Yemesa 2:1 - Loina Nuahuana

¹ Cae tasigwao, 'omi 'ida Bada Yesu Keliso 'ana tohemisao, tauna tobwebwe'ana 'iya, 'oinega sahena 'imi hesinuwa tohewasawasao 'oidiya walagulagu.

Yemesa 2:1 ပူးပေါင်းရင်းမြစ်များ

Madiu 22:16

Coinega loina silobeya, ma 'adi tomuliyao ma Helodi 'ina bodao ba'idadiyao sihesumanediya Yesu 'oina, ta sigwae, “Bada 'asanapu pwaigowa 'abehega 'owa tohe'ita moisa, ta Yehoba 'ina nuwatuhu 'uhe'itae moisa, ma wete tomota 'idi waiwai weyahina geya 'umatauta, ma tuwa gwae moisa 'uhehepwaile mahemahetena tomota mabwaiyadi 'oidiya.

Paihowa 10:34

Ta Pita 'ihegwaediya 'igwae, “Moisa! Bewa nuwagu 'isabwalena 'abehega tomota mabwaiyadi Yehoba matana mahemahetena, ma geya meYudiyamo 'ihelauwedi,

Paihowa 20:21

ta 'igu he'ita 'oimiya tuwa mahemahetena, 'omi meYudiya, ma 'omi hali tupwa tomotaiyao, mabwaiyami yaguguya 'oimiya ta 'abehega mumugami galadi 'oidiyega wanuwabui Yehoba 'oina ma Bada Yesu wahemise.

Paihowa 24:24

Ta sabwelo tupwana sigumwala, ta Pilikesa mwanena Dalusila mahetena sinaoma, ta mwanenaina wahine Yudiya, ma Pilikesaina Paulo 'ibwauweyama, ta 'ina guguya sihesagoheya Yesu Keliso 'ana hemisa weyahina.

Paihowa 7:2

Ma Sitibeni 'igwae, “Tasigwao ma tamagwao, 'igu gwae bewa wahesagohe. Yehoba tomiya hane hedada mwalohene tubudai Ebalahamo 'oina 'ilatuwa, tutaina Mesopotemi 'oina 'imiyamiya, ma 'abwa geya 'i'asa'asaliya Helana 'oina,

Loma 1:11

Weyahina nuwanuwagu ya'itegomi ma ya'abihetegomi eema Yaluyaluwa Tabuna 'ina 'ebwaya 'oinega wahewaiwai.

1 Kolinita 2:8

Ta gogo gabulena bewa 'ana toloinao sanapuina geya sisanasanapu, ma 'eguma nuwana sida sanapu nugeteya, sahena 'ida Bada galewega silolohe'amasi kelose 'oina.

Kolose 1:4

Weyahina wasami 'ahesagoheya, 'abehega Yesu Keliso wahemisaeya, ma tohekalesiyao mabwaiyadi wahelauwediya.

1 Timoti 1:19

ma ma'ino hemisa ta ma'ino nuwatuhu bwebwe'ana, tuta mabwaiyana 'oidiya. Weyahina 'iyadao tupwadi nuwatuhu bwebwe'adi silogwahatediya, 'oinega 'idi hemisa siwe'a ta sibe'uwa.

1 Timoti 5:21

Bewa 'a hemataluwa 'oiguwega Yehoba ma Yesu Keliso matadiya, ma wete aneloseyao hesihesinuwaidi matadiya, 'abehega loina bewa 'umuliya moisa. Tomota mabwaiyadi 'uloinaedi loina 'aigeda tuwamo 'oinega, ma sahena tupwadimo 'oidiya 'uloina waiwai, ma tupwadi 'oidiyega geya.

Taito 1:1

Natugu Taito, 'ino leta bewa taugu Paulo 'oiguwega, taugu Yehoba 'ina topaihowa ta Yesu Keliso 'ana tohepwaila. Cigu paihowaina 'i'ebwaegauwa ma taudi Yehoba 'ana hesihesinuwao ya'abihe waiwaiyedi ma sihemisa moisa ma nuwadi 'isabwalena, ta 'oinega sanapu moisega sipaihowa dumwalu.

Taito 2:13

Bewa tuta ma'ida yaliyaya 'ada to'abihetena Yesu Keliso tahemisae, tauna 'ida Yehoba waiwaina ma ma'ina wasawasa, ta 'ina hapwesa weyahina tayamwayamwa.

Ibeliu 1:3

Ma Yehoba natunaina tamana 'ina 'asilala 'i'asi'asilalae ta tauna Yehoba 'ana 'oleya gide. Ma 'ina gwae waiwaina 'oinega ginaula mabwaiyana galewa ma bale'uwa 'i'abi'abi yahidi. Ma 'ida puiyao 'oidiyega 'ibuyogita ma muliyetega 'imiyatoiya Yehoba Tomiyahane hedade 'ina 'ebeulanega.

Ibeliu 12:2

Ma wete Yesu 'oina talolo'italaga, weyahina Yesuina 'ida hemisa 'ana 'ebehegaina ta 'ana 'ebelosaloha. Tutaina Yesu bale'uwa 'imiyamiya 'isanapuya 'abehega 'abwa 'ebeyaliyaya madouna 'iloba, 'oinega kelose 'ina muyamuya 'i'alama'i'itaneya, mwadina wete geya weyahina 'inuwatuhu, ta 'ebelosaloha 'oina 'ihaneya galewa ta Yehoba 'ina 'ebeulega 'imiyatoiya.

Yemesa 1:16

Yauwedo tasigwao, sahena 'imi nuwatuhu walagulagu puidi.

Yemesa 1:19

Tasigwao, 'ilobwainegomiya ma gwae wahesagohe bwaibwaini, ma sahena gwaehila ma gamwasowala 'oidiyega wahehewaiwai.

Yemesa 2:3

'oinega 'eguma siteluwaedi wa'itadi nata towasawasaina wa'amayabe ma 'oina wagwae, “Cebemiya bwebwe'ana bewa 'oina 'umiyatoi,” ta toheweweloheina nata 'oina wagwae “Beno nobwa 'utoholo,” nuwana “Cumiyatoi sehala,”

Yemesa 2:9

Ma 'eguma tupwadi tomota wahe'ahe'asisiyanedi ma tupwadi tomota geya, beno loinaina wadi'wadi'wai, ma waboimimo 'imi mumuga wa'abi'abi hegaladi.

Yemesa 3:17

Ta 'eguma taiya 'ina sinasinapu galewega 'itauyama, tauna 'ina mumuga nugeta 'ehauna, ta wete nuwadaumwala, ma mumuga nuhanuhana, ma he'iya'iyagu ma 'atemuyamuya, ta 'abehega wete huwaidi bwebwe'adi silatulatu, ta geya 'iyanao 'ida lososomanediya, nuwana 'ida 'abowediya.

2 Pita 1:1

Taugu Saimoni Pita ta Yesu Keliso 'ina topaihowa 'aigeda, nuwana 'ana tohepwaila, 'imi leta yaleleyawa. Comi ma taugu 'ida hemisa mahemahetena, ma weyahina tayaliyaya. Hemisaina talobeya 'ida Yehoba ma 'ada To'abihetena Yesu Keliso 'idi loina bwebwe'ana 'oinega.

Yude 1:16

Tomotaedi tolomugi ma tosinala, ma taudi 'adi lotohona 'oinega sitautauya. Wete togwaehanehane, ma 'eguma 'iyadiyao 'oidiya sigwae helau, beno tobwatobwa weyahina.

Heꞌitaꞌita 14:12

Gwae bewa 'oinega Yehoba 'ina tomotaiyao 'abwa si'alama'i'ita, taudi 'ina loina 'ana tohematamatanao ta Yesu 'ana tohemisao.