Yoni 4:34 - Loina Nuahuana

³⁴ Muliyetega Yesu 'ana tomuliyaedi 'ihegwae hilediya, “Bewa tauna 'aguina: Tauna 'ihesumanegauma 'ina nuwatuhu yapaihowadi ma 'ina paihowa mabwaiyana yalosalohidi.”

Yoni 4:34 ပူးပေါင်းရင်းမြစ်များ

Madiu 26:39

Ma 'ihanaowa tupwana ta 'ibe'usuluwa, 'i'ahwanoi, 'igwaeya, “Tamagu yo, 'eguma sawasawahina muyamuya biyoina bewa 'oiguwega 'u'ewa ma geya'abwa yanumanuma, ma hesi geya'abwa 'igu nuwatuhuwega, 'owa tuwa 'ino nuwatuhu gide 'upaihowe.”

Madiu 3:15

Ma Yesu Yoni 'ina gwae 'ihemaiseya, 'igwae, “Geya. Hesi bewa gide 'owa 'u'abihe babitaisogau. Weyahina bewa 'oinega loina mabwaiyadi 'ausaladi tamuliyedi.”

Madiu 9:19

Ma Yesu 'itoholowa ta ma'ana tomuliyao toloinaina simuliyeya,

Luke 15:10

Gide wete 'eguma 'aigeda togala 'inuwabui, nata Yehoba 'ina aneloseyao weyahina siyaliyaya madouna.”

Luke 19:10

Taugu Loheyaiguina, ta yanaoma ma 'ane todeya ya'ebesedi ma ya'abihetedi, gide loheya bewa.”

Luke 2:49

Coinega Yesu 'igwaeya, “To'aha weyahina wabesebesegau? Nuwana geya wasanapu 'agu lobwaina taugu Tamagu 'ina Hada yamiyamiya?”

Yoni 17:4

Gogo gabulena bewa 'oina saniu ya'abi hanehe pwaiya, weyahina paihowaedi 'u'ebwaegauwa yapaihowa pwaidiya.

Yoni 19:28

Tuta nage 'oina Yesu 'isanapuya 'abehega ginaula mabwaiyana 'ilohegumwalidiya, 'oinega 'igwaeya, “Tani'ogu 'iyahala.” Ma 'oinega Yehoba 'ina buki 'ina gwaeina 'ana moisa 'ilatu bwaibwaina.

Yoni 19:30

Cimala'u'u 'igumwala ma 'igwae, “Cigumwala pwaiya.” Tuwa beno ma mwaguna 'ilotasouwa, 'isuluwa 'ahalana, ma yawasina 'igumwala.

Yoni 4:32

Ma hesi 'ihegwae hilediya, 'igwae, “Cagu 'e'ahai 'imiyamiya, 'omi geya wasanapu.”

Yoni 5:30

“Taugu wete geya sowasowahigu ma yaboigumo paihowaedi yapaihowadi, weyahina 'igu loina heyatala weyahina Yehoba tauna 'ihe'itegauwa, 'oinega 'igu loina bwebwe'ana. Weyahina taugu geya yatohotoho ma 'abehega yaboi 'igu nuwatuhu yapaihowadi, ma hesi to'aha gide 'agu Tohesumaneina 'ina nuwatuhu gide yapaihowa 'esedi.

Yoni 5:36

Ma Yoni weyahigu 'ihepwaila, beno geya ginaula madouna. Ma hesi ginaula 'aigeda madou hedadena 'imiyamiya, beno 'ebe'itaedi Tamagu 'oinega bewa tuwa yapaipaihowadi. Coinega paihowaedi weyahidi wanuwatuhu bwaibwaina, ma 'oinega wasanapugau 'abehega Tamagu tauna 'ihesumanegauma.

Yoni 6:33

Ma 'e'ahainaina Yehoba 'oinega tauna 'ilatu pwaima bale'uwa ma tomota yawasidi 'i'ebwa'ebwaedi.”

Yoni 6:38

Weyahina taugu galewega yasuluma geya 'igu nuwatuhu sabi paihowaina, ma hesi tauna 'ihesumanegauma 'ina nuwatuhu sabi paihowaina.

Yoni 8:29

Tauna 'ihesumanegauma geya 'i'ebesinegau, deiguwa 'imiyamiya. Weyahina tuta mabwaiyana 'oidiya 'igu paihowa 'oidiyega ya'abi'abi heyaliyaya.”

Paihowa 20:35

Mumugagu bewa 'oidiyega yahe'ita pwaigomiya 'abehega 'ilobwainegita ma tauda 'ida paihowega towe'a ta'abihetedi. Gidemusa Bada Yesu 'ina gwae wanuwatuhuyahi, beno 'igwaeya, 'Cewamo geya yaliyayenamo, ma 'ebwaya hesi mayaliyayaina madouna.’”

Ibeliu 12:2

Ma wete Yesu 'oina talolo'italaga, weyahina Yesuina 'ida hemisa 'ana 'ebehegaina ta 'ana 'ebelosaloha. Tutaina Yesu bale'uwa 'imiyamiya 'isanapuya 'abehega 'abwa 'ebeyaliyaya madouna 'iloba, 'oinega kelose 'ina muyamuya 'i'alama'i'itaneya, mwadina wete geya weyahina 'inuwatuhu, ta 'ebelosaloha 'oina 'ihaneya galewa ta Yehoba 'ina 'ebeulega 'imiyatoiya.