Paihowa 8:14 - Loina Nuahuana

¹⁴ Eeta Yesu 'ana tohepwailao taudi Yelusalema 'oina simiyamiya, tetela sihesagoheya 'abehega meSameliya sitagwala pwaiya Yehoba 'ina gwae 'oina, 'oinega Pita ma Yoni sihewasedima,

Paihowa 8:14 ပူးပေါင်းရင်းမြစ်များ

Madiu 13:23

“Ma patuwedi bale'u 'ausalana 'oina sibe'uwa, taudi tetela bwebwe'ana sihesagoheya, ma 'ana nuwasabwalena 'oidiya 'imiyamiya, ta huwaidi 'ausala silagudiya. Tupwadi huwaidiyao handeledi, ma tupwadi sikisiti, ma tupwana teti.”

Luke 22:8

Coinega Yesu 'ana tomuliyao Yoni ma Pita 'ihegwaediya, 'igwaeya, “Watauya ma Hataona 'aiina weyahida wa'atububu.”

Yoni 12:48

Weyahina taiyawedi 'omi 'eguma walogwahategau ma 'igu gwae wete walogwahatediya, nata tuta 'ana 'ebe losaloha 'oina loina waloba. Loinaina beno 'igu gwaeyedi 'oidiyega nata waloba.

Paihowa 11:1

Ma Yesu 'ana tohepwailao ma wete tohekalesiyao, taudi Yudiya 'ana tomiyanao, wasa sihesagoha pwaiya 'abehega tupwadi tomiya ganamuli Yehoba 'ina gwae sihemisaeya.

Paihowa 15:4

Eeta silatuwa Yelusalema, ma tohekalesiyao ma Yesu 'ana tohepwailao ma tohanugetao sitoediya 'idi hada, ta Paulo ma Banaba sihe'ote'otetela 'oidiya to'aha 'idi paihowaedi Yehoba 'ina waiwaiyega sipaihowediya.

Paihowa 17:11

Mwalo Tesalonaika 'oina meYudiya genuwadi wasaina, ma hesi meYudiya Beliya 'oina 'idi tagwala bwebwe'ana, ma wasaina nuwadi 'i'eweya, 'oinega sabwelo 'aigeda 'aigeda Buki He'asisi sihasihasili ta 'abehega wasa bewa 'ana moisa sida sanapu.

Paihowa 2:41

Coinega sabweloina 'oina Pita 'ina gwae sihesagoheya, ta sibabitaiso, ta 'adi baibaiwa gidemusa 'etoi tausani,

Paihowa 8:1

Ma Saulo bodaedi 'i'ahwa bwebwe'anediya, Sitibeni 'ana lohe'amasa weyahina. Sabwelo nage 'oina tohekalesiyao tupwa Yelusalema 'oina 'adi 'alehaowedi sihegaina ma silo'alehedi, 'oinega sisawala Yudiya ma Sameliya tupwaedi 'oidiya, ma Yesu 'ana tohepwailao site tuwelomo Yelusalema 'oina simiyamiya.

Galetiya 2:9

Coinega tohanugetaedi, Yemesa ma Pita ma Yoni, taudi Yehoba 'ina helau 'oiguwa si'ita lobeya, eeta sitagwala Banaba ma taugu 'oima, ta mahetemayao 'anima'abiya. Ee, sitetoiyedi tohekalesiyao si'ahwa tonugetaediya, sitetoiyedi sitagwala 'oima ma 'abehega taugu ma Banaba 'atauya tomiya ganamuli 'oidiya, ma taudi hesi sitauya meYudiya dimo 'oidiya.

1 Tesalonaika 2:13

Ciyamayao tuta mabwaiyana 'aloloyauwedo Yehoba 'oina, weyahina Yehoba 'ina gwae bo'i 'a'ebwaegomiya ta 'oina watagwalegomi, geya 'abehega tomota 'idi gwae, ma hesi Yehoba 'oinega. Moisa, gwaeina Yehoba 'oinega, ma wahemiseya, ma 'ana waiwai walotoho pwaiya.

1 Tesalonaika 3:2

Coinega 'iyadaina Timoti yahesumaneyawa, weyahina tauna wete 'aigeda 'ima boda Yehoba 'ina paihowa Keliso tetelina weyahina, 'iyadaina yahesumaneyawa ma 'ane 'i'abihe waiwaiyegomi ma Keliso 'oina wahemisa moisa,

2 Tesalonaika 2:10

Ma taudi tetela moisa 'adi tologwahatao 'idi tupwa 'asa 'ala'alatana, Yehoba 'itagwaledi ma Seitani 'ina 'e'abo'abo mabwaiyana sihemisaedi, ma taudi yatala siloba, weyahina geya nuwadi he'ita moisa, ma hesi silogwahateya,