Pilipai 4:9 - Loina Nuahuana

⁹ Comi wada he'au'aunawegau, 'igu paihowao wa'itediya, ta 'igu gwaeyao ta 'igu he'itao wahesagohediya ta wasanapudiya. Coinega Yehoba ma'ina nuwadaumwala mahetemiu nata wayaliyaya.

Pilipai 4:9 ပူးပေါင်းရင်းမြစ်များ

Madiu 1:23

“Gumalaulauna geya 'ilogwali ma 'igamwa ma natuna meloheyana 'ihenatune, ma sanina sida hesaniye Imanuweli.” (Ma saniina 'ana bui Yehoba ba'idadai.)

Madiu 28:20

Loina mabwaiyana ya'ebwaegomiya ma wahe'itaedi, ma taudi wete sida muliyedi. Ma moisa, taugu ba'idamiu tamiyamiya sauga mabwaiyana 'oidiya, sauga bewa ma 'ana siga bale'u 'ana 'ebelosaloha 'oina.”

Madiu 7:21

Baibaiwadi 'oiguwa si'ahwa'ahwa bada ma 'abwa sahena siluhuluhu Yehoba 'ina 'ebeloina 'oina, beno namo taudi Tamagu galewa 'ana tohematamatanao.

Luke 6:46

“Ma to'aha weyahina wa'ahwa'ahwa badaegau, ma 'igu gwae geya wahematamatanedi.

Luke 8:21

Coinega Yesu 'ihegwaediya, 'igwae, “Geya siboimo, ma hesi 'eguma taiyewedi Yehoba 'ina gwae sihehesagohe ma simulimuliye, beno taudi sinagwao ma tasigwao.”

Yoni 13:17

He'itaedi mabwaiyadi wasanapudiya, ma 'eguma wapaihowadi, nata 'omi 'ebe yaliyaya bwebwe'ana waloba.

Yoni 15:14

Comi 'eguma 'igu loinao wagwahu bigadi 'omi moisa 'iyagwao.

Yoni 2:5

Ma 'iyamo Yesuina sinana topaihowao 'ihegwaediya 'igwae, “Yesu 'enana wahesagohe, 'eguma to'aha nuwanuwana tuwa wada paihowa.”

Paihowa 9:6

Ma hesi 'utoholo ma 'uluhu 'asai ma nobwa 'a hemataluwa 'uhesagohe ma 'abehega 'upaihowa.”

Loma 15:33

Yehoba mahetemiu, tauna nuwadaumwala moisa lamuna. Emeni.

Loma 16:20

Moisa Yehoba tauna daumwala huhuna, ta nata Seitani 'i'ahusepale mwayamwayauwe 'oimiyega. Cida Bada Yesu Keliso 'ina helau 'oimiya.

1 Kolinita 10:31

Taudi 'idi gwaeina 'adi maisa bewa, 'abehega 'ilobwainegita ma 'ida paihowa mabwaiyana, 'ada 'e'ahai, 'ada numa, bo to'aha wete, eema mabwaiyana 'oidiyega Yehoba sanina ta'abi hemadou.

1 Kolinita 14:33

weyahina Yehoba 'iloiloina dumwaluwegita, 'oinega ma'ida yaliyaya talotapwalolo.

1 Kolinita 4:16

Coinega natugwao, ya'ahwanoi 'oimiya ma wahe'au'aunawegau.

2 Kolinita 13:11

Ciyagwao kaiyoni. Cigu lohatoto wada hesagohe ma wanuwabui. Wete 'imi nuwatuhu 'aigeda 'oinega wada miya siwaloha, ma Yehoba tauna helau ma nuwadaumwala huhudi ba'idamiu wada miya yaliyaya.

Pilipai 3:17

Ciyagwao mabwaiyami wahe'au'aunawegau, ma taiyawedi taudi 'idi mumuga gidemusa taugu, 'oidiya wa'ebubuna, ma 'omi wete gidemusa wamumuga 'esa.

Pilipai 4:7

ma Yehoba 'ina lemao tomadou hedada 'oidiyega 'abwa 'igihe yaliyayegomi, ma 'oinega Yesu Keliso mahetemiu 'atemi ta 'imi nuwatuhuwao sibwebwe'ana.

1 Tesalonaika 1:6

Coinega bo'i wahe'au'aunawemaiya, ma wete 'ida Badaina wahe'au'aunaweya, ta wamiya mwauwa, ma hesi tetelaina wa'eweya ma'imi yaliyaya, ta yaliyayaina Yaluyaluwa Tabuna 'oinega 'itauyama.

1 Tesalonaika 2:14

Ma wete miya mwauna walobeya, gide wete taudi Yesu Keliso 'ana tohemisao tupwa Yudiya 'oina, weyahina tohekalesiyaowedi 'idi miyamwau silobeya taudimo 'idi tomotaiyao 'oidiyega, gide wete 'omi 'imi miyamwau walobeya waboi 'imi tomotaiyao 'oidiyega.

1 Tesalonaika 5:23

Yehoba tauna daumwala huhuna, 'oinega yaluyaluwami ta nuwami ta wahimi 'i'abihe'ehau bwaibwainidi ma si'asilala, ma 'ane mumugami bwebwe'ana wamiyamiya 'ana siga Yesu Keliso 'ihilama.

2 Tesalonaika 3:4

Coinega Badaina 'ahemisaeya ma 'ima he'ita 'oimiya nige ma wete 'abwa wahematamatanedi,

2 Timoti 4:22

Cinapwana ba'idau ma yaluyaluwau 'i'abihe waiwaiye, ma 'owa ma'ino bodao 'i'abihetegomi. Taugu Paulo.

Yemesa 1:22

Geya'abwa wahesagohamo, beno tuwa wa'abo'abowegomi, ma wapaihowa wete.

2 Pita 1:10

Coinega 'iyagwao, watoho waiwai ma geya'abwa Yehoba 'ana hesihesinuwao bodaedi 'oidiyega wamiyamiya latu. Ma 'eguma 'igu gwae bewa wahematamatanedi geya'abwa wabe'ube'u,

1 Yoni 3:22

ma 'eguma to'aha ta'ahwanoiye 'oina 'i'ebwaegita weyahina tauna 'ina loinao tahematamatanediya, ma 'ida paihowao weyahidi 'iyaliyaya.