Pilipai 3:18 - Loina Nuahuana

¹⁸ Ma 'iyamo tomota tupwana baibaiwadi 'idi mumuga 'oinega Keliso silo'aleheya, tauna Kelisoina weyahida 'i'amasa kelose 'oina. Tolo'alehaowedi mwalo yahepwailediya 'oimiya, bewa tuwa wete ma'igu dou yalohila, ma galaedi 'oimiya yahepwailedi.

Pilipai 3:18 ပူးပေါင်းရင်းမြစ်များ

Luke 19:41

Yesu 'ilatu pwaiya Yelusalema deina, ma 'asaina madouna 'i'iteya, nuwana 'igala ma 'idouwa, 'igwaeya,

Paihowa 20:19

beno 'ida Bada weyahina yapaipaihowa, hohobigega, ta ma'igu dou, ma muyao wete yalobediya meYudiya 'idi loinega,

1 Kolinita 1:18

Kelose tetelinaina tomota tupwadi si'ahwa 'abo'aboweya, taudi yaluyaluwadi 'ama'amasidi, ma hesi tauda tahemisaeya 'abehega Yehoba 'ina waiwai tetelaina 'oina 'imiyamiya, ma 'oinega 'ilemegita.

1 Kolinita 6:9

Ceguma mumugami gidemusa geya'abwa Yehoba 'ina 'ebeloina 'oina waluhuluhu, weyahina topuiyedi mabwaiyadi Yehoba 'i'etobodediya, gidemusa tolonabwasuwaedi ma tologwaliyedi, toganawalaedi wahiwahinedimo matasidiyao sipaipaihowa, loheloheyadimo wete mahetediyao sipaipaihowa,

2 Kolinita 11:13

Weyahina to'abowedi 'adi 'ita gide Keliso 'ana tohepwailao ma hesi galana sipaipaihowa.

2 Kolinita 11:29

Coinega 'eguma taiya 'iwe'a, taugu wete gide yawe'a, ma 'eguma taiya 'ebetupa 'oina 'ibe'u, beno 'igu 'ebe nuwagala.

Galetiya 1:7

Moisa, Tetela Bwebwe'ana 'aigeda tuwa, ma geya wete 'eta tetela 'imiyamiya, ma hesi tupwana tomota sigihe'wanigomiya weyahina nuwanuwadi ma Keliso tetelina sigibuidi ma 'oinega si'abowegomi.

Galetiya 2:14

Coinega taugu yasanapuya 'abehega Pita ma bodaedi Keliso tetelina geya simuliya moisa, eeta mabwaiyadi matadiya Pita yahesilaleya, yagwaeya, “Ciyagu, 'owa Yudiya gwamaina ma tupwana tuta meYudiya 'idi mumuga wa'ebe'ebesine, ma 'asa ganamuli mumugadi 'umulimuliyedi, 'oinega togidega ma taudi hali 'asa tomotaedi 'ugilohihili 'esedi 'abehega Yudiya mumugaina simuliye?”

Galetiya 2:21

Coinega geya'abwa Yehoba 'ina helauina yalologwahate. Geya'abwa tanuwanuwatuhu 'abehega Mosese 'ina loinao 'adi hematamatana 'oinega Yehoba 'ida 'ahwa bwebwe'anegita. Beno gide Keliso 'ina 'amasaina 'iheginaula besobeso.

Galetiya 5:21

lohesohesoi, ma wete 'ebe yaliyaya galana bwasi waiwai 'ana numa 'oinega, ma wete tupwana mumuga galadi. Mumuga bewa mwalo yahemataluwegomiya, ma nige yahemataluwe hilegomi 'abehega 'adi topaihowao geya'abwa Yehoba 'ina 'ebeloina 'oina siluhuluhu.

Galetiya 6:12

MeYudiya 'idi 'ila'ilala 'wapidiya 'ana to'upwao geya nuwadi 'igu loguguyaina bewa: 'ada 'abihebwebwe'ana taloba Keliso 'ina 'amasamo 'oinega, ma geya 'wapi 'upwa 'oinega. Coinega sihe'i'imigomiya ma 'idi 'wapi 'upwaina wa'ewa, ta 'adi boda 'ida hemadou, ma wete lo'aleha Keliso 'ina 'amasa kelose 'oina weyahina 'igumwala.

Galetiya 6:14

Ma taugu hesi geya'abwa yagwaegwae hane. Beno tuwa 'ida Bada Yesu Keliso 'ana kelose weyahina yagwaehane, weyahina Keliso 'ana kelose 'oinega mumuga bale'u 'ilohe'amasiya ta 'ina loina 'oiguwa 'igumwala, ma wete taudi mumuga bale'u 'ana tomuliyao silogwahategauwa, tuwa gide taugu to'amasa.

Epeso 4:17

Bewa wete Bada saninega yaloguguya 'oimiya 'abehega mumuga tomiya ganamuli gidemusa walolagu, weyahina 'idi nuwatuhu besobeso 'oidiyega,

Pilipai 1:4

ma'igu yaliyaya weyahimi, 'igu 'ahwanoiyao 'oidiya,

1 Tesalonaika 4:6

Coinega wete sahena tomota hagadi mwanediyao wayagayagahidi, nata gide Bada 'ina gamwasowala waloba. Ginaulaedi bewa weyahidi mwalo 'ahenuwa lagugomiya.

2 Tesalonaika 3:11

Tetelimi 'ahesagoha pwaiya tupwadi 'oimiyega silowahi'wata ma geya simiya hohobiga ma sipaihowa.

2 Pita 2:10

Moisa, 'eguma togalaedi Yehoba 'ina loina silogwahate, ma 'idi nuwa'ubunao bi'ibi'idi simulimuliyedi, beno 'adi maisa gala hedadena nata 'i'ebwaedi. Togalaedi wete gagasa huhudi, ma geya 'idi he'asisimo megalewa 'asi'asilalaidi 'oidiya, ma hesi si'ahwa'ahwa galaedi.

Yude 1:13

Ma wete 'adi 'ita gide bagodu madoudi ma gwalobusobusodi 'idi paihowao 'ebe deba mwadina. Wete 'adi 'ita gide 'ipwalao siyawala besobeso galewa, 'oinega guguyou 'ina tupwa simiya hataya.