Taito 1:5 - Loina Nuahuana

⁵ Bewa weyahina ya'ebesinegowa bwanabwana Kiliti 'oina ma to'aha nobwa hekalesiya 'alona geya bwebwe'ana 'ugihe dumwalu, ma wete 'igu loinega tohanugetao 'uhesinuwedi, 'asa 'aigeda 'aigeda 'oidiya.

Taito 1:5 ပူးပေါင်းရင်းမြစ်များ

Paihowa 11:30

Coinega si'ehele nugeta ta mane silobeya, ma tutaina gomale 'ilatuwa 'oina si'ebwaediya Banaba ma Saulo taudi sitauyeya Yelusalema 'oina, tohekelasiyao 'idi babadao 'oidiya.

Paihowa 14:23

Ma wete 'asa 'aigeda 'aigeda Paulo ma Banaba tohekalesiyao 'idi tohanugetao sihe'asediya, ta 'adi 'abilagata bewa gidemusa, sihudihudi ta 'idi Badaina sihemisaeya 'oina si'ahwa'ahwanoi, ma 'ane 'ida gihewaiwaiyedi 'idi paihowaina weyahina.

Paihowa 2:11

ma wete meKiliti, ma meAlebiya, ta mabwaiyada tauda 'enada hagana ma hagana 'oidiyega sigwaegwae Yehoba 'ina paihowa waiwaidi weyahina.”

Paihowa 27:12

Ma 'aloinaina 'oina simiyamiya geya 'ilobwaine bolibolime 'ana tuta, ta baibaiwadi sigwae, “Tuwa tatoho, ma 'eguma sowasowahina Pinikisa 'oina taluhu, weyahina tauna 'alo bwebwe'ana, ma 'oina ta'aiyawasi.” Ta Pinikisa 'oina 'alo 'aigeda, beno bwanabwana Kiliti 'oina, ma 'ebesola yalasi ma yalata 'ilobediya.

Paihowa 27:13

Ma yalasi 'i'iuna 'itowama, ta sinuwatuhuya 'abehega nata si'adau bwaibwaina ma Pinikisa siluhu, ta 'idi loho sitabeiya ta Kiliti deinega sipiliya 'oye'oyega.

Paihowa 27:21

Ma sabwelo baibaiwana 'oidiya waga 'ana togeluwao geya si'ai, ta Paulo gamwagamwanidiya 'itoholowa, ma 'igwaeya, “Tasigwao, 'eguma 'igu gwae wada hesagoheya, ma sahena Kilitiyega tada gelugelu, gesowana mwau ma hesilae bewa talobaloba.

Paihowa 27:7

Ta sabwelo baibaiwana 'ima 'adau mwauna, ta Nidasi deina 'alatuwa, ta geya sowasowahina ma Nidasi matanega 'adumwalu, weyahina yaumai madouna matamega, 'oinega 'asuluwa Kiliti ma Salimoni gamwagamwanidiyega 'asola, ta Kiliti guinega 'asakowasiya.

1 Kolinita 11:34

Ma 'eguma taiya 'igomale, 'ina hada nobwa 'i'ai nugeta, ta 'oinega gesowana 'i'ai'ai hedade tapwalolo 'alona, tabu ma Yehoba 'igamwasowalegomi 'imi tapwalolo 'ana 'ita galana weyahina. Beno tuwa, loinaina weyahina. Ma hesi tupwana 'ami loina wete simiyamiya. Ceguma tutaina yanaowa loinaedi wete ya'abihe dumwaludi 'oimiya.

1 Kolinita 14:40

Ma wete ginaula mabwaiyana dumwaludi ta bwebwe'adi 'imi tapwalolo 'oidiya wada paihowadi.

1 Kolinita 4:17

Ma natugu Timoti yahewasaeyawa ma 'ane 'ihepwaile 'oimiya, 'igu hemisa Keliso 'oina weyahina, gidemusa tohekalesiyao yahe'itediya 'asa mabwaiyana 'oidiya, ta 'oinega sahena wanuwanuwa naidedi. Timotiina yahelauweya ma yahemiseya, weyahina 'ida Bada 'ina paihowa 'oina 'ihetapewa hedada, ma bewa tuwa 'inaonaowa 'oimiya.

Kolose 2:5

Sauga bewa wahigu 'imiya bwaga 'oimiyega, ta 'igu nuwatuhu 'oimiya 'imiyamiya, 'oinega yayaliyaliyaya 'imi miya bwebwe'ana ma'imi hemisa waiwai Keliso 'oina weyahina.

1 Timoti 1:3

Mwalo 'ane tutenina ya'ebesinegowa ma yatauya Masidoniya, ma yahenuwa lagugowa, yagwaeya, “Sahena 'utautauya. Cebwa tuwa Epeso 'oina 'umiyamiya, ma 'ane tomota tupwadi 'u'ausidi ma sahena he'itao hagana ma hagana sihehe'itadi.

2 Timoti 2:2

wasana 'u'itayahi, wasaina 'oiguwega 'uhesagoheya tomota mabwaiyadi matadiya, 'oinega taudi ma'adi hemisa 'oidiya 'u'ebwaedi, ma taudi wete hali boda sihe'itadi.

Taito 1:12

Bewa 'oinega ta palopita 'aigeda Kiliti loheyaina 'igwaeya, “Kiliti taudi mumugadi to'e'abo'abo ma tologwahata, ma mumugadi gide tuwa hebahebai, weyahina gamwadi 'ina mwausumo weyahina sinuwanuwatuhu.”