Pilimoni 1:6 - Loina Nuahuana

⁶ Nuwanuwagu ma 'ida he'iya'iyagu Keliso 'oinega 'ida 'abihewaiwaiyego ma wete ginaula mabwaiyadi bwebwe'adi Keliso 'oinega silatulatuma 'uda sanapudi.

Pilimoni 1:6 ပူးပေါင်းရင်းမြစ်များ

Madiu 25:16

“Coinega loheyaina tauna ma'ina paibi handeledi kina 'ina bada 'ina maneina 'i'ewediya, ta 'oidiyega 'ihepaihoweya, ta 'adi loheposeyana paibi handeledi wete 'ilobediya.

Madiu 5:16

Comi wete gide, 'ilobwainegomiya ma 'imi 'asilala wa'abi he'asilala tomota 'oidiya, ma 'oinega 'imi paihowa bwebwe'ana si'ita ma Tamamiu galewa sihepwatuwe.

1 Kolinita 14:25

Ma 'oinega 'idi nuwatuhu dahwana weyahina sinuwagala ma'idi deba mwadina, ma Yehoba matana sibe'u talutalubu'i ma 'oina si'etuluha ma si'ahwa moisae, ma 'oinega sigwae, “Moisa, Yehoba ba'idamiu wamiyamiya.”

1 Kolinita 16:9

Weyahina 'asa bewa 'oina sawasawahina ma Yesu 'ina paihowa madouna yapaihowa, bwagana 'agu sahiyao baibaiwadi simiyamiya.

Pilipai 4:8

Ciyagwao, bewa 'aigeda wete loguguya 'abehega wada nuwatuhu ginaula moisadi ma'adi he'asisi weyahidi, ma ginaula dumwadumwaludi weyahidi, ma ginaula 'ehaudi weyahidi, ma ginaula 'adi 'ita 'ausaladi weyahidi, ma ginaula helahelauidi weyahidi, ta 'eguma to'aha bwebwe'ana 'oidiya bo nuwana 'ebe hepwatu 'oidiya.

Kolose 1:9

Saugaina wasami 'ahesagoha nugeteya 'ana siga bewa, 'ima 'ahwanoi weyahimi geya 'ada lolaguwa. Ma hesi Yehoba 'oina 'a'ahwa'ahwanoi ma 'oinega Yaluyaluwa Tabuna 'i'abihenuwa sabwalenigomi, ta 'ane wasanapu bwaibwaini to'aha 'ina nuwatuhu weyahimi.

Kolose 3:10

Ta mumuga 'ehauna walobeya, weyahina 'ada topaihowaina sauga mabwaiyana 'i'abihe 'ehaugita, ma 'ane tauna wasanasanapu ma mumugana wahe'au'aunaowe.

Taito 3:14

Ta 'idi bodao mabwaiyadi 'uhe'itadi ma siguibiga, ta sawasawahidi tomiyamwau si'abihetedi, ma sahena simiyamiya daidaita.

Ibeliu 6:10

Yehoba 'ina loina 'oimiya dumwaluna, 'oinega 'imi paihowao geya'abwa 'inainaidedi, beno 'imi helauwao ta 'imi lemao Yehoba saninega, tohekalesiyao 'oidiya, mwalo ta 'ana siga nige bewa.

Yemesa 2:14

Tasigwao, to'aha 'ana bwebwe'ana 'eguma 'aigeda taiya 'igwae, “Taugu ma'igu hemisa,” ta 'ina paihowa geya dumwaluna. Sawasawahina 'abihetena 'iloba 'ina hemisega? Geya, 'awa?

Yemesa 2:17

Bewa gidemusa 'eguma hemisamo, ta geya paihowa ba'idana hemisaina gide 'ama'amasina.

1 Pita 2:12

Ma wamumuga bwebwe'ana taudi geya meYudiya 'oidiya. Weyahina bewa tuwa 'abwa si'ahwa'ahwa galagalaegomi, ma tuta muliyetega 'imi paihowa bwebwe'ana si'ita, ma 'oinega tutaina Yehoba 'ilatuma Yehobaina sihepwatuwe.

1 Pita 3:1

Gidemusa 'omi wete tohai mewahinemi mwanemiyao wahe'asisiyanedi, eeta 'eguma taudi geya Yehoba 'ina gwae sihemisae, 'omi 'imi paihowa bwebwe'ana he'asisiyega wahe'itadi, ma 'oinega taudi wete sihemisa.

1 Pita 3:16

Ma to'aha wanuwatuhuya bwebwe'ana, tuta mabwaiyana gidemusa wapaipaihowa 'esa, 'oinega 'eguma taiyawedi si'ahwa galaegomi weyahina 'abehega 'omi Keliso 'ana tomuliyao, 'abwa sideba mwadina, 'eguma 'imi mumuga bwebwe'ana wahe'itedi.

2 Pita 1:8

Ceguma ginaulaedi 'oimiya simadomadou moisa, 'ida Bada Yesu Keliso 'ana sanapu 'oina wahewaiwai, ma geya'abwa 'imi paihowa simudamudali.