Pilipai 1:9 - Loina Nuahuana

⁹ eeta ya'ahwa'ahwanoi weyahimi ta 'abehega wahehelau hilegomi ma 'oimiya helau 'imadou ma'imi sinasinapu ta wete ma'imi sanapu moisa,

Pilipai 1:9 ပူးပေါင်းရင်းမြစ်များ

1 Kolinita 14:20

Ciyagwao, sahena 'imi nuwatuhu gwagwama gidemusa, ma hesi wanuwanuwa loheya madouna gide. Ta sahena mumuga galana weyahina wanuwanuwatuhu ma 'abehega wasanapudi.

2 Kolinita 8:7

Comi wamumuga 'ausala pwaiya 'imi paihowa baibaiwana 'oidiyega, beno hemisa ma hepwaila ma sanapu ma hepwatu ma wete 'imi helau 'oima, 'oinega sowasowahimi ma 'ehele 'ausalana wete wapaihowa.

Epeso 5:17

Coinega geya'abwa waheyauyaule, ma hesi nuwami 'ida sabwalena, to'aha Yehoba gidemusa 'ina nuwanuwa weyahimi.

Kolose 1:9

Saugaina wasami 'ahesagoha nugeteya 'ana siga bewa, 'ima 'ahwanoi weyahimi geya 'ada lolaguwa. Ma hesi Yehoba 'oina 'a'ahwa'ahwanoi ma 'oinega Yaluyaluwa Tabuna 'i'abihenuwa sabwalenigomi, ta 'ane wasanapu bwaibwaini to'aha 'ina nuwatuhu weyahimi.

Kolose 3:10

Ta mumuga 'ehauna walobeya, weyahina 'ada topaihowaina sauga mabwaiyana 'i'abihe 'ehaugita, ma 'ane tauna wasanasanapu ma mumugana wahe'au'aunaowe.

1 Tesalonaika 3:12

Ta heluwena 'abehega Bada helauwega 'ilohemahegomi ma waboi wahelau hilegomi, ma wete tomota hagadi wahelauwedi moisa, gide tauma 'ahehelau 'esegomi.

1 Tesalonaika 4:1

Ciyamayao, nuwatuhu wete 'aigeda 'ida Bada Yesu weyahina 'ahenuwa lagugomi, ma 'aguguyegomi, beno mwalo mumugaedi 'ahe'itegomiya ta wasanapuya 'abehega bwebwe'adi, ta weyahidi Yehoba 'iyaliyaya, ma bewa tuta 'oidiya wamumuga, sowasowana wapaipaihowa hilahiladi.

2 Tesalonaika 1:3

Ciyamayao, 'ilobwainemaiya tuta mabwaiyana 'aloyauwedo Yehoba 'oina, 'imi hemisao ma 'imi helauwao waboi 'oimiya 'adi madou weyahina.

Pilimoni 1:6

Nuwanuwagu ma 'ida he'iya'iyagu Keliso 'oinega 'ida 'abihewaiwaiyego ma wete ginaula mabwaiyadi bwebwe'adi Keliso 'oinega silatulatuma 'uda sanapudi.

Ibeliu 5:14

Ta 'eguma taiyawedi 'idi sanapu 'imatuwa, taudi gide 'e'ahai pa'alina 'ana to'aiyao, weyahina nuwadi 'isabwalena pwaiya, ta sawasawahidi sihesinuwa to'aha 'ausalana ma to'aha galana.

1 Pita 1:22

Coinega 'eda dumwadumwaluna wamuliya bwaibwainiya, beno 'oinega 'imi 'ehauhila walobeya, ma wete taudi 'iyamiyao wahelauwedi 'atemi mabwaiyana 'oinega, eeta sowasowana 'omi wete wahelau hilegomi 'aigeda 'aigeda, helau moisa 'oinega.

2 Pita 3:18

Ma hesi 'ida Bada, tauna 'ada To'abihetena Yesu Keliso, 'ana sanapu ma 'ina helau 'oimiya 'imadomadou, ma tauna tahepwatu sauga bewa ta sauga baibaiwana sinaonaoma 'oidiya. Emeni. Taugu Saimoni Pita.