Pilipai 3:11 - Loina Nuahuana

¹¹ ma 'oinega, 'eguma sawasawahina 'amasega taugu wete yatoholo hila.

Pilipai 3:11 ပူးပေါင်းရင်းမြစ်များ

Luke 14:14

ma 'oinega 'ahwa bwebwe'ana moisa 'uloba, weyahina bewa taudi geya sowasowahidi ma 'ino helauina sihemaisa. Ma hesi Yehoba 'oinega 'a maisa 'uloba, tutaina 'eguma tobwebwe'adi 'amasega 'i'abihe toholodi.”

Yoni 11:24

Coinega wahineina 'igwae, “Cehe, yasanapuya nata moisa tuta 'ana 'ebe losaloha 'oina galihega 'itoholo hila.”

Paihowa 23:6

Bewa tuwa Paulo 'i'iteya 'abehega to'eto'autaedi boda 'eluwa 'oidiyega, 'aigeda Sadusiyao, ma 'aigeda Palisiyao, ma 'oidiya 'ibwau latuwa, 'igwae, “Tasigwao, taugu 'aigeda Palisi 'idi boda, weyahina tamagu wete Palisi 'idi boda, ta 'igu yatala bewa lamuna yahemisa 'abehega to'amasa sitoholo hila.”

Paihowa 26:7

Gwae hemisaina 'ima susu site tuwelowedi sinuwatuhu yahiya ma 'abehega sida loba, ta ma'idi hemisa Yehoba 'oina sitapwatapwalolo, sabwelo ma hinuwana 'oidiya. Ta nuwatuhuyahina bewa weyahina meYudiya sihe'ewegauwa.

Paihowa 27:12

Ma 'aloinaina 'oina simiyamiya geya 'ilobwaine bolibolime 'ana tuta, ta baibaiwadi sigwae, “Tuwa tatoho, ma 'eguma sowasowahina Pinikisa 'oina taluhu, weyahina tauna 'alo bwebwe'ana, ma 'oina ta'aiyawasi.” Ta Pinikisa 'oina 'alo 'aigeda, beno bwanabwana Kiliti 'oina, ma 'ebesola yalasi ma yalata 'ilobediya.

Loma 11:14

ma 'omi tomiya ganamuli nata taudi meYudiya sihe'ipi'ipiyegomi, ma 'ane 'idi he'ipi'ipiina weyahina nuwadi sibuidi ma 'etolema siloba Yehoba 'oinega.

1 Kolinita 15:23

Ta yawasi hataya 'ina tauya bewa gidemusa, nugeta Keliso 'itoholo hila, ma 'abwa tutaina 'ihilama tauda taiyawedi 'ina bodao wete tatoholo hila.

1 Kolinita 9:22

Ma wete 'eguma taudi 'idi hemisa we'awe'ana ba'idagwao 'amiyamiya, yamumuga 'esa taudi gidemusa ma 'abehega ya'abihetedi. Coinega tomota mabwaiyadi ba'idagwao weyahidi yatoho waiwai ma yamanasamwedi, ma 'oinega tupwadi 'oidiyega 'abihetena siloba Keliso 'oinega.

1 Kolinita 9:27

Coinega wahigu yaloina pa'ale ma 'oinega sahena yamumuga besobeso, tabu ta 'igu guguya hali tomota 'oidiya mulina taugu yabe'u.

2 Kolinita 11:3

Ma hesi ya'ateyohowa weyahimi, 'amuge ma 'imi nuwatuhu si'wani ma 'imi 'atetagwala Keliso 'oina wa'ebesine, gide mwalo mwata Ibe 'i'aboweya 'ina gwae hotohoto 'oinega, ta Ibeina 'iwe'a.

1 Tesalonaika 3:5

Bewa huhuna 'oinega yanuwanuwatuhu hedade, ma Timoti yahewasaeyawa ma 'imi hemisa 'i'ita, ma tetelimi 'i'eweyama, weyahina ya'ateyohowa Seitani 'oina, nata gide 'ebetoho madouna 'i'ebwaegomi ma wawe'a, ma nata gide 'ima paihowa mwalo 'oimiya 'i'abihegala.

2 Tesalonaika 2:3

sahena wete 'idi 'abowedi wahehemisaedi, ma hesi wanuwatuhuyahi 'abehega nugeta tomota baibaiwa hedada Yehoba silo'alehe ma loheya galana 'ilatu, ta mulina 'abwa Yesu 'ihilama. Moisa, loheyaina loheya galana ta guguyou loheyaina,

2 Timoti 4:8

Coinega 'abwa 'ida Bada 'agu maisa, mumuga dumwaluna weyahina, 'i'ebwaegau. Ta maisaina weyahigu 'igibubu pwaiya ta 'imiyamiya. Badaina 'ina loina dumwaluna, ma 'eguma to sauga 'ilatuma, tauda ma wete taiyawedi 'ina hilama weyahina siyamwayamwana, mabwaiyada nata 'ada maisa 'i'ebwaegita.

Ibeliu 11:35

Tupwadi wahiwahine wete 'idi to'waihao 'amasega sitoholo hila. Ta wete tupwadi tohemisao 'adi 'alehao 'oidiyega muya silobeya, weyahina sitohodiya 'abehega si'ewa hiledima, ma hemisa silolagu, ma 'iyamo sitoho 'asaediya, weyahina 'idi hemisa pa'alina 'abehega 'abwa 'amasega sitoholo hilama, ma yawasidi 'ausalana si'ewa.

Heꞌitaꞌita 20:5

Taudi totoholo nugenugetaidi, ma to'amasa mabwaiyadi bolime tausani sigumwala 'abwa muliyetega taudi wete sitoholo hila.