Yoni 16:2 - Loina Nuahuana

² Weyahina 'abwa nata hada tapwalolo 'oidiyega sipa'igomi, ma wete tuta sinaonaoma 'oidiya taiyawedi silohe'amasigomi nata taudi 'idi nuwatuhu 'abehega ginaula bwebwe'ana sipaipaihowa Yehoba 'ina 'ebe yaliyaya.

Yoni 16:2 ပူးပေါင်းရင်းမြစ်များ

Madiu 10:28

“Ma taudi wahimi silolohe'amasi sahena wamatamatautedi, weyahina taudi wahimimo sawasawahina ma silohe'amasi, ma yaluyaluwami geya'abwa. Ma hesi Yehoba wamataute, weyahina tauna sawasawahina ma 'asa 'ala'alatana* 'oina wahimi ma yaluyaluwami 'ilohe'amasi luwedi.

Madiu 24:9

“Comi nata tomota si'abiyahigomi ma si'abihe muyemuyegomi nuwana silohe'amasigomi, ma tupwa mabwaiyadi tomotainao silo'alehegomi weyahina 'abehega 'omi 'agu tohemisao,

Luke 6:22

Taugu Loheyaiguina, ma sowasowana wayaliyaya 'eguma weyahigu tomota silolo'alehegomi, nuwana siguipailegomi, nuwana si'ahwa yaliyegomi, nuwana si'ahwa galegalegomi.

Yoni 12:42

Nage 'oina meYudiyaedi 'idi tohanugetao tupwana baibaiwadi Yesu sihemisaeya, ma hesiyage geya sihepwaila hapwesa. Weyahina Palisiyao simatautediya, nata gide hada tapwalolo 'oinega silohesohesoiyedi.

Yoni 16:25

Coinega Yesu wete 'ihegwaediya 'igwae, “Ginaulaedi gwae hegehegedi 'oidiyega yahepwaile pwaidiwa 'oimiya. Ma hesi sauga sinaonaoma 'oidiya nata geya'abwa wete gwae hegehegedi 'oidiyega yahehegwaegomi, ma hesiyage nata Tamagu weyahina 'abwa hesi yagwae hapwesa bwaibwaina 'oimiya.

Yoni 16:32

Ma hesiyage wada sanapu 'abehega tuta 'inaonaoma 'oina, bo nuwana tagwae tuta bewa 'ilatu pwaima, ma mabwaiyami waliya sawala 'imi 'asa 'oidiya ma yaboigumo 'ebwa yamiyamiya. Ta geya 'abehega moisa yaboigumo, weyahina Tamagu ba'idagu 'amiyamiya.

Yoni 4:21

Ma Yesu wahineina 'ihegwae hileya, “Wahine, bewa tuwa 'uhemisaegau. Weyahina 'abwa tuta sinaonaoma 'oidiya, tomota geya'abwa 'oya bewa Sameliya 'oina bo Yelusalema 'oina sitapwatapwalolo.

Yoni 4:23

Ma sauga deina ma wete bewa 'ilatu pwaima, ma taiyawedi taudi Tamada 'ana totapwalolowao moisa, Tamadai 'oina sitapwalolo yaluyaluwadi mabwaiyana 'oidiyega ma wete nuwadi moisa 'oidiyega. Weyahina totapwalolowedi taudi bewa gide Yehoba nuwanuwana ma 'oina sitapwalolo.

Yoni 9:22

Sinanaina ma tamanaina gwae bewa si'inanediya weyahina meYudiya 'idi tohanugetao simatautediya. Weyahina meYudiya 'idi loina silaguya 'abehega taiyawedi 'eguma Yesu si'ahwa To'abihetena, taudi nata hada tapwalolo 'oinega sipa'idi.

Yoni 9:34

Ta Palisiyedi loheyaina sihegwaeya sigwae, “Cino li'u hauhau 'oinega 'itauyama 'owa 'aigeda topui. Ma bewa 'abehega 'utohotoho ma 'uhe'itemai, 'awa? Taiya 'owa nigeyage?” Coinega loheyaina hada tapwalolo 'oinega sipa'iya ma 'ilatuwa.

Paihowa 5:33

Ta toloinao Yesu 'ana tohepwailao 'idi gwae bewa gidemusa sihesagoheya, ma sigamwasowala moisa, ma nuwanuwadi ma silohe'amasidi.

Paihowa 7:56

ma 'igwaeya, “Wa'ita, galewa 'i'eso'eya, ta ya'iteya Loheyaina Yehoba 'ina 'ebeulega 'itotoholo.”

1 Kolinita 4:13

Ta wete 'eguma sigamwasowalemaiya, ma'ima nuwa bwebwe'ana 'ahe'iya'iyaguwedi. Moisa, tauma gide mohomoho, 'oinega tomota silogwahatemaiya.

Pilipai 3:6

Eeta yahetapewa madouna tohekalesiyao yagihe 'am'amnediya, ta geya 'eta wete Mosese 'ina loinao yaligeligehi.

Heꞌitaꞌita 6:9

Ma wete lamiina losipwa henimana 'ilihasiya, ta Yehoba 'ina 'ebepwaoli gabulena 'ana tohepwailao yaluyaluwadi ya'itediya, taudi mwalo bale'uwa Yehoba 'ina gwae 'ana tohepwailao bwebwe'adi, bewa tauna weyahina tomota silo'alehediya ta silohe'amasidiya.