Yoni 11:4 - Loina Nuahuana

⁴ Nage 'oina Yesu Lasalo wasana 'ihesagoheya 'oinega tomota 'ihegwaediya 'igwae, “Lohalaina beno 'ana sanapu nata geya'abwa yawasina 'igumwagumwala. Ma hesi lohala nage 'oina 'ilatuwa ma 'oinega tomota mabwaiyadi Yehoba sihepwatuwe ma wete natunaina sihepwatuwe.”

Yoni 11:4 ပူးပေါင်းရင်းမြစ်များ

Yoni 10:38

Ma 'eguma taugu moisa Tamagu 'ina paihowa yapaipaihowadi, ma geya wahemisaegau, tuwa hede paihowaedi wahemisaedi, 'abwa hesi 'igu paihowaedi 'oidiyega wasanapu bwaibwainigau 'abehega taugu moisa Tamagu 'oiguwa 'imiyamiya ma wete taugu Tamagu 'oina yamiyamiya.”

Yoni 11:40

Ma Yesu Malida 'ihegwaeya 'igwae, “Mwalona yahegwae pwaigowa, 'eguma moisa 'uhemisaegauwa, nata Yehoba 'ina waiwai 'u'ita.”

Yoni 12:28

Ma hesiyage bewa gidemusa ya'ahwanoi 'esa, yagwae, ‘Tamagu, saniu 'u'abi hanehe.’” Nage 'oina 'enana 'aigeda galewega 'igwae, “Sanigu ya'abi hanehe pwaiya, ma 'abwa nata wete ya'abi hanehe hila.”

Yoni 17:1

Gwae bewa Yesu 'igwaenediya 'igumwala, ma 'i'ita haneya galewa ma 'i'ahwanoiya, 'igwae, “Tamagu, bewa tuwa 'igu tuta 'ilatu pwaima ma taugu tuwa natuina sanigu 'u'abi hanehe ma 'oinega taugu wete saniu ya'abi hanehe.

Yoni 17:10

Weyahina to'aha gidemusa 'oiguwa simiyamiya, 'owa mabwaiyana 'ino 'ebeloinao. Ma wete 'owa to'aha gidemusa 'oiuwa simiyamiya, mabwaiyana taugu 'igu 'ebeloinao, ma 'oidiyega sanigu 'ihemadou pwaiya.

Yoni 17:5

Coinega Tamagu, bewa tuwa matauwa sanigu 'u'abi hanehe, gidemusa mwalona tuwa 'owa ma taugu 'ida wasawasaina, muliyetega 'abwa gogo gabulena 'ilatuma.

Yoni 2:11

Beno Yesu 'ina 'ila'ilala waiwaina 'ihegaine nugeteya 'asa Kena 'oina, beno Galili tupwaina, ma 'ihe'itaeya tomota 'oidiya, ma wetenuge 'ina waiwai si'iteya, 'oinega 'ana tomuliyao sihemisaeya.

Yoni 5:23

ma 'oinega mabwaiyami wahe'asisiyanegau gide Tamagu wahehe'asisiyana 'ese. Ma 'eguma taiyawedi geya wahe'asisiyanegau, beno wete Tamagu tauna 'ihesumanegauma geya wahe'asisiyane.

Yoni 8:54

Eema Yesu 'ihegwaediya 'igwae, “Taugu 'eguma yaboi moisa yahehepwatu hilegau, 'agu hepwatuina ginaula bwagabwaga. Ma hesi Tamagu tauna moisa 'agu tohepwatuina, tauna tuwa wagwaeneya 'abehega 'imi Yehoba.

Yoni 9:24

Coinega wete tomata gibugibuina sibwau hileya ma sihegwaeya sigwae, “Cuhepwaila bwaibwaina 'oima, weyahina loheyaina 'asanapu bwaibwainiya tauna togala.”

Yoni 9:3

Coinega 'enadi Yesu 'ihemaiseya 'igwae, “Geya tauna 'ina pui 'oinega, bo nuwana sinana ma tamana 'idi pui 'oinega. Ma hesi tuwa nage gidemusa matana 'igibuwa ma 'oinega tomota mabwaiyadi Yehoba 'ina paihowa waiwaina si'ita, loheyaina 'oinega.

Loma 11:11

Taudi Yudiyaedi situpa eeta togidega 'adi loina? Cabehega nage sibe'u hataya ma nata geya wete sitohotoholo hila, bo? Nata geya! Cabwa sitoholo hila! Ma hesiyage wanuwatuhuyahi 'abehega taudi sipuiya, eeta 'omi tomiya ganamuli 'etolema walobeya, ma meIsileliyedi nata sihe'ipi'ipiyegomi.

Pilipai 1:11

ma'imi paihowa bwebwe'adi Yesu Keliso 'ina waiwaiyega, ta weyahidi tomota Yehoba sihepwatuwe ma si'ahwa bwebwe'ane.

Pilipai 1:20

Taugu wete yahehemisa ma wete yanuwatuhu yahiya 'abehega geya'abwa yadebadeba mwadina, ta hesi yanuwatuhu yahiya 'abehega ma'igu 'atepatu bewa tuwa ma sauga mabwaiyana Keliso sanina yagihemadouwe, nuwana 'igu miya mayawasigu bale'u 'oina, nuwana 'igu 'amasa 'oina.

1 Pita 1:21

Eeta tauna Kelisoina 'oinega Yehoba wahemisaeya 'abehega tauna 'amasega 'igihetoholo hileya eeta 'ebemiya wasawasa 'oina 'ilaguya, 'oinega 'imi hemisa ma 'imi nuwatuhu walagu bwaibwainidi Yehoba 'oina.

1 Pita 4:11

Ceguma taiyawedi 'omi wahetohepwaila, wahetohepwaila tuwa gidemusa Yehoba 'ina gwae wahepwaileya, ma 'eguma taiyawedi 'omi walemalema, walema tuwa 'imi waiwai mabwaiyanega, gidemusa waiwaiina 'i'ebwaegomiya, ma 'oinega paihowa mabwaiyadi 'oidiyega tomota Yesu Keliso sisanapu ma Yehoba sihepwatuwe, weyahina tauna wasawasa moisa ma tohewaiwai moisa, tuta mabwaiyana 'oidiya. Emeni.

1 Pita 4:14

Ma 'eguma tomota si'ahwa galagalaegomi 'imi hemisa Keliso 'oina weyahina, wayaliyaya tuwa, weyahina Yehoba yaluyaluwana 'asi'asilalaina 'oimiya 'imiyamiya.