Yemesa 5:13 - Loina Nuahuana

¹³ Ta 'eguma taiya 'imiyamwau, 'ilobwaineya ma 'i'ahwanoi Yehoba 'oina. Ta 'eguma taiya ma'ina yaliyaya, nata waliyega Yehoba 'ihepwatuwe.

Yemesa 5:13 ပူးပေါင်းရင်းမြစ်များ

Madiu 26:30

Coinega wali 'aigeda siwaliyeya ta silatuwa, ma sihaneya 'oya Olibe 'oina.

Luke 22:44

ma nuwana 'imwau hedadeya, 'oinega 'i'ahwanoi waiwaiya, ta 'ana 'amweyahi 'ipesupesu bale'uwa, gide tuwa bweyaha 'idaudau.

Luke 23:42

Coinega loheyaina Yesu 'ihegwaeya, “Yesu, 'abwa 'ino hetoloina 'ana tuta, sowasowahina ma 'unuwatuhugau?”

1 Kolinita 14:15

Cilobwainegauwa ma ma'igu sanapu ta wete yaluyaluwaguwega ya'ahwa'ahwanoi, ma weteyage yawali hepwatu Yehoba 'oina yaluyaluwaguwega ta wete ma'igu sanapu.

1 Kolinita 14:26

Ciyagwao, 'eguma tapwalolo weyahina waluhuluhu, 'aigeda tomota wali 'i'ahala lagasi, 'aigeda 'ihe'ita, 'aigeda lotohona hauhauna 'ihepwaila hapwese; ma 'aigeda hali 'enana 'oinega 'igwae, ma 'aigeda gwaeina 'igibui, eeta paihowaedi 'oidiyega boda silemedi.

Epeso 5:19

wawaliwali ma'iyamiyao, wali tapwalolo ma Same walinao, ma wete hedale walinao 'oidiyega, ma'imi yaliyaya 'atemiyega wawali Bada 'oina,

Ibeliu 5:7

Mwalo Yesu bale'uwa 'imiyamiya ma'ina dou 'i'ahwa 'ahwanoiya Tamana 'oina, ta nuwanuwana 'amasega 'i'abihete, 'oinega 'i'abiheteya weyahina Yesu Tamana 'ihe'asisiyeya.

Yemesa 5:10

Coinega tasigwao, wanuwatuhuyahi palopitaowedi, taudi 'ida Badaina weyahina sihepwaila. Bewa 'ebe'ita bwebwe'ana 'oimiya, weyahina palopitaowedi 'idi miya mwauwedi 'oidiyega sitoholo pa'ala.

Heꞌitaꞌita 14:3

Ma tomotaedi wagahata wasawasa matana sitoholowa, ma wete hebai 'ehataedi ma babadaowedi matadiya sitoholowa, ma wali 'ehauna siwaliyeya. Ta waliina geya 'eta taiya sawasawahina ma 'isanapu, beno namo taudi bodaedi 144 tausani sawasawahidi, taudi mebale'u, ma Yehoba 'igimwanediya ta 'i'abihetediya.

Heꞌitaꞌita 7:10

ta 'enadi madounega sibwaubwau sigwaeya, “Cada lema 'ida Yehoba 'oinega, tauna wagahata wasawasa 'oina 'imiyatoiya, ma wete lamiina 'oinega.”