Yemesa 2:23 - Loina Nuahuana

²³ Coinega Buki He'asisi 'ina hepwailaina 'ilatu moisa 'igwaeya, “Ebalahamo Yehoba 'ihemiseya, ta 'ina hemisaina weyahina Yehoba Ebalahamo 'i'ahwa bwebwe'aneya,” ma wete 'i'ahwa 'iyaguweya.

Yemesa 2:23 ပူးပေါင်းရင်းမြစ်များ

Maki 12:10

Wete Yesu gwae hegehegedi Buki He'asisi 'oinega 'ihepwaileya, 'igwae, “Wanuwatuhuya Buki He'asisi 'ina hepwaila bewa gide: Logidiina mwalo tohada'abi siguipaileya, ta bewa sihetoholo nugeteya hada mata 'ahwaina ma logidi mabwaiyadi 'iloinaedi.

Maki 15:27

Ma wete toyagaha 'eluwa si'abihe kelosediya, 'aigeda 'ina 'ebeulega ma 'aigeda 'ina 'adigeyegeyega.

Luke 4:21

Coinega 'ihegwaediya, 'igwae, “Gwae bewa yahasila pwaiya ta wahesagoheya, mwalo sihepwaila nugeteya, ma bewa tutaina 'ilatu pwaima.”

Paihowa 1:16

“Tasigwao, mwalo Yaluyaluwa Tabuna Debida 'ina gwae 'i'ebwaeya Yudasa weyahina, ma Buki He'asisi 'oina 'imiyamiya. Yudasaina mwalo mahetedai tahetohepwaila Yesu weyahina, ma hesi 'ida Bada 'itebaeya ta 'i'ebwayaeya Yesu 'ana 'alehao nimadiya. Ta 'aigeda wali Buki He'asisi 'alona Debida 'ina gwae Yudasa weyahina, bewa gide 'igwaeya, 'Cina gogo 'ibisula ma gesowana 'eta taiya loheya 'oina 'imiya.’ Ma wete 'igwaeya, 'Miyalaena tauna 'ina paihowa 'i'ewa.’ Coinega 'ilobwaineya 'ilatu gide gwae bewa 'igwae 'ese.” Pita 'ina gwae bewa gide, weyahina Yudasa 'i'amasa pwaiya. Tauna mwalo 'ina paihowa galana 'ana maisa 'i'eweya ma 'aigeda bale'u 'igimwaneya, ta bale'uina 'alona 'ibe'u talutalubu'iya, ta gamwana 'ilosabuweya, ma sinaena mabwaiyana 'ilatuwa ta tetelina meYelusalema mabwaiyadi sihesagoheya, ta 'enadiyega bale'uina sibwauweya “Akeladama,” ma 'ana sanapu “Bale'u Bweyaha.”

Loma 11:2

Coinega yasanapuya 'abehega tauma Yehoba 'ina tomotaiyao, mwalo hene 'ihesinuwanemaiya ma 'abehega 'ina bodao, ee 'oinega nata geya 'ilolososomanemai. Ma mwalo heneyage, Ilaitiya meIsileli 'ilomugiyediya Yehoba 'oina, ta 'ina Bukiya 'ileleya, 'igwaeya,

Loma 9:17

Ma bewa wete 'aigeda 'ebe'ita Pelo 'oinega, weyahina mwalo Yehoba 'ina gwae Peloina weyahina, 'igwaeya, “Cebe loina ya'ebwae pwaigowa 'abehega 'ulo'alehegau, eema 'ane taugu 'igu waiwai 'u'ita, eema 'ane sanigu 'i'edadana bale'u mabwaiyana 'oina.”

Galetiya 3:22

Ma hesi Buki He'asisi mabwaiyada 'i'ahwa galaegita, 'oinega Yesu Keliso 'ana tohemisaomo Yehoba 'ina gwae hemisa siloba.

Galetiya 3:6

Wanuwatuhuyahi Ebalahamo 'abehega tauna Yehoba 'ihemisaeya, 'oinega Yehoba 'i'ahwa bwebwe'aneya,

2 Timoti 3:16

Ma weteyage Buki He'asisi 'ina gwae mabwaiyana Yehoba Yaluyaluwanega sitauyama, ta gwaeyedi 'oidiyega 'ada he'ita ma 'ada lohatoto ma 'ada gihedumwalu

Yemesa 2:24

Coinega 'usanapu 'abehega Yehoba 'i'ahwa bwebwe'anegita 'ida paihowega ma geya 'ida hemisamo 'oinega.

1 Pita 2:6

Gidemusa wete Buki He'asisi 'oina 'igwaeya, “Wa'ita logidi bewa bwebwe'ana ma hesihesinuwaina yalagulagu nugete hada 'ana 'abi weyahina 'asa Saiyoni 'oina. Ceguma taiyawedi sihemisa tauna 'oina geya'abwa sideba mwadina.”