Taito 3:13 - Loina Nuahuana

¹³ Loina 'ana tosanapu tauna Senasi ma wete Apolosa 'u'abihetedi, ta manima 'abiyadi 'uhesumanedi 'idi 'adau 'oina, ma 'ane ma'idi yaliyaya.

Taito 3:13 ပူးပေါင်းရင်းမြစ်များ

Madiu 22:35

ta 'oidiyega 'aigeda loina 'ana tosanapu Yesu 'oina 'ihesilala sabi tohoina, 'igwae,

Luke 10:25

Ma 'aigeda loina 'ana tohanugeta 'itauyama ma Yesu 'oina 'ihesilala sabi tohona, 'igwaeya, “Bada, to'aha yapaihowa ma yawasigu hataya yada loba?”

Luke 11:45

Ma 'aigeda loina 'ana tohanugeta Yesu 'ihegwaeya, 'igwae, “Bada, 'ino gwaeyedi bewa 'oidiyega 'usinalimaiya, 'awa?”

Luke 11:52

“Comi loina 'ana tohanugetao 'atemuyamuyaimi, weyahina sanapu 'ana 'ahwa'eda wa'ausiya, ma 'omi geya sowasowahimi waluhu, ma taudi wete nuwanuwadi 'abehega siluhu ta 'omi wa'ausidiya.”

Luke 14:3

Coinega Yesu tolohalaina weyahina 'ihesilala loina 'ana tosanapuwao ta Palisiyao 'oidiya, 'igwaeya, “Togidega? Wanuweya 'abehega bwebwe'ana 'eguma tolohala sabwelo Sabati 'oina ta'abihe bwebwe'ane, bo geya?”

Luke 7:30

Ma hesi Palisiyao ma loina 'ana tosanapuwao Yehoba 'ina nuwatuhu sabi 'abihetedi siguipaileya, 'oinega genuwadi ma Yoni 'i'abihe babitaisodi.

Paihowa 15:3

Ta tohekalesiyao siloyauwedowediya ma sitauya. Sitautauya tupwa Pinisiya ma Sameliya sibui di'waediya, ta sihepwaileya 'idi sakowasi mwalo weyahina, beno 'asa ganamuli, taudi geya meYudiya 'idi nuwabui Yehoba 'oina sihepwaileya, ta Yesu 'ana tohemisao 'asa 'aigeda 'aigeda 'oidiya hepwailaina sihesagoheya, ma siyaliyaya madouna.

Paihowa 18:24

Tutaina 'oina, 'aigeda gwama Yudiya sanina Apolosa 'inaoma Epeso. Tauna 'asa Alekisanidela loheyaina, ta tauna guguya 'ana, ma Buki He'asisi 'isanapu bwaibwainiya.

Paihowa 19:1

Apolosa 'abwama Kolinita 'oina 'imiyamiya, ma Paulo 'isakowasiya tupwa pwatula 'oidiya, ma Epeso gadowa 'oina 'ilatuma. Epeso nage 'oina, Yesu 'ana tomuliyao tupwadi 'ilobediya,

Paihowa 21:5

Ta 'oinega 'ima sabwelo nobwa sigumwala, ma 'agogona 'adobiya wagai, ma taudi mamwanediyao ma manatudiyao sidobihemaiya 'asa papalina, ta holai 'ahema 'atulaseya ma Yehoba 'oina 'ahwa'ahwanoi. Coinega 'aloyauwedowediya,

Paihowa 28:10

Coinega helau baibaiwana si'ebwaemaiya, ta 'ima tuta gelu 'oina, 'ama 'alai sowasowahima sido'oya.

Loma 15:24

ee 'oinega bewa tutaina nuwana yabo'ene nugetegomi ma tupwana tayaliyaya toyawa, ee 'abwa wahegelugau ma yatauya Sipeini.

1 Kolinita 16:11

Ma sahena taiya Timotiina 'ilohesohesoiye, ta tutaina 'ihilama 'oiguwa wa'abihete ma ma'ina yaliyaya 'ida hilama, weyahina tauna ma tupwadi wete 'iyadao yayamwayamwadi.

1 Kolinita 16:12

Apolosa wete tauna tasidai 'aigeda, ma mwalo Apolosaina ya'ahwanoiyeya ma 'abehega 'iyadao mahetenao sinaowa 'oimiya, ta 'iguipaila, ma 'abehega 'eguma to tuta 'oina bwebwe'ana 'itauyawa.