Yemesa 1:17 - Loina Nuahuana

¹⁷ Ma hesi wasanapu moisa helau 'ausaladi mabwaiyadi galewega silatuma Yehoba 'oinega, tauna 'asilala 'adi topaihowa, ma wete geya 'ida buiya, gidemusa logulogu sibuibuidi.

Yemesa 1:17 ပူးပေါင်းရင်းမြစ်များ

Madiu 7:11

Moisa 'omi togala, ma 'imi 'ehele natumiyao 'oidiya wasanapu pwaiya, 'abehega ginaula 'ausaladimo wa'ebwa'ebwaedi. Gide wete Tamamiu galewa, 'eguma wa'ahwanoi 'oina, 'isanapuya to'aha bwebwe'ana 'ilobwainegomiya ma 'i'ebwaegomi.

Luke 11:13

Moisa, 'omi togala ma 'imi 'ebwaya natumiyao 'oidiya wasanasanapu 'abehega ginaula bwebwe'ana wa'ebwa'ebwaedi. Gide wete Tamamiu galewa 'ina 'ebwaya 'oimiya bwebwe'ana hedada, ma 'eguma wa'ahwanoi 'oina, nata Yaluyaluwa Tabuna 'i'ebwaegomi.”

Yoni 1:9

Ma 'asilalaina 'asilala moisa. Gogo gabulena mabwaiyada 'oida 'ihe'asilala.

Yoni 3:27

Ma Yoni 'ana tomuliyaedi 'enadi 'ihemaiseya 'igwae, “Geya 'eta taiya sowasowahina ma 'iheloheya madou 'eguma Yehoba geya 'oina 'itagwala.

Yoni 3:3

Coinega Yesu Nikodimo 'ihegwaeya 'igwae, “Yagwae moisa 'oiuwa, 'eguma geya'abwa 'uli'u hila, geya'abwa wete Yehoba 'ina 'ebeloina 'u'ita'ita.”

Yoni 8:12

Coinega Yesu wete 'ihegwae hilediya 'igwae, “Taugu gogo gabulena 'ana 'asilala. Ma taiyawedi 'omi 'eguma wamuliyegau, nata taugu 'asilalaina yawasimi 'oidiya yasae hane, ma 'oinega geya'abwa guguyou 'oina watautauya.”

Paihowa 11:18

Pita 'ina gwae bewa sihesagoheya ma geya 'idi 'ebe gwaemo, ta Yehoba sihepwatuwe, sigwaeya, “Moisa tuwa, Yehoba tauna 'itagwatagwala taudi tomiya ganamuli 'oidiya 'abehega sinuwabui, ta taudi wete yawasi hataya siloba.”

Paihowa 5:31

ma 'i'abilagasiya tauna 'ina 'ebeulega 'abehega tauna To'abihetena ma Tohanugeta, ma wete tauna To'abihenuwabui meIsileli tauda weyahida, ma 'oinega 'ida puiyao 'inuwasamudi.

Loma 6:23

Weyahina pui 'ana maisa 'amasa, ma hesi Yehoba 'ina helau beno yawasida miyamiya hatayana, 'ida Bada Yesu Keliso 'oinega.

1 Kolinita 4:7

Sahena wanuwanuwa hanehane ma 'abehega 'iyamiyao wabwebwe'ana sinediya, weyahina to'aha bwebwe'ana 'oimiya simiyamiya mabwaiyana Yehoba 'oinega walobeya, 'oinega sahena wagwaegwae hanehane.

2 Kolinita 4:6

Weyahina Yehobaina 'igwaeya, “Guguyou 'oina 'asilala 'ida saehane,” ma Yehoba 'atema 'isaesaehane, 'oinega tauna 'ina 'asilala Keliso manina 'a'ita'ita.

Epeso 1:18

ma wete 'atemiyega ginaulaedi bwebwe'adi weyahidi 'ibwauwegomiya wada sanapudi, ma wahemisa 'abehega 'abwa walobadi, ma wada sanapu wete 'ina heguyai madouna 'ina tomotaiyao tauda 'oida, beno tauna 'ina wasawasa 'oinega,

Epeso 2:8

Moisa, 'ina 'eheleina 'oinega 'i'abihetegomiya 'imi hemisa weyahina ma geya waboi 'imi paihowa 'oidiyega, ma hesi Yehoba 'ina helau 'oinega.

Pilipai 1:29

Weyahina Yehoba 'itagwala pwaiya 'oimiya ma Keliso 'oina wahemihemisa, ma tauna wete weyahina wa'emuyamuya,

1 Timoti 6:16

Yehoba 'iboimo miyamiya hatayana, ma geya 'eta taiya gide. Ma 'ina tupwa geya sawasawahida ma ta'ita, weyahina 'asilala hedada, ma geya sawasawahina Yehobaina ta'ita, ta 'ina wasawasa ta 'ina waiwai nata geya sigumwagumwala. Emeni.

Ibeliu 13:8

Yesu Keliso 'ina mumuga mwalohene ta nige, ta tuta 'inaonaoma 'oidiya, geya 'ida 'abihedumedumeya.

Yemesa 1:5

Ta 'eguma taiyawedi 'omi Yehoba 'ana sanapu moisa geya 'oimiya, Yehoba 'oina wa'ahwanoi, ma 'oimiya 'i'ebwaya, weyahina tauna Totagwala ma To'ebwaya moisa.

Yemesa 3:15

Mumugami bewa bo 'imi sinasinapuwedi bewa geya galewega, ma hesi bale'u mumugaidi Tomudulele 'oinega.

Yemesa 3:17

Ta 'eguma taiya 'ina sinasinapu galewega 'itauyama, tauna 'ina mumuga nugeta 'ehauna, ta wete nuwadaumwala, ma mumuga nuhanuhana, ma he'iya'iyagu ma 'atemuyamuya, ta 'abehega wete huwaidi bwebwe'adi silatulatu, ta geya 'iyanao 'ida lososomanediya, nuwana 'ida 'abowediya.

1 Yoni 1:5

Coinega wasa bewa sihegwaemaiya, ta 'ahepwaileya 'oimiya 'abehega Yehoba 'asilala huhuna, ma geya 'eta guguyou Yehoba 'oina 'imiyamiya.

1 Yoni 4:10

Bewa helau moisa, geya 'abehega tauda Yehoba 'ana tohelauwao, Yehoba hesi 'ada tohelau, ta Natuna 'itagwaleya ma 'iboi 'ipwaoliyeya tauna, 'ida puiyao weyahidi.

Heꞌitaꞌita 21:23

Sinala ma wai'ena geya sida saehaneya 'asaina 'oina, weyahina Yehoba 'ina wasawasega 'i'atuhe 'asilaleya mabwaiyana, ma wete Lami 'ihemayaleya 'asaina 'oina.

Heꞌitaꞌita 22:5

Geya'abwa wete 'ida guguyou, ma geya nuwadi sinala ma mayale 'asilaladi, weyahina Bada Yehoba tauna tuwa 'idi 'asilalaina, ma siloina hataya.