Pilipai 1:8 - Loina Nuahuana

⁸ Yehoba wete 'isanasanapugau 'abehega Yesu Keliso 'ina helauwega nuwanuwagu 'omi,

Pilipai 1:8 ပူးပေါင်းရင်းမြစ်များ

Luke 1:78

Weyahina Yehoba 'ina 'atemuyamuya 'oida, madou hedadena, ma 'abwa 'ida 'abihetena galewega gide 'asilala 'i'abi'abilatuhe 'oida,

Loma 1:9

Yehoba 'isanapugauwa, tuta mabwaiyana yanuwanuwa tuhugomi 'igu 'ahwanoi 'oidiya. Yehobaina 'ina paihowa 'oina yaguibiga hedada, Natuna tetelina 'ana hepwaila weyahina.

Loma 9:1

Ciyagwao, geya ya'abo, nuwagu 'igala moisa 'igu susuwao meIsileli weyahidi, ma tuta mabwaiyana 'ategu 'imuyamuya weyahidi, weyahina Keliso geya sida hemisaeya. Cigu gwae bewa Keliso ma Yaluyaluwana Tabuna sisanasanapu 'abehega yagwaegwae moisa.

2 Kolinita 13:9

Coinega 'ima we'ao 'oidiya 'ayaliyaliyaya 'eguma 'omi wahewaiwai, ma wete 'a'ahwa'ahwanoi Yehoba 'oina ma watoholo pa'ala bwaibwaina.

2 Kolinita 6:12

ta 'ateguwa yahelauwegomiya, ma hesi geya wayaliyaya 'oiguwa.

2 Kolinita 7:15

Taito 'imi hematamatana mabwaiyana 'inuwatuhu yahiya, tutaina tauna 'oina watagwalegomiya ma'imi 'ateyoho, 'oinega nuwana wa'ewa bwaibwainiya.

Galetiya 1:20

Cigu gwae bewa Tamada matana yaleleyawa, geya 'aigeda wete 'abo.

Galetiya 3:26

ma hesi 'ida hemisega Yehoba mabwaiyada 'i'ahwa natunegita, Yesu Keliso mahetedai.

Galetiya 4:19

Natugwao, tuta mabwaiyana 'imi 'italohihila weyahidi 'ategu 'imuyamuya, eema 'ana siga Keliso 'oimiya 'ilatu hila, ma 'atemiya 'ida miya, ma 'oinega 'agu lotohona 'ida bwebwe'ana hila.

Pilipai 2:1

Togidega, Keliso sawasawahina 'igihe 'atepatugita, nuwana 'ina helau 'igihe waiwaiyegita? Togidega yaluyaluwa Tabuna sawasawahina 'ihe'iya'iyaguwegita, ma 'oinega tahelau hilegita ma tahe'ate muyamuyaegita?

Pilipai 2:26

eeta bewa tuwa nuwanuwana 'omi, ma tutaina mwalo 'ina lohala wasana wahesagoheya, 'ebwa tauna 'inuwanuwatuhu ma 'abehega geya'abwa 'omi wa'ate'ateyoho 'ina lohala weyahina.

Pilipai 4:1

Ciyagwao nuwagu wa'eweya moisa, ta yahelauwegomiya, ma 'abehega 'omi 'igu 'ebe yaliyaya moisa, nuwanuwagu ma loguguyaedi wamuliyedi, ma 'oidiyega watoholo pa'ala, 'ida Bada weyahina, ta tauna mahetemiu.

Kolose 2:1

Nuwanuwagu ma wanuwa sabwalena 'abehega taugu yahetahetapewa madouna 'omi weyahimi, ma wete Leodisiya weyahidi, ma wete taudi 'abwa geya si'itegau weyahidi.

Kolose 3:12

Ta 'omi Yehoba 'ina helauwega 'ihesinuwanegomiya tauna weyahina, 'oinega 'ilobwainegomiya ma wa'atemuyamuya, ma wahehelau hilegomi ma wanuwasulu ma'imi hohobiga ta wete ma'imi 'alama'i'ita.

1 Tesalonaika 2:5

Ma wasanapuya mwalo 'atauyawa 'oimiya, geya 'ima gwae hotohotodi, ma wete Yehoba 'isanapuya geya 'abehega 'agwaegwae 'abo'abo ma 'abehega 'imi tobwatobwa 'a'ewadi.

1 Tesalonaika 2:8

Ma nuwama wa'eweya, 'oinega ma'ima tagwala 'oimiya Yehoba tetelina 'ahepwaileya, ma wete taumamo 'atagwalemaiya, ma 'ahe'iya'iyagu bwaibwainigomiya.

2 Timoti 1:4

Mwalo 'ane ya'ebesinegowa, 'ino dou yanuwatuhu yahiya, 'oinega nuwanuwagu madouna ma to tuta 'oina ma ya'ita hilago, ta 'oinega yayaliyaya.

Pilimoni 1:12

Coinega Onesimoina yahesumana hileyawa, ta ma'igu nuwagala,

Pilimoni 1:20

Cae tasigu, nuwanuwagu ma Keliso saninega Onesimo 'uhelauwe, ma 'ina pui 'unuwasam, beno 'abihetena madouna 'oiguwa, ma 'ane 'agu lotohona 'ibwebwe'ana mabwaiyana.

1 Yoni 3:17

Ma hesi 'eguma taiya towasawasa 'imiyamiya, ma 'iyana 'aigeda 'imiya mwau, ma 'eguma geya 'aigeda lema 'i'ebwae, togidega Yehoba 'ina helau 'atena? Geya.