Yoni 5:2 - Loina Nuahuana

² Yelusalema 'oina sipi 'idi 'ahwa'eda deina, we'aha 'aigeda ni'una 'imiyamiya. We'ahinaina meYudiya 'enadiyega beno Bedeseida. Ma we'ahinaina papalina hada 'ebe 'aiyawasi ma'ana 'ahwa'eda 'adi baibaiwa nima 'ai'aigeda simiyamiya.

Yoni 5:2 ပူးပေါင်းရင်းမြစ်များ

Yoni 19:13

Pailato gwae bewa gidemusa 'ihesagoha 'eseya, 'oinega Yesu 'ilatuheya 'atamana, ma Pailato 'ebeloina bwasaina 'oina 'imiyatoiya. Bwasaina 'ane da'ule 'oinega sipaihoweya ma sibwauweya Gabata, beno meYudiya 'enadi.

Yoni 19:17

Sitauyeya ma Yesu 'iboinamo 'ana kelose 'i'ahaliya, ma tolo'alehaedi mahetenao sitauya 'asa 'aigeda sanina Bulubulu 'oina, ma hesiyage sanina meYudiya 'enadiyega sigwae Goligota.

Yoni 19:20

Casainaina 'oina Yesu si'abi hekeloseyeya geya bwaga Yelusalema 'oinega. Coinega meYudiya baibaiwadi gwaeina sihasiliya, weyahina gwaeina sileleya 'ena 'etoi 'oidiyega. MeYudiya 'enadiyega ma meLoma 'enadiyega ma wete meGilisi 'enadiyega.

Yoni 20:16

Muliyetega Yesu Meli sanina 'i'inaneya 'igwae, “Meli.” Meliina 'ihutu lohihila, ma Yesu 'oina 'igwaeya, 'igwae, “Labonai.” (Labonai 'ana sanapu ‘Tohe'ita.’)

Yoni 5:3

Hadaedi 'oidiya tololohala baibaiwadi si'eno'eno, taudi mata gibugibuidi ma peupeudi ma wete hemwalomwalo howaidi.

Yoni 7:21

Coinega Yesu bodaedi wete 'ihegwaediya 'igwae, “Wagamwasowalegauwa weyahina loheya ya'abi hebwebwe'aneya Sabati 'ana sabwelo 'oina? Ma 'omi togidega 'imi paihowa Sabati 'ina sabwelo 'oina?

Paihowa 21:40

Citagwaleya, ta Paulo teteya 'itoholo, ma nimana 'i'abilagasiya ma silolagu, ta 'oinega mabwaiyadi silolaguwa, ta Paulo 'ena Ibeliuwega 'ihegwaediya, 'igwae.

Heꞌitaꞌita 16:16

Coinega yaluyaluwaedi kiniyao ma'idi bodao sihegogonedima tupwa 'aigeda, sanina 'ena Ibeliuwega sigwae “Amagedoni” 'oina.

Heꞌitaꞌita 9:11

Ta wete ma'idi toloina, tauna aneloseina gaulaina 'ana to'itayahina, sanina Ibeliu 'enadiyega sigwae, “Abadoni,” ma 'ena Gilisi sigwae “Apaloni,” ma 'adi nuwasabwalena beno “Tolohe'amasa.”