugeta tupwainaina 'oina.

Yoni 11:47

Coinega Palisiyaowedi ma wete topwaoli 'idi 'inapwanao simiya 'auta, ma sihegwaegwaeya sigwae, “To'aha loheyaina 'oina tapaihowa? Weyahina bewa tuwa ginaula waiwaidi 'ipaipaihowadi.

Yoni 12:18

Nage 'oina meYudiya baibaiwadi Yesu 'ina paihowa waiwaina wasana sihesagoheya, 'oinega sitauya Yesu 'ina tauyama 'ana sauga 'oina ma 'abehega 'ina luhu Yelusalema 'oina sihelatu.

Yoni 12:37

Yesu 'ila'ilala moisa baibaiwadi 'ihe'itediya, ma hesiyage geya sihemisae toho.

Yoni 2:11

Beno Yesu 'ina 'ila'ilala waiwaina 'ihegaine nugeteya 'asa Kena 'oina, beno Galili tupwaina, ma 'ihe'itaeya tomota 'oidiya, ma wetenuge 'ina waiwai si'iteya, 'oinega 'ana tomuliyao sihemisaeya.

Yoni 2:23

Tutaina 'oina Yesu Hataona Guyaina 'oina 'imiyamiya. Ma boda mabwaiyadi 'ina paihowa waiwaina si'iteya, 'oinega sihemisaeya 'abehega tauna tuwa To'abihetenaina.

Yoni 20:30

Yesu 'ina 'ila'ilala waiwaidi 'ana tomuliyao matadiya 'ipaihowediya, baibaiwa hedada simiyamiya, geya mabwaiyana buki bewa 'oina yaleledi.

Yoni 3:2

Loheyainaina nihuwanega 'itauya Yesu 'oina ma 'ihegwaeya 'igwae, “Cinapwana, 'asanapuya 'owa tohe'itaina Yehoba 'oinega 'utauyama. Weyahina geya 'eta taiya 'ina paihowa waiwaina 'owa gidemusa 'eguma Yehoba geya mahetena.”

Yoni 6:14

Cigumwala ma bodaedi Yesu 'ina paihowa waiwaina 'ana 'ila'ilala si'iteya ma sigwae, “Tauna tuwa bewa palopitainaina tauna 'abehega gogo gabulena 'oina 'itauyama.”

Yoni 6:22

Gona 'i'adaleya ma bodaedi taudi Galili holaina hali tupwanega simiyamiya, sisanapuya 'abehega boi Yesu ma'ana tomuliyao 'idi waga 'aigeda tuwa 'oinega sigeluwa. Ma hesi 'idi lohihila 'oina tomuliyaedi siboidimo sigeluwa wagai ta sitauya, ma Yesu geya mahetediu sigelu.

Yoni 6:26

Coinega Yesu tomotaedi 'ihegwaediya 'igwae, “Yagwae moisa 'oimiya, belediyedi 'oidiyega yahe'aigomiya ma wamwausuwa 'oinega bewa wabesebesegau, geya 'igu paihowa waiwaidi 'adi 'ila'ilalaina weyahina.

Yoni 6:30

Ma wete sihegwae hileya, “To 'ila'ilala nata 'oima 'upaihowa ma 'oinega 'ahemisaego?