Taito 2:8 - Loina Nuahuana

⁸ Ma 'ane 'ino he'itao sahena tomota si'ahwa'ahwa 'abo'abowe, ma 'ino gwae bwebwe'adi 'adi hesagoha 'oinega 'a 'alehao sideba mwadina, 'idi 'ahwayali besobeso 'oidiyega.

Taito 2:8 ပူးပေါင်းရင်းမြစ်များ

Maki 12:17

Ta Yesu 'ihegwaediya, “Ee gide, 'eguma Kini 'ina ginaula wa'ebwae Kini 'oina, ma 'eguma Yehoba 'ina ginaula Yehoba wa'ebwae.” Ma Yesu 'ina gwaeina weyahina nuwadi 'ihepwanopwano madouna.

Maki 12:28

Eeta loina 'ana tohe'ita 'aigeda 'inaoma, ma taudi 'idi he'ohe'ohena Yesu ba'idadiu 'ihesagoheya, ma 'idi hesilalao 'adi maisa Yesu 'oinega 'ihesagohediya wete 'abehega 'ausala hedada, 'oinega tauna wete Yesu 'oina 'ihesilala 'igwaeya, “Bada, loina mabwaiyadi 'oidiyega to loina madouna?”

Maki 12:32

Eeta loina 'ana tohe'itaina Yesu 'ina gwae 'ihesagoheya, ma 'igwaeya, “Bada, 'ino gwae beno gwae moisa, 'abehega tauna 'iboinamo tuwa Yehoba, ma geya 'aigeda wete Yehoba 'imiyamiya.

Maki 12:34

Ta Yesu loheyaina 'ina gwae 'ihesagoheya 'abehega dumwaluna, ma 'ihegwaeya 'igwae, “Beno gwae moisa, ma 'owa Yehoba 'ina 'ebeloina 'oina 'uhahalatulatu.” Tuta nage 'oina tomota Yesu simatauteya, ma geya 'eta taiya sowasowana ma 'ihesilala hila.

Luke 13:17

Yesu 'ina gwae bewa 'oinega tolomugiyedi 'i'abihedeba mwadinediya, ma hesi tomota baibaiwa hedada siyaliyaya madouna Yesu 'ina paihowa waiwaidi weyahidi.

2 Tesalonaika 3:14

Ceguma taiya he'itaedi 'imi leta bewa 'alonega 'isinalidi, loheyaina wa'ebesine, ma 'oinega 'ina paihowaina 'oina debana 'imwadina,

1 Timoti 5:14

Coinega yanuwatuhuya hiwahiwapeyedi taudi geya sihe'ai'aihale moisa sawasawahina ma sihai hila, ma sihenatuna ma si'ita'ita yahidi natudiyao ma wete 'idi hadao, ma 'ane sahena 'ada sahiyao si'ahwa'ahwa galagalaegita hiwahiwapeyedi mumugadi weyahina.

1 Timoti 6:3

Ma 'eguma taiya 'ina he'ita hagana, ma 'ida Bada Yesu Keliso 'ina gwae dumwaludi geya 'ida muliyediya, ma he'itaedi mumuga bwebwe'ana weyahina 'ilogwahatedi,

Taito 3:14

Ta 'idi bodao mabwaiyadi 'uhe'itadi ma siguibiga, ta sawasawahidi tomiyamwau si'abihetedi, ma sahena simiyamiya daidaita.

1 Pita 2:12

Ma wamumuga bwebwe'ana taudi geya meYudiya 'oidiya. Weyahina bewa tuwa 'abwa si'ahwa'ahwa galagalaegomi, ma tuta muliyetega 'imi paihowa bwebwe'ana si'ita, ma 'oinega tutaina Yehoba 'ilatuma Yehobaina sihepwatuwe.

1 Pita 2:15

Ma Yehoba 'ina nuwatuhu bewa ma 'eguma tomata'u'upao sigwae besobeso weyahimi, ma 'iyamo 'imi paihowa bwebwe'ana 'abwa si'ita ma gesowana to'aha weyahimi sigwaegwae.

1 Pita 3:16

Ma to'aha wanuwatuhuya bwebwe'ana, tuta mabwaiyana gidemusa wapaipaihowa 'esa, 'oinega 'eguma taiyawedi si'ahwa galaegomi weyahina 'abehega 'omi Keliso 'ana tomuliyao, 'abwa sideba mwadina, 'eguma 'imi mumuga bwebwe'ana wahe'itedi.