Yemesa 3:6 - Loina Nuahuana

⁶ Ta 'ahwada gidemusa 'aiwe mumugana, weyahina ginaula mabwaiyana galadi 'idi 'ebe he'ale. Coinega wahida mabwaiyana ta'abihegaladi 'ahwaina muhemuhena 'oinega. Moisa tuwa, galana mabwaiyana 'inaonaoma Tomudulele tauna 'oinega, ma ginaula mabwaiyadi 'ahwadega 'i'abi'abi hegaladi.

Yemesa 3:6 ပူးပေါင်းရင်းမြစ်များ

Madiu 12:24

Ma hesi Palisiyao paihowa bewa wasana sihesagoheya ma sigwae, “Geya, ma hesi welabanao 'iyadi sanina Tomudulele 'ina waiwaiyega hi'ahi'a 'iula latuhediya.”

Madiu 5:22

Ma hesi taugu yaloinegomi 'abehega 'eguma taiya 'owa tasiu 'ugamwasowale, 'abwa loina 'uloba. Ma 'eguma tasiu 'u'ahwa galagalae loina 'uloba, toloinao 'oidiyega. Ma wete 'eguma tasiu 'ana gwae mwauna 'ulagu, 'abwa 'uluhu 'asa 'ala'alatana* 'oina.

Maki 7:15

Geya 'eta to'aha ta'ai ma si'abi'abi hebi'igita, ma hesi ginauledi 'atedega silatulatu sawasawahidi ma si'abihe bi'igita.”

Luke 16:24

Coinega 'ibwau madouna ma 'igwaeya, ‘Tamagu yo! Cuda 'atemuyemuyegau ma Lasalo 'uhewasaeyama ma we'aha gogaina nimanega memenagu 'i'abihegogai, weyahina tuta bewa yamuyamuya madouna 'aiwe 'ala'alata 'oina.’

Paihowa 20:30

Ta wete 'omi nata 'oimiyega tupwadi sihegaina ma sihe'ita 'abo'abo 'oimiya, ta tupwana tomota silisidi taudi 'idi bodao 'oidiya.

Paihowa 5:3

Pita 'ihegwaeya, 'igwae, “Ananaiyasi to'aha weyahina Seitani nuwau 'i'eweya ma tanoha 'ana maisa tupwana 'udahweya? Beno 'ino 'abo Yaluyaluwa Tabuna 'oina.

Paihowa 6:13

ta tohe'ewa 'abo'abowedi sibwauwedima, ma taudi sigwae, “Loheya bewa tuta baibaiwana 'oidiya Mosese 'ina loinao ma Hada He'asisi bewa wete 'isinasinalidi,

Taito 1:11

Coinega 'idi 'ahwa'abo'abo weyahina 'u'etobodedi, weyahina hali susu ma hali susu si'abihepuidi, ta 'idi he'ita 'abo'aboina 'oinega nuwanuwadi mane siloba.

Yemesa 2:7

Wanuwatuhuyahi wete 'abehega 'ida Bada sanina 'i'ebwaegita, ma tohewasawasaedi hesiyage saninaina si'ahwa'ahwa galagalae.

Yemesa 3:7

Tomota tauda sawasawahida ma hebai ta'abihe manasami, taudi gidemusa totopwatula ma bwasumowao ma hebai 'awa'awalidi ta wete silahanao.

2 Pita 3:3

Ma nuwatuhu 'aigeda sowasowana wada sanapu nugeta 'abehega tuta 'ana 'ebe losaloha 'oina tupwadi tolotuyeya silatu, ma Bada 'ina 'eda weyahina sigwaegwae besobeso, ma taudi 'idi nuwatuhu galadi simuliyedi,

3 Yoni 1:10

ma 'igwae hesihesinuwegauwa, ma wete 'iyadao 'ilososomanediya, ma 'eguma tupwadi 'oimiyega nuwanuwadi ma silemedi 'i'ausidi, ma tohekalesiyaowedi 'ipa'ipa'idi. Coinega 'eguma 'abwa yalatuwa beno 'ina mumugaedi yahegwaegwae weyahidi.

Heꞌitaꞌita 12:9

Hebaiina bwehabwehalina ma madouna, tauna mwata nugenugetaina sanina Seitani, gide Tomudulele, tauna bale'u 'ana to'abo. Tauna ma'ina aneloseyao mabwaiyadi bale'uwa siula suluhediya.

Heꞌitaꞌita 13:14

Ma tagwala 'iloba pwaiya ta 'oinega hebaiina holega matana 'aniyanaedi 'ipaihowediya, ma nage 'oina mebale'u mabwaiyadi 'i'abowediya. Ma 'ina 'abowedi 'oidiya 'igwae, “Da'ule 'aigeda watagi eema wapaihowa 'ana 'ita gide hebaiina 'elepega 'ihesilaheya ta 'ibwebwe'ana hila.”

Heꞌitaꞌita 18:23

Eeta mayale 'idi 'asilala 'oina geya'abwa silatulatu. Ma wete geya'abwa tohaiyedi 'enadi 'asaina 'oinega sihehesagohe. “Moisa, bale'u mabwaiyana 'oina bewa 'asaina 'ana towasawasao sihane hedadeya, ta 'idi 'oba 'oidiyega hali tupwa tomotaidi si'abowediya.

Heꞌitaꞌita 19:20

Nage 'oina hebaiina ma'ina palopita 'abo'abo si'abi yahidiya, ta mayawasidi siulediya 'asa 'ala'alata 'alona, beno dimwa hulahulaidi 'oina. Palopita 'abo'aboina tauna mwalo 'ina paihowa waiwaina 'ipaihowediya hebaiina matana, ma 'oinega tomota 'i'abowediya, taudi hebaiina 'ana 'ila'ilala 'oidiya 'imiyamiya, ta 'ina dimwa tagitagina 'ana to'etuluhao.