Yemesa 5:16 - Loina Nuahuana

¹⁶ Coinega 'aigeda 'aigeda 'oimiya 'imi galaowedi wahepwailedi, ma weyahina wa'ahwanoi, ma 'oinega 'imi bwebwe'ana waloba. Moisa, tobwebwe'adi 'idi 'ahwanoi waiwai hedade.

Yemesa 5:16 ပူးပေါင်းရင်းမြစ်များ

Madiu 21:22

Ma 'eguma ma'imi hemisa Yehoba 'oina wa'ahwanoi 'abwa waloba.”

Madiu 3:6

ma 'idi mumuga galana sihepwailediya, ma 'oinega 'i'abihe babitaisowedi we'aha Yolidani 'alona.

Maki 1:5

Ma tomota mabwaiyadi tupwa Yudiya mabwaiyana 'oidiyega ma meYelusalema wete mabwaiyadi sisawalama, Yoni 'ina guguya sabi hesagohe. Sihesagoheya ma mumugadi galadi sihehepwaile, ma 'i'abihe babitaisodiya we'aha Yolidani 'oina.

Luke 9:6

Ma 'oinega topaihowaedi sitauya, ta tupwa mabwaiyana 'oidiya sisakowasiya ma tetela bwebwe'ana siloguguyae, ma wete tolohalao tupwa 'aigeda 'aigeda 'oidiya si'abihe bwebwe'anediya.

Yoni 9:31

Ta wete mabwaiyada tasanasanapu 'abehega Yehoba geya sowasowahina ma togala 'enadi 'ihesagohedi, beno tuwa 'eguma taiya Yehoba 'ihe'asisiyane ma 'ina nuwatuhu 'ipaihowadi, nata tauna 'enana Yehoba 'ihesagohedi.

Paihowa 10:38

Wasaina 'abehega Yehoba Yesu gwama Nasaleta 'igihe waiwaiyeya Yaluyaluwa Tabuna 'oinega, ma 'isakowasi ma tomota 'ilemelemedi, ta 'eguma taiyawedi Tomudulele 'igihe lohalediya Yesu 'i'abihe bwebwe'anedi, weyahina Yehoba 'ina waiwai 'oina 'imiyamiya.

Paihowa 19:18

Ma tohemisa hauhaudi baibaiwadi sitauyama ta boda matadiya 'idi mumuga guguyou sihepwailediya, 'abehega taudi wete si'oba'oba.

Paihowa 8:24

Ma Saimoni 'igwaeya, “Wa'ahwanoi Bada 'oina ma ginaulaedi galadi wahepwailediya, sahena 'oiguwa sinaonaoma.”

Loma 3:10

Gide Yehoba 'ina Buki 'ihepwaila, 'igwaeya, “Geya 'eta taiya mumugana dumwadumwaluna.

Loma 5:19

Ma wete 'aigeda loheya loinaligeha 'oinega galanaina 'ilatuma ta tomota mabwaiyadi sigala, ma wete 'aigeda loheya bwebwe'ana 'ina tagwalega tomota mabwaiyadi 'ideulidiya, ma Yehoba 'i'ahwa dumwaluwediya.

Kolose 1:9

Saugaina wasami 'ahesagoha nugeteya 'ana siga bewa, 'ima 'ahwanoi weyahimi geya 'ada lolaguwa. Ma hesi Yehoba 'oina 'a'ahwa'ahwanoi ma 'oinega Yaluyaluwa Tabuna 'i'abihenuwa sabwalenigomi, ta 'ane wasanapu bwaibwaini to'aha 'ina nuwatuhu weyahimi.

1 Tesalonaika 5:17

Wete gide 'ahwanoi Yehoba 'oina sahena walololagu.

1 Tesalonaika 5:23

Yehoba tauna daumwala huhuna, 'oinega yaluyaluwami ta nuwami ta wahimi 'i'abihe'ehau bwaibwainidi ma si'asilala, ma 'ane mumugami bwebwe'ana wamiyamiya 'ana siga Yesu Keliso 'ihilama.

1 Tesalonaika 5:25

Ciyamayao, wa'ahwanoi weyahima Yehoba 'oina.

Ibeliu 11:4

Coinega Ebeli wete ma'ina hemisa 'ipwaoli Yehoba 'oina, 'oinega 'ina pwaoliina Keni 'ina pwaoli 'ibwebwe'ana sineya, ta Yehoba 'iyaliyaya Ebeli 'ina pwaoli weyahina ta 'i'ahwa dumwaluweya. Ebeliina bale'u 'i'ebesine pwaiya, ma hesi 'ina hemisega 'oida 'ihehe'ita.

Ibeliu 11:7

Nowa wete Yehoba 'ihe'iteya 'abehega to'aha 'abwa 'ilatu 'oidiya, 'oinega Nowaina 'imatauta ma 'ina hemisega 'ina waga sanina 'aki 'igoheya, 'itagiya, ta tauna ma'ina susuwao 'i'abihetediya. Nage 'oina 'ihe'itaeya 'abehega tomota mabwaiyadi togala, ma tauna loheya dumwaluna 'ina hemisa weyahina.

Ibeliu 12:13

ta 'imi 'eda wa'abihe dumwaludi, ma 'eguma toha'au'au sitautauya, sahena sibe'ube'u, ma hesi 'idi ha'au'auwedi sibwebwe'ana, ta taudi wete sihewaiwai.

Ibeliu 13:18

Nuwanuwama wete tauma weyahima wa'ahwanoi Yehoba 'oina. Bewa tuwa 'anuwatuhuya 'abehega 'ima mumuga 'ausalana, ta nuwanuwama mumuga 'ausalanaina 'oina 'atoholo hataya.

1 Pita 2:24

Ma weteyage Keliso tauna wahinega 'ida galao 'i'ahalidiya kelose 'oina, ma nage 'oinega 'ida mumuga galadi sigumwala, ma mumuga dumwaluna 'oinega tatauya. Tauna 'ana badi 'oinega 'imi bwebwe'ana walobeya.

1 Yoni 3:22

ma 'eguma to'aha ta'ahwanoiye 'oina 'i'ebwaegita weyahina tauna 'ina loinao tahematamatanediya, ma 'ida paihowao weyahidi 'iyaliyaya.