Yemesa 1:12 - Loina Nuahuana

¹² Ceguma taiya 'owa 'ebetohonao 'oidiyega 'utoholo pa'ala, 'uyaliyaya, weyahina 'a maisa bwebwe'ana Yehoba 'oinega 'abwa 'uloba, beno yawasi hataya. Bewa Yehoba 'ina gwaehemisa mabwaiyada 'oida, 'eguma tahelauwe.

Yemesa 1:12 ပူးပေါင်းရင်းမြစ်များ

Madiu 10:22

Ma tomota mabwaiyadi silo'alehegomi weyahina 'omi 'abehega 'agu tohemisao. Ma 'eguma taiyawedi si'alama'i'ita ma sitoholo pa'ala ma 'ana siga tuta 'ana 'ebelosaloha 'oina, 'abwa yaliyaya hataya siloba.

Madiu 25:34

Ma 'oinega toloina taugu taudi 'igu 'ebeula 'oina yahegwaedi ma yagwae, ‘Comi Tamagu 'ina helauwega wayaliyaya, wanaoma ma 'imi 'ebeloinaina wa'ewa, beno bale'u 'ana hemasalaha hohau 'oinega 'i'atububuya weyahimi.

Luke 6:22

Taugu Loheyaiguina, ma sowasowana wayaliyaya 'eguma weyahigu tomota silolo'alehegomi, nuwana siguipailegomi, nuwana si'ahwa yaliyegomi, nuwana si'ahwa galegalegomi.

Loma 5:4

nata 'oidiyega yaluyaluwada sihewaiwai. Nage 'oinega tanuwatuhuyahi 'abehega 'abwa Yehoba 'ihelauwegita.

Loma 8:28

Eeta tasanapuya 'eguma Yehoba tahelauwe nata ginaula mabwaiyadi 'i'abihe dumwaludi weyahida, beno tauna 'ina nuwatuhu gide ta 'ibwauwegita.

1 Kolinita 2:9

Ta hesi 'ida yaliyayaina weyahina Buki He'asisi 'ina hepwaila 'igwaeya, “Sahena tagwaegwae Yehoba 'ana tohelauwao 'adi lema bwebwe'ana hedadena 'i'atububuya. Geya 'eta loheya 'ida 'iteya bo 'ihesagohe ma 'ida nuwasabwalena lemaina, weyahina bwebwe'ana hedada.”

1 Kolinita 8:3

ma hesiyage 'eguma Yehoba tahelauwe, tauda Yehoba 'isanapugita ma 'ihesinuwanegita.

1 Kolinita 9:25

Ma taudi tohepiliyedi bale'uwa sitoho waiwai ma si'alama'i'itana 'idi tohoina 'oinega ma 'abehega maisa sawasawalina siloba. Ta hesi tauda tatoho waiwai ma maisa miyamiya hatayana galewa taloba.

2 Timoti 2:15

Coinega wete 'uhetapewa ma tetela bwebwe'ana 'ana he'ita moisa weyahina 'uguibiga ma 'ane 'owa Yehoba 'ina topaihowa bwebwe'ana, wete 'abwa 'eguma matana 'ulatu 'ihepwatuwego.

2 Timoti 4:8

Coinega 'abwa 'ida Bada 'agu maisa, mumuga dumwaluna weyahina, 'i'ebwaegau. Ta maisaina weyahigu 'igibubu pwaiya ta 'imiyamiya. Badaina 'ina loina dumwaluna, ma 'eguma to sauga 'ilatuma, tauda ma wete taiyawedi 'ina hilama weyahina siyamwayamwana, mabwaiyada nata 'ada maisa 'i'ebwaegita.

Ibeliu 10:32

Ciyagwao, mwalo 'asilala 'ina latu nugenugetana 'oimiya, wanuwatuhuyahi 'imi miyamwau 'oidiyega wa'alama'i'ita,

Ibeliu 11:17

Ebalahamo wete ma'ina hemisa tutaina 'ebetohona 'ilobeya Yehoba 'oinega, 'abehega natuna moisa Aisake 'ipwaoliye Yehoba 'oina. Mwalo Yehoba 'ina gwae hemisao 'i'ebwaeya Ebalahamoina 'oina, ta wete 'igwaeya, “Cabwa Aisake 'oinega 'ino boda 'ilatu,” 'oinega Ebalahamo natunaina 'itagwaleya ma 'ilohe'amasi,

Ibeliu 12:5

Nuwana guguya wanuwanaideya, guguyaina 'oina 'i'ahwa natunegomiya 'igwaeya, “Natugu, 'eguma tutaina Bada 'ihemata sabuwego sabi 'abihe dumwalugo, bewa weyahina 'unuwanuwatuhu ma sahena wete 'uwe'awe'a.

Ibeliu 6:15

Ma Ebalahamoina 'i'alama'i'ita tuta dudulena, eeta gwaeina huwaina 'ilobeya.

Yemesa 2:5

Tasigwao, 'igu gwae bewa wahesagohe, 'abehega Yehoba towewelohe bale'uwa 'ihesinuwediya ma hemisa 'oinega sihewasawasa. Weyahina Yehoba 'ina 'ebeloina 'igwae hemisaeya ma 'oina silatu, 'eguma tauna sihelauweya.

Yemesa 5:11

Ta 'eguma taiyawedi taudi gidemusa tahesaniyedi toyaliyaya, weyahina mwauwedi 'oidiyega sitoholo pa'ala. Ma bewa wete 'aigeda 'ebe'ita Yobi 'ina 'alama'i'ita weyahina wasanapu pwaiya, 'abehega Yobiina 'ina miya mwau 'ana 'ebe losaloha 'oina 'ana 'abihetena 'ilobeya 'ida Bada 'oinega, weyahina tauna Badaina helau ta 'atemuyamuya lamuna.

1 Pita 3:14

Ma geya'abwa tomota wamatamatautedi bo nuwana wanuwanuwa mwau 'oidiya, ma hesi wayaliyaya, 'eguma ginaula bwebwe'ana wapaipaihowa ma si'ehe'ehe muyegomi,

1 Pita 4:13

ma hesi wayaliyaya, ma wete wanuwatuhu 'abehega Yesu Keliso muya 'ilobeya, eeta 'omi gidemusa tuwa waloba 'ese, ma muliyetega tutaina 'ina wasawasa 'ihapwesama wayaliyaya madou hedada.

1 Pita 4:14

Ma 'eguma tomota si'ahwa galagalaegomi 'imi hemisa Keliso 'oina weyahina, wayaliyaya tuwa, weyahina Yehoba yaluyaluwana 'asi'asilalaina 'oimiya 'imiyamiya.

1 Pita 5:10

Yehoba tauna 'atemuyamuya huhuna ma 'ibwau pwaigita ma 'abehega 'ina wasawasa miyamiya hatayana 'oina tamiyamiya Keliso mahetedai. Ma 'imi muya tuta 'i'iunamo ma sigumwala, ma muliyetega Yehoba 'igihe 'ehaugomi ma 'igihepa'aligomi ma 'igihe waiwaiyegomi ma 'abehega wamiya bwebwe'ana.

1 Pita 5:4

Ma 'oinega tutaina To'itayahina madouna 'ilatuma, tauna 'oinega 'ami maisa bwebwe'ana ma miyamiya hatayana waloba.

1 Yoni 4:19

Ta 'ida helauina huhuna bewa, weyahina Yehoba 'ihelau nugetegita.

Heꞌitaꞌita 2:10

“Ta geya'abwa wamatamatauta 'eguma to ginaula 'oina muya waloba. Wanuwatuhuyahi 'abehega 'abwa Seitani 'itohogomi, ma tupwami sipaigomi, ma deliya silagugami, ma hesi 'ami mwauwedi sabwelo nima luwaluwa weyahidi. “Ma watoholo pa'ala 'ana siga 'amasa, ma 'oinega yawasimi miyamiya hatayaina ya'ebwaegomi.

Heꞌitaꞌita 3:19

“Ma wanuwatuhuyahi 'abehega taiyawedi 'omi ya'atemuya muyaegomi, gwae pa'alinega ma loinega yagihe dumwaluwegomi. Coinega wahewaiwai ma 'imi puiyega wanuwabui.

Heꞌitaꞌita 3:21

“Ma 'eguma 'oimiyega taiya 'ihewaiwai, 'abwa yatagwala 'oina ma ba'idagu 'amiyatoi 'igu wagahata wasawasa 'oina, gide tuwa taugu yahewaiwaiya, ta Tamagu 'ina wagahata wasawasaina 'oina ba'idagu 'amiya toiya.