Yemesa 2:21 - Loina Nuahuana

²¹ Cebe'ita bewa 'aigeda: tubudai Ebalahamo 'ina paihowega Yehoba 'i'ahwa bwebwe'aneya. Cina paihowaina beno natuna Aisake 'itagwaleya ta 'abehega 'ipwaoliye Yehoba 'oina.

Yemesa 2:21 ပူးပေါင်းရင်းမြစ်များ

Madiu 12:37

“Ma 'owa 'ino gwaeyao tuwa 'oidiyega Yehoba 'i'ahwa bwebwe'anego, bo nuwana 'i'ahwa galegalego.”

Madiu 3:9

Ma sahena wanuwanuwa hane 'abehega 'omi Ebalahamo tubunao ma 'oinega Yehoba 'i'atemuyemuyegomi. Hesi geya! Ma wa'ita Yehoba sawasawahina ma dimwa bewa 'oidiyega Ebalahamo tubunao 'ipaihowadi.

Luke 1:73

Gwae hemisaina tubudai Ebalahamo weyahina Yehoba 'i'ebwaeya

Luke 16:24

Coinega 'ibwau madouna ma 'igwaeya, ‘Tamagu yo! Cuda 'atemuyemuyegau ma Lasalo 'uhewasaeyama ma we'aha gogaina nimanega memenagu 'i'abihegogai, weyahina tuta bewa yamuyamuya madouna 'aiwe 'ala'alata 'oina.’

Luke 16:30

Ma hesi towasawasaina 'igwaeya, ‘Tamagu, beno geya sowasowahina. Ma 'eguma taiya 'amasega 'itoholohila ma 'itauya 'oidiya, ma tauna si'ita, 'oinega sinuwabui bwaibwaini.’

Yoni 8:39

Coinega Yesu 'enana sihemaiseya sigwae, “Ciya, tauma heneyage Ebalahamo tamamai.” Ma Yesu wete 'ihegwaediya 'igwae, “Ceguma 'omi moisa Ebalahamo natunao, 'ina paihowega wada paihowa.

Yoni 8:53

Tamamaina Ebalahamo 'i'amasa pwaiya, 'oinega sahena 'utohotoho ma 'abehega tamamaina 'ulagu suluhe ma 'uboi 'ulagu hanehego. Palopitao wete si'amasa pwaiya, 'oinega sahena wete 'utohotoho ma 'abehega 'ulagu suluhedi, 'awa?”

Paihowa 7:2

Ma Sitibeni 'igwae, “Tasigwao ma tamagwao, 'igu gwae bewa wahesagohe. Yehoba tomiya hane hedada mwalohene tubudai Ebalahamo 'oina 'ilatuwa, tutaina Mesopotemi 'oina 'imiyamiya, ma 'abwa geya 'i'asa'asaliya Helana 'oina,

Loma 3:20

Yehoba 'ina 'ahwamoisa geya Mosese 'ina loina 'ana guibiga 'oinega tada lobeya, weyahina loina 'ina paihowa beno 'ida pui 'ihehepwailedi.

Loma 4:1

Coinega to'aha nata tagwaene Ebalahamo weyahina, 'iboi tuwa tubudaina mabwaiyada 'oinega tamasalehama?

Loma 4:12

Ma tauda wete Ebalahamo tamadai 'eguma 'ila'ilalaina ta'eweya 'wapida, ta geya 'abehega 'ila'ilala tuwa weyahina. Ma 'ida hemisa gide tuwa mwalo Ebalahamo 'ina hemisa, tutaina geya 'ila'ilala si'upwa wahina.

Loma 4:16

Bewa 'oinega tasanapu 'abehega hemisa tuwa 'oinega gwae hemisaina 'ana bwebwe'ana 'abwa taloba. Ma bewa Yehobaina 'ina helau tuwa ma geya 'abehega 'ida paihowa 'ana maisa. Ta gwaehemisaina Ebalahamo tubunao mabwaiyada talobeya, geya 'abehega loina 'ana toguibigao siboidimo, ma weteyage taiyewedi 'idi hemisa gide Ebalahamo 'ina hemisa ee taloba. Ebalahamoina tauna gide mabwaiyada tamadai.

Ibeliu 11:17

Ebalahamo wete ma'ina hemisa tutaina 'ebetohona 'ilobeya Yehoba 'oinega, 'abehega natuna moisa Aisake 'ipwaoliye Yehoba 'oina. Mwalo Yehoba 'ina gwae hemisao 'i'ebwaeya Ebalahamoina 'oina, ta wete 'igwaeya, “Cabwa Aisake 'oinega 'ino boda 'ilatu,” 'oinega Ebalahamo natunaina 'itagwaleya ma 'ilohe'amasi,

Yemesa 2:18

Ma 'eguma tupwadi tomota sigwae, “Cowa ma'ino hemisa ta taugu ma'igu paihowa,” ta hesiyage taugu 'igu gwaehila 'abehega, “Ceguma 'ino hemisaina geya paihowa ba'idana, togidega 'ana bwebwe'ana? Ta taugu bewa 'igu hemisa yahe'itego 'igu paihowega.”

Yemesa 2:24

Coinega 'usanapu 'abehega Yehoba 'i'ahwa bwebwe'anegita 'ida paihowega ma geya 'ida hemisamo 'oinega.