Yoni 17:3 - Loina Nuahuana

³ Yawasiina miyamiya hatayana bewa gidemusa 'ina 'eda: Ceguma tomota sisanapugo 'abehega 'owa moisa Yehoba, ma wete 'eguma sisanapugau 'abehega taugu To'abiheteguina 'owa 'uhesumanegauma.

Yoni 17:3 ပူးပေါင်းရင်းမြစ်များ

Maki 9:37

“Ceguma taiya 'owa gwama bewa gidemusa 'uhelauwe weyahigu, 'owa taugu wete 'uhelauwegau, ma geya 'abehega yaboi 'uhelauwegau ma wete 'agu Tohetune Yehoba ba'idagu 'uhelauwemaiya.”

Luke 9:48

ma 'ihegwaediya, “Gwama bewa wa'ita. Ceguma taiya 'owa gwama bewa weyahigu 'uhelauwe, 'owa beno 'uhelau pwaigauwa, ma wete 'agu Tohewasaina 'uhelau pwaiyeya. Coinega 'eguma taiya 'oimiyega sanina geya madouna tauna 'ihane hedadeya.”

Yoni 10:36

Coinega to'aha weyahina 'igu gwae wanuwatuhuya 'abehega gwae hohopa'ala tutaina yagwaeya 'abehega taugu Yehoba natuna? Ma hesi wa'ita, taugu 'ihesinuwanegauwa ma 'ihesumanegauma ma yatauyama bale'uwa ma 'ina paihowa yapaipaihowadi.

Yoni 11:42

Yasanapuya 'owa moisa 'enagu 'ana tohesagoha bwaibwaina, 'oinega 'igu 'ahwanoi bewa 'oiuwa 'uda hesagohe ma 'oinega 'ino waiwai tomotaedi bewa si'ita ma sihemisa 'abehega 'owa moisa 'uhesumanegauma.”

Yoni 14:26

Ma hesi sauga muliya 'oina 'abwa hesi tolemaina saniguwega Yehoba 'ihesumaneyama 'oimiya, tauna tuwa Yaluyaluwa Tabuna, nuwatuhu mabwaiyana 'ihe'itegomi ma wete 'igu gwaeyedi mabwaiyadi 'oimiya 'i'abi henuwatuhu yahigomi.

Yoni 17:18

Tuwa gidemusa 'owa 'uhesumanegauma bale'u bewa 'oina 'oinega taugu wete gidemusa tomotaedi yahesumanedi tomiya bale'u 'oidiya.

Yoni 17:21

Ya'ahwa'ahwanoi 'oiuwa ma 'abehega mabwaiyadi sida heboda 'aigeda 'oida, gide 'owa ma taugu 'aigeda tuwa. Ma 'oinega mebale'u sihemisaegau 'abehega 'owa moisa 'uhesumanegauma.

Yoni 17:23

Taugu moisa 'oidiya yamiyamiya ma 'owa wete gide 'oiguwa 'umiyamiya, ma 'oinega sida heboda 'aigeda bwaibwaina. Ma 'oinega mebale'u si'itadi ma sida sanapugau 'abehega 'owa moisa 'uhesumanegauma. Ma wete sisanapugo 'abehega moisa 'uhelauwediya gidemusa 'uhelauwegauwa.

Yoni 17:25

“Tamagu, 'owa moisa bwebwe'au. Ma hesiyage mebale'u geya sisanapugo, yaboi hesi yasanasanapugo. Ma wete tomotaedi sisanapugauwa 'abehega 'owa 'uhesumanegauma.

Yoni 17:8

Weyahina gwaeyedi 'u'ebwaegauwa yahe'ita pwaidiya ma wete sihemiseya. Coinega sisanapu bwaibwainigauwa 'abehega 'owa moisa 'oiuwega yatauyama ma wete sihemisaegauwa 'abehega 'owa 'uhesumanegauma.

Yoni 3:17

Ta Yehobaina natunaina taugu 'ihesumanegauma bale'uwa geya 'abehega yaloinaegomi, ma hesi yatauyama 'imi pui 'oidiyega sabi lemegomi.

Yoni 3:34

“Loheyainaina Yehoba 'ihesumaneyama tauna 'ina gwae 'ihehepwailedi, weyahina Yehoba Yaluyaluwana 'oinega 'ilohemaheya.

Yoni 5:44

Ta moisa tuwa, 'omi nuwanuwami ma 'ami hepwatu waboi 'oimiyega wahesagohedi. Ma hesi geya watohona ma 'ane Yehoba 'iboimo 'oinega 'ami hepwatu walobadi. Beno 'oinega geya sowasowahimi ma wahemisaegau.

Yoni 6:57

Tamagu tauna moisa miyamiya hatayaina 'ihesumanegauma, tauna 'oinega yawasigu ya'ewa'ewa. Coinega taugu wete gide, 'eguma taiyawedi 'omi hesiyogu wa'ai, 'omi nata wete yawasimi 'oiguwega wa'ewa'ewadi.

Yoni 7:29

Yaboi hesi yasanasanapu weyahina tauna 'ihesumanegauma ma wete tauna 'oinega yatauyama.”

Yoni 8:19

Coinega sihesilaleya sigwae, “Tamauina ta'eha 'imiyamiya?” Ma Yesu 'enadi 'ihemaiseya, 'igwae, “Geya wasanapugau, 'oinega Tamagu wete geya wasanapu. Ma 'eguma moisa wada sanapugauwa, Tamagu wete wada sanapuya.”

1 Kolinita 15:34

Nuwana tupwami Yehoba wahenainaideya. Bewa 'ebe debamwadina 'oimiya, 'oinega 'ilobwainegomiya ma wada sanapu, ma mumuga galana walolagu.

1 Kolinita 8:4

Ma 'e'ahaiina tomota si'ebwa'ebwae 'idi 'ebe hemisa 'abo'abowao 'oidiya, sowasowana ta'ai, bo geya? Cebe hemisa 'abo'abowedi geya 'ebe hemisa moisa, weyahina Yehoba 'iboimo 'imiyamiya, ma hali 'ebe hemisao ginaula besobeso.

2 Kolinita 4:6

Weyahina Yehobaina 'igwaeya, “Guguyou 'oina 'asilala 'ida saehane,” ma Yehoba 'atema 'isaesaehane, 'oinega tauna 'ina 'asilala Keliso manina 'a'ita'ita.

Pilipai 3:10

Nuwanuwagu wete Keliso yada sanapu ma 'ina toholohila 'ana waiwai yalotoho, ta 'ina muya wete tauna gidemusa yada lotohodi, wete gide 'igu 'amasa gide tauna,

Pilipai 3:8

Moisa tuwa, 'igu Bada Yesu Keliso 'ana sanapu bwebwe'ana hedada, eeta wasawasa bale'u 'ibwebwe'ana sinediya, 'oinega wasawasaedi ya'ahwa ginaula besobesowediya, eeta Keliso weyahina ginaula mabwaiyadi yaulediya ta ya'ahwa galaediya, weyahina nuwanuwagu Keliso namo,

1 Tesalonaika 1:9

weyahina taudi 'oima sihegwaegwaeya, 'omi 'imi tagwala mwalo 'oima weyahina, 'abehega 'imi 'ebe hemisaedi miyamiyaidi walogwahatediya, ma Yehoba 'iboi 'oina watagwalegomiya, weyahina tauna tuwa 'iboi Yehoba moisa ma mayawasina, 'oinega tauna weyahina wapaipaihowa,

2 Tesalonaika 1:8

Ma taudi 'ida Bada Yesu Keliso tetelina silogwahateya, ta Yehoba sihenainaideya, 'adi maisa mwauna 'i'ebwaedi.

Ibeliu 3:1

Ciyagwao, 'omi ma taugu Yehoba 'ihesinuwegita 'ina tupwa weyahina, 'ilobwaineya ma Yesu tanuwatuhuyahi, weyahina tauna 'ida tapwalolo 'ana tohepwaila ta wete 'ida topwaoli madouna,

2 Pita 1:2

Yehobaina ma 'ida Badaina Yesu 'adi sanapu 'oinega, helau moisa ma yaliyaya 'oimiya sihasiwa.

2 Pita 1:3

Yehobaina 'ina waiwaiyega 'ilemegita, eema 'i'ebwaegita ginaulaedi baibaiwadi yawasida weyahina ta 'ida mumuga 'ehauna weyahina. Weyahina tauna tasanapuya 'abehega 'ihesinuwegita ma 'ane 'ina wasawasa ta 'ina mumuga bwebwe'ana 'i'ebwaegita.

2 Pita 1:8

Ceguma ginaulaedi 'oimiya simadomadou moisa, 'ida Bada Yesu Keliso 'ana sanapu 'oina wahewaiwai, ma geya'abwa 'imi paihowa simudamudali.

1 Yoni 1:3

Tauna 'a'iteya ma 'ahesagoheya ma 'oimiya 'ahepwaila, 'oinega 'omi mahetemao tahe'iya'iyagu mahemahetena, ta wete Tamada ma Natuna Yesu Keliso mahetedao ta'ahwa 'iya'iyagu mahemahetena.

1 Yoni 2:23

Ceguma taiya 'owa Yehoba Natuna 'ulogwahateya geya Yehoba maheteu wamiyamiya. Ma hesi 'eguma 'utagwalego Natuna 'oina, tauna ma Tamana mahetemwao wamiyamiya.

1 Yoni 4:6

Ma tauda hesi Yehoba 'oinega tali'uma, 'oinega 'eguma taiyawedi Yehoba 'ana tosanapuwao, 'enada sihesagoheya, ma taudi geya Yehoba 'ana tosanapuwao, 'enada geya'abwa sihehesagohe. Coinega tasanapu 'abehega yaluyaluwa 'abo'abo 'oidiya 'imiyamiya, weyahina 'eguma Yaluyaluwa moisa 'oidiya beno 'enada sihesagohe.

1 Yoni 5:20

Ma wete tasanapuya 'abehega Yehoba Natuna 'itauya pwaima, ta 'igihenuwa sabwalenigita ma Yehoba tasanapu 'abehega tauna Todumwalu, ta 'oina tamiyamiya, weyahina tauda Yehoba Natuna Yesu Keliso mahetenao. Yesuina Yehoba moisa, ma yawasida miyamiya hatayana huhuna tauna.