Yoni 4:53 - Loina Nuahuana

⁵³ Nage 'oina gwamaina tamana Yesu 'ina gwae 'inuwatuhuya tutaina 'oina 'igwae, “Natuina 'i'iunamo ma 'ibwebwe'ana.” Beno 'oina loheyainaina ma'ina susuwao Yesu sihemisaeya.

Yoni 4:53 ပူးပေါင်းရင်းမြစ်များ

Madiu 8:13

Eeta Yesu tolo'aleha 'adi tohanugetaina 'ihegwaeya, “Causala, 'uhila. Cino 'ali'e nata 'iyawesai, gide 'ino hemisa.” Tuta nage 'oina 'ina 'ali'eina waiwai 'ilobeya.

Luke 19:9

Coinega Yesu 'ihegwaeya, “Bewa tuwa hada bewa 'oina 'abihetena 'ilatuma, weyahina loheya bewa tauna 'aigeda Ebalahamo 'ina boda.

Yoni 4:51

Citautauya ta 'edai 'ina topaihowao 'eluwa 'ilobediya, ma wasa si'ebwaeya sigwae, “Cinapwana, natuina 'ibwebwe'ana pwaiya.”

Yoni 4:52

Coinega 'ihesilalediya 'igwae, “To sauga gide 'oina natugu 'iyawesaiya?” Ma taudi sigwae, “Boi 'asudiladila 'ana gamwagamwana 'oina ma wahina mabwaiyana 'iyawesaiya.”

Paihowa 11:14

ma tauna wasaina 'abwa 'ihegwaegomi ma 'oinega 'omi ma'imi susuwao helau waloba.” '

Paihowa 16:15

ma tauna ma'ina susuwao 'i'abihe babitaisowediya. Ta muliyetega 'i'ahwanoiyemaiya, 'igwae, “Babadao, wasanapugauwa 'abehega Yesu yahemisaeya moisa, 'oinega sowasowahina wanaoma ma wahetaumana 'igu hada?” Ta 'i'ohenemaiya, ma 'oinega 'atauya 'ina hada.

Paihowa 16:34

Sibabitaiso ta 'itoediya tauna 'ina hada, ma 'oinega 'adiwa 'i'atububuya, ma si'aiya. Ta deli 'ana to'itayahinaina ma'ina susuwao siyaliyaya madouna, weyahina 'ina hemisa hauhauna Yehoba 'oina 'ilobeya.

Paihowa 18:8

Ma hada tapwalolo 'ana tohanugeta, sanina Kalisipo, ma'ina susuwao, Bada Yesu 'oina sihemisa, ma meKolinita tupwana baibaiwadi wete Paulo 'ina guguya sihesagoheya, ta Yesu 'oina sihemisa, ma sibabitaisowa.

Paihowa 2:39

Weyahina Yehoba 'ina gwae hemisaina 'abehega 'omi weyahimi, ma natumiyao wete weyahidi, ma taudi bwaga 'ana tomiyao weyahidi, taudi mabwaiyadi 'ida Badaina Yehoba 'ibwauwedi 'oina.”