Yemesa 1:19 - Loina Nuahuana

¹⁹ Tasigwao, 'ilobwainegomiya ma gwae wahesagohe bwaibwaini, ma sahena gwaehila ma gamwasowala 'oidiyega wahehewaiwai.

Yemesa 1:19 ပူးပေါင်းရင်းမြစ်များ

Madiu 5:22

Ma hesi taugu yaloinegomi 'abehega 'eguma taiya 'owa tasiu 'ugamwasowale, 'abwa loina 'uloba. Ma 'eguma tasiu 'u'ahwa galagalae loina 'uloba, toloinao 'oidiyega. Ma wete 'eguma tasiu 'ana gwae mwauna 'ulagu, 'abwa 'uluhu 'asa 'ala'alatana* 'oina.

Maki 12:37

Debidaina 'ina Bada Keliso, 'oinega togidega hede ta Debida 'ina susuwega 'abwa Keliso 'ili'uma?” Ma boda mabwaiyadi Yesu 'ina he'ita nuwadi 'i'eweya.

Maki 2:2

Ma boda madouna hada 'alona ma wete 'ahwa'edaina 'atamanina si'eto'auta, ma Yesu 'iguguya 'oidiya.

Luke 15:1

Caigeda tuta takesi 'ana to'ewao ma hali togala tupwadi wete sinaoma Yesu sabi hesagohina.

Luke 19:48

ma geya sowasowahidi, weyahina Yesu 'ina he'itao tomota baibaiwadi nuwadi 'i'eweya.

Paihowa 1:15

Bodaedi 'adi baibaiwa gidemusa wani handeledi ma tuweniti, ma 'aigeda sabwelo 'oina Pita gamwagamwanidiya 'itoholowa ma 'ihegwaediya, 'igwae:

Paihowa 10:33

Ma yalomwayamwayau ta 'igu hewahewaliyedi yahetunediwa ta sibwauwegoma, ma 'utagwalegowa 'utauyama, ta yauwedo. Coinega bewa tuwa mabwaiyama Yehoba matana 'adeli 'autama ma to'aha Badaina 'iloinegowa 'uhegwaemai ma 'ahesagohe.”

Paihowa 13:48

Eeta taudi tomiya ganamuli Paulo ma Banaba 'idi gwae bewa sihesagoheya, ma siyaliyaya madouna, ta Yehoba tetelina si'ahwa bwebwe'aneya, ta taudi taiyewedi Yehoba 'ihesinuwanediya ma yawasi miyamiya hatayana siloba, taudi gwaeina sihemisaeya.

Paihowa 17:11

Mwalo Tesalonaika 'oina meYudiya genuwadi wasaina, ma hesi meYudiya Beliya 'oina 'idi tagwala bwebwe'ana, ma wasaina nuwadi 'i'eweya, 'oinega sabwelo 'aigeda 'aigeda Buki He'asisi sihasihasili ta 'abehega wasa bewa 'ana moisa sida sanapu.

Paihowa 2:42

ta sitagwala moisa tohepwailedi 'idi he'itao 'oidiya ma sihe'iya'iyagu moisa, ma si'ai mahemahetena, ta wete si'ahwa'ahwanoi Yehoba 'oina.

Epeso 4:26

Ma 'eguma wagamwasowala, geya'abwa wamumuga galana, ma hesi watoho ma wanuwa daumwala mwayamwayau,

Epeso 4:31

Ma wete galaedi bewa gide walogwahatedi: he'ipi'ipi, gamwasowala, 'asona, 'ahwa galagala, ma wete gwae sinala,

Kolose 3:15

Ta wete Keliso 'ina nuwadaumwala nuwami 'iloinaedi. Bewa weyahina Yehoba mabwaiyada 'ibwauwegita ma taheboda 'aigeda, ma weyahina taloyauwedo 'oina.

Kolose 3:8

Ma hesi sauga bewa 'oina 'ilobwaineya ma walogwahatedi, beno 'aleha ma gamwasowala ma he'ipi'ipi, ma sinala, ta 'ahwa galagala.

1 Tesalonaika 2:13

Ciyamayao tuta mabwaiyana 'aloloyauwedo Yehoba 'oina, weyahina Yehoba 'ina gwae bo'i 'a'ebwaegomiya ta 'oina watagwalegomi, geya 'abehega tomota 'idi gwae, ma hesi Yehoba 'oinega. Moisa, gwaeina Yehoba 'oinega, ma wahemiseya, ma 'ana waiwai walotoho pwaiya.

Yemesa 1:16

Yauwedo tasigwao, sahena 'imi nuwatuhu walagulagu puidi.

Yemesa 1:2

Tasigwao, tuta sinaonaoma 'oidiya 'eguma 'ebe tohona baibaiwadi ma wete mwaudi walobadi, weyahidi wayaliyaya,

Yemesa 1:26

Ma 'eguma 'aigeda loheya 'inuwa hanehane ta 'abehega tauna totapwalolo moisa, ma geya 'ina gwae 'ida 'itayahiya, tauna tuwa 'iboimo 'i'aboweya, nata 'ina tapwaloloina ginaula besobeso.

Yemesa 2:1

Cae tasigwao, 'omi 'ida Bada Yesu Keliso 'ana tohemisao, tauna tobwebwe'ana 'iya, 'oinega sahena 'imi hesinuwa tohewasawasao 'oidiya walagulagu.

Yemesa 2:5

Tasigwao, 'igu gwae bewa wahesagohe, 'abehega Yehoba towewelohe bale'uwa 'ihesinuwediya ma hemisa 'oinega sihewasawasa. Weyahina Yehoba 'ina 'ebeloina 'igwae hemisaeya ma 'oina silatu, 'eguma tauna sihelauweya.

Yemesa 3:10

eeta tasigwao, 'abehega 'ahwa 'aigeda gwae bwebwe'adi ma gwae galadi 'oinega silatulatuma, geya 'ana 'ita bwebwe'ana.

Yemesa 4:11

Tasigwao, sahena tasimiyao wa'ahwa galaedi, weyahina 'eguma taiya tauna tasina 'i'ahwagalae, nuwana 'iloinae, tauna geya Yehoba 'ina loina 'imuliye, ta hesi loinaina 'i'ahwa galaeya.

Yemesa 5:12

Ma tasigwao, 'aigeda wete ginaula madouna 'oida 'abehega sahena ta'eta'wata'walulu Tamada saninega, nuwana bale'u ginaulao 'oidiyega, bo nuwana to ginaula tuwa 'oidiyega, 'eguma 'imi gwaeupaupa 'oidiyega. Ta hesi tuwa wagwae, “Cehe,” 'eguma 'imi nuwatuhu gidemusa, ta 'eguma geya, wagwae, “Geya.” Weyahina 'eguma gwae madoudi wa'inanadi, muliyetega Yehoba 'iheyatalaegomi.

Yemesa 5:19

Ma tasigwao, 'eguma 'aigeda taiya 'oimiyega 'eda bwebwe'ana 'i'ebesine, ma 'eguma taiya 'owa 'iyauina 'u'ewa hila 'eda bwebwe'ana 'oina,

1 Yoni 2:21

ma geya 'abehega ma'imi henainaida 'imi leta bewa wahasihasili, weyahina he'ita dumwadumwaluna wasanapu pwaiya, ma wete wasanapuya 'abehega geya 'eta wete 'abo 'oinega 'ihapwesa.