Pilipai 1:1 - Loina Nuahuana

¹ Taugu Paulo ma Timoti mahetegu 'apaipaihowa To'abihetena Yesu weyahina, 'aleleleleyawa 'omi mePilipai, Yesu Keliso 'ina tohekalesiyao, ta wete 'imi tohanugetao ta 'imi dikoniyao mahetemiyao,

Pilipai 1:1 ပူးပေါင်းရင်းမြစ်များ

Maki 13:34

Cebe'ita wete Yesu 'i'ebwaediya 'igwae, “Ceguma 'aigeda bada 'abehega 'ina hada 'abwa 'ipilisine ma 'itautau hali tupwa, 'ina topaihowa 'aigeda 'aigeda 'idi paihowa 'iheguyaidi, ma 'iloinedi ma 'abehega 'ina hada si'itayahi, ma wete hada 'ana 'ahwa'eda 'ana to'itayahina 'ihegwae, 'igwae, ‘Geya'abwa 'u'eno'eno, ma hesi 'ulomatayahi bwaibwaini.’

Yoni 12:26

Coinega taiyawedi 'omi 'eguma nuwanuwami ma 'oiguwa wahetopaihowa, 'omi wamuliyegau. Ma to 'asa 'oina yamiyamiya, 'omi wete 'asainaina 'oina wamiyamiya. Ma taiya 'eguma wete weyahigu wahetopaihowa, nata 'omi Tamagu 'i'ahwa bwebwe'anegomi.”

Paihowa 20:28

“Coinega tohanugetao 'omi waboi wa'itayahigomi, ta 'imi sipiyao wete wa'itayahidi, weyahina Yaluyaluwa Tabuna 'imi paihowaina 'i'ebwaegomiya ma tohekalesiyao walomata yahidi, weyahina 'ida Bada Yesu tomotaiyedi taudi bweyahinega 'igimwanediya.

Paihowa 9:13

Ma Ananaiyasiina 'igwaeya, “Bada, loheyaina tetelina tomota baibaiwadi sihegwaegauwa 'abehega loheya galana, ta 'ino tohemisao Yelusalema 'oina 'ilolo'aleha hedadadi,

Loma 1:1

Taugu Paulo, Yesu Keliso weyahina yahetopaihowa. Yehoba 'ihesinuwegauwa 'abehega tetelina bwebwe'ana weyahina yahetohepwaila.

Loma 1:7

Tamadai Yehoba ma 'ida Bada Yesu Keliso 'idi helauwega tuwa wamiya daumwala.

1 Kolinita 16:10

Ta Timoti wete 'eguma 'inaowa 'oimiya wabwauwe 'imi hada ma wahelauwe madouna, weyahina tauna 'ida Bada weyahina 'ipaipaihowa, taugu wete gidemusa.

2 Kolinita 1:1

Yauwedo meKolinita 'omi Yehoba 'ina tohekalesiyao ma 'omi wete Yehoba 'ana tohemisao tupwa Akaya mabwaiyana 'alona, 'imi leta bewa tasidai Timoti 'i'abihetegauwa ma 'aleleyawa, taugu Paulo 'oiguwega, weyahina Yehoba 'ina hesinuwega yahetohepwaila Yesu Keliso weyahina.

Galetiya 1:10

Togidega, tomota 'adi hepwatu weyahina yanuwanuwatuhu, bo Yehoba 'ana hepwatu? Ta 'eguma tomota 'idi nuwatuhu yapaipaihowa, geya sawasawahigu ma Keliso weyahina yahetopaihowa.

Galetiya 3:26

ma hesi 'ida hemisega Yehoba mabwaiyada 'i'ahwa natunegita, Yesu Keliso mahetedai.

Galetiya 3:28

Weyahina mabwaiyada Keliso mahetedai, ma geya 'eta wete wataha solada 'imiyamiya. Coinega meYudiya ma hali bodao mahemahetena, ma babadao ma 'idi topaihowao mahemahetena, ma wete meloheyadi ma mewahinedi mahemahetena, weyahina mabwaiyada Yesu Keliso 'oina taheboda 'aigeda,

Epeso 1:1

Yauwedo tohekalesiyao 'omi Yesu Keliso 'ana tohemisao, 'imi leta bewa taugu Paulo 'oiguwega. Yehoba 'ina nuwatuhu 'oinega yahetohepwaila To'abihetena Yesu weyahina.

Epeso 1:15

Coinega tuta mabwaiyana 'oidiya 'omi weyahimi yaloloyauwedo Yehoba 'oina, ma ya'ahwa'ahwanoi weyahimi, weyahina tetelimi yahesagoheya 'abehega Bada Yesu wahemisaeya, ta wete 'ana tohemisao mabwaiyadi 'atemiyega wahehelau 'oidiya.

Epeso 6:24

Ta wete taiyawedi ba'idamiyao, 'eguma 'ida Bada Yesu Keliso sihelau hataeya, tauna 'ina 'atemuyemuyega 'ida helauwedi wete. Taugu Paulo.

Pilipai 2:19

Yanuwatuhuyahi 'abehega Bada Yesu 'ina lemega sawasawahina tuta 'i'iuna 'oina Timoti yahewaseyawa, ma 'ane wasami 'itauyeyama 'oiguwa, ma weyahimi yayaliyaya.

Pilipai 2:5

Cilobwainegomiya ma 'imi nuwatuhuwao Yesu Keliso 'ina nuwatuhu gidemusa.

Pilipai 3:12

Geya 'abehega toholo hila yalobeya, geya wete 'igu mumuga mabwaiyana sibwebwe'ana, ta hesi bewa 'igu 'ebe masiina, ma 'abehega ya'abiyahi, weyahina nuwatuhu bewa weyahina Yesu Keliso 'i'abiyahi pwaigauwa.

Pilipai 3:3

Ma hesi tauda 'ada 'upwa 'ateda, ta geya 'wapida, 'eguma Yehoba 'oina ta'etuluha yaluyaluwanega, eema Yesu Keliso namo tahepwatuwe, ma sahena wasawasa bale'u 'oina tahehemisa.

Pilipai 3:8

Moisa tuwa, 'igu Bada Yesu Keliso 'ana sanapu bwebwe'ana hedada, eeta wasawasa bale'u 'ibwebwe'ana sinediya, 'oinega wasawasaedi ya'ahwa ginaula besobesowediya, eeta Keliso weyahina ginaula mabwaiyadi yaulediya ta ya'ahwa galaediya, weyahina nuwanuwagu Keliso namo,

1 Tesalonaika 1:1

Taugu Paulo ma Sailasa ma Timoti ba'idagwao bewa 'imi leta 'aleleyawa, 'omi tohekalesiyao Tesalonaika 'oina, 'omi Tamada Yehoba ma Bada Yesu Keliso 'adi tohemisao. Taudi 'idi helauwega tuwa wamiya daumwala.

1 Tesalonaika 2:2

Wanuwatuhuyahi wete mePilipai mwalo simumuga geyogeyoiyemaiya ta si'abihedeba mwadinemaiya, ma tuwa Yehoba tauna 'i'abihe'ate patuwemaiya ma tetelina bwebwe'ana 'ahepwaileya 'oimiya, bwagana tomota silolo'alehemai, ma 'alologuguya 'oimiya,

2 Tesalonaika 1:1

Taugu Paulo ma Sailasa ma Timoti ba'idagwao 'imi leta bewa 'aleleyawa 'omi tohekalesiyao Tesalonaika 'oimiya, weyahina 'omi Tamada Yehoba ma Bada Yesu Keliso 'adi tohemisao.

2 Tesalonaika 1:10

Eeta tutaina 'itautauyama, 'ana hepwatu madouna 'iloba 'ina paihowao 'ebenuwa pwanopwanowao weyahidi, 'ana tohemisao 'oidiyega. Ma 'omi mwalo tetelina 'a'ebwaegomiya ta wahemiseya, 'oinega 'abwa 'omi ba'idamayao Yesu 'ina latuma 'oina tahepwatu.

1 Timoti 1:2

Cowa mwalo Keliso 'uhemisaeya, 'oinega ya'ahwa natunegowa moisa. Tamada Yehoba ma 'ida Bada Yesu Keliso sihelauwego, ma wete si'atemuyemuyego, ma 'umiya yaliyaya.

1 Timoti 3:8

Dikoniyao wete 'ilobwainediya ma mumugadi 'ausalana ma'idi nuwatuhu dumwaludi, ma sahena bwasi galana sinumanuma hedada, ma sahena wasawasa 'oina sihehemisa.

Taito 1:1

Natugu Taito, 'ino leta bewa taugu Paulo 'oiguwega, taugu Yehoba 'ina topaihowa ta Yesu Keliso 'ana tohepwaila. Cigu paihowaina 'i'ebwaegauwa ma taudi Yehoba 'ana hesihesinuwao ya'abihe waiwaiyedi ma sihemisa moisa ma nuwadi 'isabwalena, ta 'oinega sanapu moisega sipaihowa dumwalu.

Taito 1:7

Weyahina tohanugetao Yehoba weyahina sipaipaihowa, 'ilobwainediya ma mumugadi bwebwe'ana, ma sahena sidebadeba pa'ala nana sihehe gamwagamwagu, nuwana bwasi galana sinumanuma yauyaule, nuwana loheya 'ana to'ehunuwa, nuwana wasawasa 'ana tohamwa.

Pilimoni 1:1

Yauwedo tasigu Pilimoni, 'owa Yesu Keliso 'ina topaihowa 'aigeda, gide taugu. Ma taugu Paulo deliya bo'i silagugauwa Yesu Keliso 'ina paihowa weyahina, ma bewa Timoti 'i'abihetegau ta bewa 'ino leta 'aleleleleyawa.

Ibeliu 13:23

Nuwanuwagu wete 'iyadaina Timoti wasana wahesagohe, weyahina deliyega silihasa pwaiya, 'oinega 'eguma 'ilomwayamwayauma 'abwa ba'idagu 'atauyawa 'oimiya.

Yemesa 1:1

Yauwedo 'omi Yehoba 'ina tomotaiyao susu tuwelo 'oidiyega wamiya lelewana 'asa baibaiwadi 'oidiya. Bewa 'imi leta yaleleyawa, taugu Yehoba ma Bada Yesu Keliso 'idi topaihowa, sanigu Yemesa.

1 Pita 2:25

Moisa, 'omi gide sipi hehebe'uina, eeta sipi 'adi to'itayahina 'itoe hilegomima 'oina, tauna yaluyaluwami 'ana to'itayahina.

2 Pita 1:1

Taugu Saimoni Pita ta Yesu Keliso 'ina topaihowa 'aigeda, nuwana 'ana tohepwaila, 'imi leta yaleleyawa. Comi ma taugu 'ida hemisa mahemahetena, ma weyahina tayaliyaya. Hemisaina talobeya 'ida Yehoba ma 'ada To'abihetena Yesu Keliso 'idi loina bwebwe'ana 'oinega.

Yude 1:1

Taugu Yude, Yesu Keliso 'ina topaihowa, Yemesa tauna tasigu. Bewa 'imi leta yaleleyawa, 'omi Tamadai Yehoba 'ana hesihesinuwao, weyahina 'ihelauwegomiya ma Yesu Keliso 'i'ita'ita yahigomi.

Heꞌitaꞌita 1:1

Buki bewa 'oina Yesu Keliso 'ina he'ita tetelina. Yehoba 'i'ebwaeya ma 'abehega Yesu 'ihe'itae 'ina topaihowao 'oidiya, ma sisanapu to'aha nata 'ilatu. He'itaina bewa Yesu Keliso 'ina anelose 'ihetuneya, ma 'abehega Yoni 'oina 'ihepwaila.

Heꞌitaꞌita 1:20

Bewa 'ipwala sebeniyedi nimagu 'ebeulega, wete mayale sebeniyedi 'adi nuwasabwalena dahwadahwanidi 'oiuwa, 'oinega ya'abi he'asilala. Cipwala sebeniyedi, beno anelose sebeni, taudi hekalesiyao sebeniyedi weyahidi, wete mayale sebeniyedi beno taudi boda hekalesiya sebeni.”

Heꞌitaꞌita 19:10

Ma 'ahena yabe'u talutalubu'iya ta ya'e'etuluha 'oina, ma 'oinega 'igwaeya, “Geya'abwa gide. Taugu tuwa Yesu 'ina topaihowa 'owa gide, ma wete gide tasimwao taudi Yesu 'ana tohepwailao. Yehoba hesi 'oina 'u'etuluha.” Weyahina Yesu 'ana tohepwailao 'adi lotohona gide palopitao 'adi lotohona Yehoba yaluyaluwana 'oinega.

Heꞌitaꞌita 2:12

Aneloseina totapwalolowedi Peligamo 'oina 'i'ita'itayahidi 'ina leta 'ulele mePeligamowedi weyahidi, ma 'ugwae: Tetela bewa 'itauyama tauna ma'ina 'elepa 'aleha mamata tupwa luwaluwaina 'oinega. Tauna bewa 'ina hepwaila 'oimiya 'igwaeya,

Heꞌitaꞌita 2:8

Aneloseina totapwalolowedi Simulina 'oina 'i'ita'itayahidi 'ina leta 'ulele meSimulina weyahidi ma 'ugwae: Tetela bewa 'itauyama tauna 'ebe hegaina ta 'ebe losaloha 'oinega, tauna 'i'amasa pwaiya ta 'itoholo hila ta mayawasina 'imiyamiya. Tauna bewa 'ina hepwaila 'oimiya 'igwaeya,

Heꞌitaꞌita 22:9

Coinega tauna 'ihegwaegauwa, 'igwaeya, “Geya'abwa gide, weyahina taugu topaihowa tuwa gide 'owa, ma tasidao taudi palopitao, ta wete taudi buki bewa 'ana tohematamatanao. Ma hesi Yehoba 'iboi namo 'oina 'u'etuluha.”