Pilipai 3:3 - Loina Nuahuana

³ Ma hesi tauda 'ada 'upwa 'ateda, ta geya 'wapida, 'eguma Yehoba 'oina ta'etuluha yaluyaluwanega, eema Yesu Keliso namo tahepwatuwe, ma sahena wasawasa bale'u 'oina tahehemisa.

Pilipai 3:3 ပူးပေါင်းရင်းမြစ်များ

Loma 1:9

Yehoba 'isanapugauwa, tuta mabwaiyana yanuwanuwa tuhugomi 'igu 'ahwanoi 'oidiya. Yehobaina 'ina paihowa 'oina yaguibiga hedada, Natuna tetelina 'ana hepwaila weyahina.

Loma 15:17

Ta moisa ma'igu yaliyaya Yehoba 'ina paihowa yapaipaihowa weyahina Yesu Keliso mahetegu 'apaipaihowa.

Loma 7:6

Ma bewa tuta loinaina 'oida 'igumwala, weyahina mwalo loinaina 'oinega gide 'ipaigita ma ta'amasa Keliso mahetedai, 'oinega Kelisoina 'ada paina 'oidega 'ilihasiya, ma bewa tutaina sowasowahida tapaihowa bwaibwaina. Weyahina Yehoba Yaluyaluwana 'ina waiwai 'oida 'imiyamiya, ma hesi Mosese 'ina loina leleleinaina geya 'ina waiwaimo, geya sowasowahina 'i'abi hedumwalugita.

Loma 8:15

Eeta Yehoba sahena tamatamataute weyahina 'i'ahwa natunegita, ta tauda geya gide 'ina topaihowao, ma hesi gide natunao ma ma'ida 'atepatu tagwaegwae 'oina, “Tamagu!”

Loma 9:6

Yehoba 'ina gwaeyedi bewa geya 'ehetete, ma hesiyage huwaina 'i'abihelatuya susu Isileli moisa 'oidiya, ta geya wete susu Isileli mabwaiyadi 'oidiya, ma tuwa hesihesinuwadimo.

2 Kolinita 11:18

Weyahina tomota mabwaiyadi sigwaegwae gagasa ginaula bale'u weyahidi, 'oinega taugu wete yada gwae gagasa taudi gide.

Galetiya 5:25

Ma yawasida bwebwe'ana 'i'ebwaegita Yaluyaluwa Tabuna 'oinega, ta sowasowana ma Yaluyaluwaina 'ihanugetegita.

Galetiya 6:16

Ma mabwaiyada 'eguma loina bewa tamulimuliye, eema Yaluyaluwa Tabuna 'igihe'ehaugita, tauda Yehoba 'ina susu meIsileli moisa, ta 'ina helauwega tamiya daumwala.

Epeso 6:18

Tuta mabwaiyana Yaluyaluwa Tabuna 'ina lema 'oinega 'ahwanoi baibaiwadi 'oidiyega wa'ahwa'ahwanoi Yehoba 'oina. Sahena wawe'awe'a ma hesi ma'imi toholopa'ala wa'itayahigomi ma wa'ahwanoi tohekalesiyao mabwaiyadi weyahidi,

Pilipai 1:1

Taugu Paulo ma Timoti mahetegu 'apaipaihowa To'abihetena Yesu weyahina, 'aleleleleyawa 'omi mePilipai, Yesu Keliso 'ina tohekalesiyao, ta wete 'imi tohanugetao ta 'imi dikoniyao mahetemiyao,

Pilipai 3:12

Geya 'abehega toholo hila yalobeya, geya wete 'igu mumuga mabwaiyana sibwebwe'ana, ta hesi bewa 'igu 'ebe masiina, ma 'abehega ya'abiyahi, weyahina nuwatuhu bewa weyahina Yesu Keliso 'i'abiyahi pwaigauwa.

Pilipai 3:14

beno 'ebe masiina, Yehoba 'ana maisa galewa Yesu Keliso 'oinega.

Kolose 2:11

Ma wete Keliso 'oinega 'ami 'ila'ilala walobeya, gide 'upwa, geya 'wapimi 'oina, ma hesi bale'u mumugana 'atemiyega 'i'upwa yahuleya.

Yude 1:20

Ciyagwao, 'ilobwainegomiya ma tapwalolo dumwaluna wa'abiyahi momosi ma 'oinega wagihe pa'aligomi, ma wete Yaluyaluwa Tabuna 'ina waiwaiyega wa'ahwanoi Yehoba 'oina,