Taito 1:15 - Loina Nuahuana

¹⁵ Taudi mumugadi 'ehauna 'oidiya ginaula mabwaiyana 'ehauna, ma hesi taudi wasa bwebwe'ana 'ana tolowahi'wata, ma mumugadi galadi, taudi 'oidiya geya 'eta to'aha 'ehauna, weyahina 'idi nuwatuhu galadi mabwaiyadi.

Taito 1:15 ပူးပေါင်းရင်းမြစ်များ

Madiu 15:18

Ma hesi to'aha tomota 'ahwadiyega 'ilatulatuma, beno 'atediyega silatulatuma ma si'abi'abi hebi'idi,

Paihowa 10:15

Ma 'enanaina 'igwae hila, 'igwae, “Yehoba hebai beno 'igihe bwebwe'ana pwaiya, ma gesowana 'u'ahwa'ahwa galagalaedi.”

Loma 14:14

Cida Badaina Yesu nuwagu 'i'abi hemaedaneya moisa, ta yasanapuya 'abehega geya 'eta 'e'ahai 'eto'etobodana, ma 'eguma 'eta loheya 'ina nuwatuhu 'abehega 'e'ahai tupwadi 'eto'etobodadi, beno 'etobodaina tauna tuwa 'iboi weyahina.

Loma 14:20

Sahena 'e'ahai 'oinega Yehoba 'ina paihowa wa'abi'abi hegala, weyahina 'e'ahai mabwaiyana 'ausalana, ma 'eguma 'eta 'e'ahai 'oinega 'iyadaina tagihegala, 'e'ahainaina sahena ta'ai'ai hila.

Loma 14:23

Ma 'eguma ma'ida henuwanaluwa 'e'ahaiyedi ta'aidi, beno tapuiya Yehoba matana, weyahina geya tahemisa. Eeta tasanapu pwaiya 'abehega 'eguma to'aha 'eta tapaihowa ma geya tahemisa, beno pui.

1 Kolinita 10:23

Ginaula mabwaiyadi sawasawahida ma tapaihowadi, ma tupwana ginaula nata geya si'abi 'abihetegita.

1 Kolinita 10:25

Ceguma hebahebai hesiyona hali tomota 'oidiyega wagimwane, sahena wahehesilala hesiyoina weyahina ma hesi tuwa wa'ai, ma sahena wanuwanuwagala to'aha mwalo 'e'ahaiina 'oina sipaihoweya.

1 Kolinita 10:31

Taudi 'idi gwaeina 'adi maisa bewa, 'abehega 'ilobwainegita ma 'ida paihowa mabwaiyana, 'ada 'e'ahai, 'ada numa, bo to'aha wete, eema mabwaiyana 'oidiyega Yehoba sanina ta'abi hemadou.

1 Kolinita 8:7

Tauda ma'ida sanapu, ma hesi tupwana tohekalesiyao 'idi sanapu we'awe'aidi, weyahina sihenuwanaluwa 'abehega hali 'ebe hemisao wete 'ebe hemisa moisa, 'oinega 'eguma tomotaedi 'ebe hemisa 'abo'abowao 'adi pwaoli si'ai nata simatauta 'oidiya.

1 Timoti 6:5

Coinega 'iyadiyao ba'idadiyao sihe'ahwa panapanawa, ma 'idi nuwatuhu galadi weyahina nata he'ita moisa geya sisanapu, ma hesi 'idi nuwatuhu 'abehega Yehoba 'ana he'asisi 'oinega 'idi wasawasa madouna sida loba bale'uwa.

Ibeliu 10:22

Coinega Yehoba tahahoho ma'ida 'atetagwala ta ma'ida hemisa moisa, ma 'oinega wahida ta'abihe'ehaudi we'aha 'ausalana 'oinega, ma wete 'ida nuwatuhu si'ehau, weyahina Yesu 'ina losehusehula 'oinega 'ida nuwatuhu galadi 'i'abihe 'ehaudiya.

Ibeliu 12:15

Wa'itayahigomi 'amuge nata 'oimiyega taiya Yehoba 'ina helau geya'abwa 'ilobaloba. Ma sahena 'aigeda taiya 'oimiyega 'ihegaina ma 'imumuga galana, 'amuge ta baibaiwadi simuliye.

Ibeliu 9:14

Ta hesi Keliso bweyahina 'ebe 'abihe'ehau bwebwe'ana hedade, weyahina 'ateda 'i'abihe'ehaudi ma 'oinega paihowa besobeso talogwahatedi, ta Yehobaina mayawasina 'ina paihowao tapaihowadi. Weyahina Yaluyaluwa Tabuna miyamiya hatayana Keliso 'i'abihe waiwaiya, ta tauna ma'ina mumuga mabwaiyana dumwaluna ta geya 'aigeda wete galana 'oina, 'oinega tauna 'ipwaoliyeya Yehoba 'oina, beno 'i'amasa tauda 'ada 'ehau weyahina.