Pilipai 1:7 - Loina Nuahuana

⁷ Moisa tuwa, 'ilobwaineya ma to'aha gidemusa weyahimi yalolotoho, eema nuwagu wete wa'eweya, weyahina 'omi mahetegwao Yehoba 'ilemelemegita bewa tuwa deliya yamiyamiya, ma 'ilemelemegita wete wasa bwebwe'ana 'ana he'ita ma 'ana 'abihewaiwai 'oidiya.

Pilipai 1:7 ပူးပေါင်းရင်းမြစ်များ

Paihowa 20:23

Beno tuwa 'asa 'aigeda 'aigeda 'oidiya, Yaluyaluwa Tabuna 'ihehepwaila 'oiguwa 'abehega 'abwa Yelusalema 'oina pai ma muya yalobadi.

Paihowa 21:33

Coinega boda 'aleha 'ana toloinaina 'idobima ma Paulo 'i'abiyahiya, ta 'iloina ma balae seni 'eluwa 'oidiyega sipaiya, ma 'ihesilala boda 'oidiya, 'igwaeya, “Taiya tauna? Ma to'aha 'ipaihoweya?”

1 Kolinita 13:7

Ceguma helau 'ateda 'imiyamiya sauga baibaiwana ta'alama'i'itana moisa, eeta tahemisa moisa, ma'ida nuwatuhuyahina 'ada 'abihetena Yehoba 'oinega 'abwa taloba, ma tuta mabwaiyana tatoholo pa'ala.

1 Kolinita 9:23

Cigu paihowaina tetela bwebwe'ana weyahina, ma 'abehega 'omi mahetegwao 'abihetena taloba tetelaina 'oinega.

2 Kolinita 3:2

Weyahina 'omi tuwa 'ima letaowedi, ma tomota mabwaiyadi 'oimiyega sihasili, ma 'oinega 'imi mumuga 'ausalana si'ita ma 'ima paihowa 'oimiya sida sanapu 'abehega 'ausalana,

2 Kolinita 7:3

Cigu gwae bewa geya sabi heliyegomi, weyahina nuwama wa'ewa pwaiya, mwalo gide yahegwaegomiya ma 'abehega 'omi ba'idagwao tamiya 'ama'amasa.

Galetiya 5:6

Moisa, Yesu Keliso 'oina meYudiya 'adi 'ila'ilala geya 'i'abihe dumwaluwegita, beno 'wapidi si'upwa'upwa, ma wete 'eguma 'wapi 'upwaina talogwahate geya'abwa 'ada 'ahwadumwalu talobaloba. Beno tuwa 'eguma Yesu tahemise ma tahelauwe, tauna 'ada to'abihedumwalu.

Epeso 3:1

Bewa weyahina taugu Paulo ya'e'etuluha ma ya'ahwa'ahwanoi Yehoba 'oina, tauna 'igu paihowa 'i'ebwaegauwa 'omi tomiya ganamuli 'oimiya, ma bewa tuwa Keliso 'ina paihowa weyahina deliya silagu luhuwegauwa ta yamiyamiya.

Epeso 4:1

Coinega ya'ahwanoi 'oimiya ma mumugami wa'itayahi, bewa tuwa taugu deliya silagugauwa Badaina 'ina paihowa weyahina, ma 'omi Badaina 'ibwauwegomiya tauna 'ina paihowa weyahina, 'oinega 'ilobwainegomiya ma to'aha 'ina paihowaina 'ana lobwaina wamuliye,

Epeso 6:20

Tetelaina bewa 'ana paihowa weyahina deliya silagu luhuwegauwa, 'oinega wa'ahwanoi Yehoba 'oina ma 'ane tetelaina yada gwae latuhe ma'igu 'atepatu, weyahina bewa gidemusa 'ana lobwaina.

Pilipai 1:12

Ciyagwao, nuwanuwagu ma wasanapu 'abehega mwauwedi yaloba pwaidiya ee 'oidiyega wasa bwebwe'ana 'i'elelewana tomota baibaiwadi 'oidiya.

Pilipai 1:13

Coinega tupwa bewa 'oina Sisa 'ina tolo'alehao ma tomota mabwaiyadi sihesagoha pwaiya 'abehega Keliso weyahina silagugauwa deliya.

Pilipai 1:14

Ta wete 'iyadao mabwaiyadi 'igu miya deliya si'iteya ma sihetahetapewa Bada 'ina paihowa 'oina, ta Yehoba 'ina gwae sihehepwaile ma'idi 'atepatu.

Pilipai 1:5

ma'igu loyauwedo 'ama lema 'oimiyega 'alobediya, tetela bwebwe'ana 'ana hepwaila hauhauwega ta nige, weyahina.

Pilipai 2:22

Ta Timoti wasanapuya 'abehega loheya bwebwe'ana, ma tuwa gidemusa natugu mahetegu wasa bwebwe'ana weyahina 'ahehetapewa waiwai.

Pilipai 4:14

Ma 'iyamo 'igu miya mwau bewa wagihe malamalai pwaiya 'imi lemega, ta weyahina yaloyauwedo madouna 'oimiya.

Pilipai 4:15

Comi mePilipai wasanapu pwaiya 'abehega wasa bwebwe'ana 'ana hepwaila nugeta 'oimiya 'oina, tutaina Masidoniya ya'ebesineya, eeta geya 'eta 'asa tohekalesiyao 'idi 'ehele 'oinega silemelemegau, 'adi lema 'oiguwega 'ana maisa weyahina, ma hesi waboimo mePilipai walemegauwa.

Pilipai 4:3

Cowa wete tohanugeta, 'owa 'iyagu moisa ya'ahwanoi 'oiuwa ma wahiwahineyedi 'ulemedi, weyahina mwalo taudi mahetegwao 'apaihowa mahemahetena, wasa bwebwe'ana 'ana hepwaila 'oina, ta wete Kelemeniti ma tupwadi wete 'agu tolemao mahetemayao 'apaihowa, taudi sanidi yawasi bukiina 'alona leleleina.

Kolose 4:18

Loyauwedo bewa taugu nimaguwega yaleleya, wanuwatuhu yahigau 'abehega deliya yamiyamiya. Cigu helau madouna 'oimiya. Taugu Paulo.

Kolose 4:3

Tauma wete weyahima wa'ahwanoi, ma 'oinega Yehoba 'ima 'eda 'i'abilatuhe 'oima, ma 'oinega Keliso wasana dahwadahwaina 'ahepwaila latuhe tomota 'oidiya. Tauna wasaina bewa 'ana hepwaila weyahina silagu luhuwegauwa deliya.

1 Tesalonaika 5:5

Weyahina 'omi maedana 'oina wamiyamiya, 'oinega maedanega tatauya, ma sahena guguyou 'ina 'edega.

2 Timoti 1:8

Coinega sahena 'ida Cinapwana tetelina 'ana hepwaila weyahina 'uhedeba mwadimwadina. Taugu wete 'igu luhu deliya Cinapwana 'ina paihowa weyahina sahena weyahina 'udebadeba mwadina. Ma 'owa wete 'abwa Yesu tetelina weyahina tupwana miyamwau 'oiuwa silatu, ma 'ilobwainegowa Yehoba 'ina waiwai 'oinega 'utoholo pa'ala.

2 Timoti 2:9

Cigu guguyaina weyahina taugu miyamwau bo'i yalobeya 'oinega deliya sipaigauwa, gide 'abwa taugu topui 'aigeda. Ma hesi Yehoba 'ina gwaeina gesowana 'eta taiya 'i'etobode.

Pilimoni 1:13

weyahina nuwanuwagu yanuwahi ma tauna 'ihesuwahego ma 'i'abihetegau 'igu miya deli 'oina.

Ibeliu 3:1

Ciyagwao, 'omi ma taugu Yehoba 'ihesinuwegita 'ina tupwa weyahina, 'ilobwaineya ma Yesu tanuwatuhuyahi, weyahina tauna 'ida tapwalolo 'ana tohepwaila ta wete 'ida topwaoli madouna,

1 Pita 4:13

ma hesi wayaliyaya, ma wete wanuwatuhu 'abehega Yesu Keliso muya 'ilobeya, eeta 'omi gidemusa tuwa waloba 'ese, ma muliyetega tutaina 'ina wasawasa 'ihapwesama wayaliyaya madou hedada.

1 Pita 5:1

Tohekalesiyao 'adi babadao 'omi, 'abehega yagihenuwa yahigomi 'imi paihowa weyahina. Weyahina taugu 'aigeda wete tohekalesiyao 'idi bada, eema taugu mataguwega Keliso 'ina muya ya'iteya, ma 'abwa 'ina wasawasa 'asi'asilalana 'oina yamiyamiya to tuta 'eguma 'ina wasawasaina 'igihe hapwese.

2 Pita 1:13

Ma tuta bewa mayawasiguwa yamiyamiya, 'ilobwainegauwa ma yahenuwa lagugomi ma 'omi wahetapewa mumuga bwebwe'ana weyahina.

1 Yoni 3:14

Ma tasanapuya 'abehega 'amasa 'ina tupwa ta'ebesine pwaiya, weyahina 'atedega 'iyadao tahelauwedi, ta yawasida miyamiya hatayana taloba pwaiya, ma 'eguma taiyawedi taudi geya helau 'atediyega, taudi tuwa 'abwa 'amasa 'ina tupwa 'oina simiyamiya.