Pilimoni 1:10 - Loina Nuahuana

¹⁰ beno ya'ahwanoiyego natugu Onesimo weyahina, tauna 'ima miya deliya 'oinega ya'ahwa natuneya, 'ina hemisa Keliso 'oina weyahina.

Pilimoni 1:10 ပူးပေါင်းရင်းမြစ်များ

Maki 9:17

Ma 'aigeda loheya bodaedi 'oidiyega Yesu 'ihegwaeya, 'igwae, “Bada, 'idi he'ohe'ohe lamuna natugu, weyahina 'ina lohala 'oinega geya sawasawahina ma 'igwae.

Loma 12:1

Tasigwao, wanuwatuhuyahi 'abehega Yehoba 'ina 'atemuyamuya 'oida 'imadou hedada, ee 'oinega bewa 'igu loguguya 'oimiya, tuta bewa mayawasimi wamiyamiya wapwaoliyegomi Yehoba 'oina, weyahina Yehoba nuwanuwana wahimi mabwaiyadi watagwaledi 'ina paihowa 'oina. Bewa gide paihowa 'esaina beno tapwalolo moisa 'ina 'eda Yehoba matana.

1 Kolinita 4:14

Gwae bewa yaleleyawa geya 'abehega ya'abihedeba mwadinegomi, ma hesiyage sabi hedumwalugomi gide natugwao moisa 'omi.

1 Kolinita 4:15

Moisa, 'imi tohe'itao boda hedada Keliso 'ina 'eda'edao weyahina, ma yaboigumo tuwa tamamiu, weyahina tetela bwebwe'ana 'ana guguya 'oinega ya'ewegomiya Yesu Keliso 'oina.

Galetiya 4:19

Natugwao, tuta mabwaiyana 'imi 'italohihila weyahidi 'ategu 'imuyamuya, eema 'ana siga Keliso 'oimiya 'ilatu hila, ma 'atemiya 'ida miya, ma 'oinega 'agu lotohona 'ida bwebwe'ana hila.

Kolose 4:9

Ma tasidai Onesimo Tikiko ba'idana sitautauyawa, ta Onesimoina tauna tuwa 'imi 'asa loheyaina, ta loheya bwebwe'ana, ma'ana hemisa. Ma taudi to'aha 'ebwa silatulatuwa sihegwaegwae 'oimiya.

1 Timoti 1:2

Cowa mwalo Keliso 'uhemisaeya, 'oinega ya'ahwa natunegowa moisa. Tamada Yehoba ma 'ida Bada Yesu Keliso sihelauwego, ma wete si'atemuyemuyego, ma 'umiya yaliyaya.

Taito 1:4

Taito, 'owa ya'ahwa natunegowa moisa 'ida hemisa 'aigeda, 'oinega Tamada Yehoba ma 'ada to'abihetena Yesu Keliso 'idi helauwega si'abihetego ma 'umiya daumwala.

Pilimoni 1:11

Mwalo loheyaina Onesimo 'ino paihowa 'oiuwa geya bwebwe'ana, ma bewa 'inuwabuiya ta 'ina paihowa 'oiguwa bwebwe'ana, ma wete yasanapuya mumugana weyahiu 'ibwebwe'ana pwaiya.

Pilimoni 1:13

weyahina nuwanuwagu yanuwahi ma tauna 'ihesuwahego ma 'i'abihetegau 'igu miya deli 'oina.

3 Yoni 1:4

Bewa 'igu 'ebe yaliyaya madouna 'eguma natugwao wasadi yahesagohe 'abehega 'eda dumwadumwaluna 'oinega sitautauya.