Taito 1:11 - Loina Nuahuana

¹¹ Coinega 'idi 'ahwa'abo'abo weyahina 'u'etobodedi, weyahina hali susu ma hali susu si'abihepuidi, ta 'idi he'ita 'abo'aboina 'oinega nuwanuwadi mane siloba.

Taito 1:11 ပူးပေါင်းရင်းမြစ်များ

Madiu 23:13

“Ma hesi 'omi loina 'ana tohe'itao ma Palisiyao 'atemuyamuyaimi, weyahina 'imi 'abowega tomota wa'ausidiya ma 'oinega Yehoba 'ina 'ebeloina 'oina sahena siluhuluhu. Comi geya'abwa waluhuluhu, ma tomota wete taiyawedi nuwanuwadi ma siluhu wanuwahidiya.

Yoni 10:12

Ma hesiyage taiya 'eguma geya sipi 'adi to'itayahina moisa ma maisamo weyahina 'ipaipaihowa, tutaina 'eguma 'edewa sasasasaina 'i'ita 'itautauyama, nata sipiyedi 'i'ebesinedi ma 'idena. Cabwa hesi 'edewaina sasasasaina 'inaoma ma sipi tupwadi 'ilohe'amasidi ma mabwaiyadi 'ipa'i lelewanedi.

Loma 3:19

Ma tasanapu pwaiya 'abehega Mosese 'ina loinao beno meYudiya 'ada loina 'oinega geya sowana 'eta taiya 'igwaegwae hila tutaina Yehoba 'ina bwa'omatana 'ana tuta 'oina, weyahina tomiya bale'u mabwaiyada togala.

2 Kolinita 11:10

Cigu gwae hane bewa gwae moisa Keliso 'oinega, ma sahena 'aigeda taiya 'igu gwae bewa 'i'eto'etobode Akaya tupwanao mabwaiyadi 'oidiya.

1 Timoti 5:13

Ma wahiwahineyedi wete si'e'elomiya besobeso ma sitauya hali hada ma hali hada 'oidiya silolomugi ma hali tomota weyahidi sigwaegwae dadanedi.

1 Timoti 5:4

Ma 'eguma natudiyao nana tubudiyao simiyamiya, beno taudi 'ilobwainediya ma si'itayahidi, ma 'ane mwalo masedesedediya 'adi 'itayahina sihemaise. Lemaedi bewa gide Yehoba 'ina 'ebe yaliyaya.

1 Timoti 6:5

Coinega 'iyadiyao ba'idadiyao sihe'ahwa panapanawa, ma 'idi nuwatuhu galadi weyahina nata he'ita moisa geya sisanapu, ma hesi 'idi nuwatuhu 'abehega Yehoba 'ana he'asisi 'oinega 'idi wasawasa madouna sida loba bale'uwa.

2 Timoti 2:18

ma siteluwaedi he'ita moisaina si'ebesineya ma sigwae, “To'amasa 'idi toholo hila 'ana tuta 'igumwala,” 'oinega 'iyadiyao tupwadi 'idi 'aboina sihesagoheya, ta 'idi hemisa 'iwe'a.

2 Timoti 3:6

Weyahina tupwadi 'oidiyega hadai siluhuluhu wahiwahine geya 'idi nuwatuhu pa'alidi sabi 'abowedi, ma wahiwahineyedi sisanasanapu taudi topui, 'oinega 'amna hagana ma hagana silolotoho soladiya ta simulimuliyedi,

Taito 1:7

Weyahina tohanugetao Yehoba weyahina sipaipaihowa, 'ilobwainediya ma mumugadi bwebwe'ana, ma sahena sidebadeba pa'ala nana sihehe gamwagamwagu, nuwana bwasi galana sinumanuma yauyaule, nuwana loheya 'ana to'ehunuwa, nuwana wasawasa 'ana tohamwa.

Taito 1:9

Ta wete he'itaedi moisaedi sihesagohediya sihemisaedi, ma sinuwatuhu yahidi, ma 'ane tomota tupwadi silemedi he'ita 'oinega, ta 'eguma taiyawedi sihegwae 'abo'abowedi si'abihe dumwaludi.

Taito 3:10

Ceguma taiya nuwanuwana 'i'ahwa lasalasa tomota 'oidiya 'uhegwae ma'aigeda bo maluwa ma 'ilolagu. Ceguma geya 'ilolagu walogwahate.