Yemesa 4:17 - Loina Nuahuana

¹⁷ Coinega 'eguma taiya paihowa bwebwe'adi 'isanapudiya, ma geya 'ida paihowediya, beno 'ina pui.

Yemesa 4:17 ပူးပေါင်းရင်းမြစ်များ

Yoni 13:17

He'itaedi mabwaiyadi wasanapudiya, ma 'eguma wapaihowadi, nata 'omi 'ebe yaliyaya bwebwe'ana waloba.

Yoni 15:22

Ma 'eguma mwalona geya'abwa 'oidiya yatautauya ma 'oidiya yahehepwaila, geya'abwa wete 'idi pui 'oidiya sida miyamiya. Ma hesi yatauya pwaiya 'oidiya ta wete yagwae pwaiya 'oidiya. Coinega geya sowasowahidi ma 'idi puiyedi weyahidi sigwae hila.

Yoni 9:41

Ma Yesu 'ihegwaediya 'igwae, “Comi 'eguma mata gibugibuimi, geya'abwa 'imi mumuga galadi. Ma hesi wagwaeya 'abehega matami bwebwe'adi, 'oinega 'imi mumuga galadiyedi 'abwa tuwa simiyamiya.”

Loma 1:32

Ma hesi tomotaedi Yehoba 'ina loina sisanasanapu, 'abehega 'eguma taiyawedi bewa gide simumuga 'esa, 'amasamo tuwa 'ilobwainediya. Ma tuwa mumuga galaedi sipaipaihowedi, ta 'eguma 'iyadiyao wete sihe'au'aunedi beno si'ahwa bwebwe'anedi.

Loma 7:13

Ma togidega hede ta loinaina 'ausalanaina 'ilohe'amasigauwa? Ma hesi geya! Geya sowasowahina ginaula bwebwe'ana 'ilohe'amasi daidaisigita, ma hesi to'aha galana 'ateguwa loina 'ausalana 'ihe'abeyeya, ma 'oinega 'ilohe'amasigauwa. Coinega tasanapuya 'abehega mumuga galadi 'ateda simiyamiya, ma loina 'oinega tasanasanapu 'abehega gala hedadena.

2 Pita 2:21

Taudi geya sisanapu mumuga bwebwe'ana 'ana 'eda, ma hesi he'ita 'abo'abodi simulimuliyedi, ee nata galana siloba. Ma hesi taudi mumuga bwebwe'anaina ma Yehoba 'ina loina 'ehauna 'ana tomuliyao, 'eguma si'ebesine sigala moisa.