Paihowa 5:32 - Loina Nuahuana

³² Coinega tauma ginaulaedi bewa weyahidi 'ahehepwaila, ma Yaluyaluwa Tabuna tohepwaila wete, tauna Yehoba 'i'ebwaeya 'ana tohematamatanao 'oidiya.”

Paihowa 5:32 ပူးပေါင်းရင်းမြစ်များ

Yoni 7:39

Yesu 'ihehegwaegwae Yaluyaluwa Tabuna weyahina, ma muliyetega 'abwa 'ana tohemisaowedi Yaluyaluwa Tabuna 'oidiya 'iluhu. Tutaina beno 'oina, Yaluyaluwa Tabuna 'abwa geya tomota 'oidiya 'iluhu, weyahina Yesu 'abwa geya 'ihane 'ina 'ebeloina 'oina.

Paihowa 1:8

Ma 'omi hesi 'abwa Yaluyaluwa Tabuna 'inaowa 'oimiya ma 'i'abihe waiwaiyegomi, ma taugu weyahigu wahetohepwaila Yelusalema 'oina, ma Yudiya ma Sameliya gogonao mabwaiyadi 'oidiya, ta wete gogo gabulena mabwaiyana 'oidiya.”

Paihowa 10:44

Pita 'abwa 'igwaegwae ma Yaluyaluwa Tabuna 'isuluma taudi sihenono 'oidiya,

Paihowa 13:31

ta sabwelo tupwana baibaiwana 'ilatulatu 'ana to'wayabuwao 'oidiya, taudi mwalo mahetenao Galiliyega ma Yelusalema 'oina sinaoma. Taudi bewa tuwa To'abihetenaina weyahina sihehepwaila tomota 'oidiya.

Paihowa 15:28

Cami loinaina Yaluyaluwa Tabuna ba'idamai 'anuwatuhuya 'abehega bewa loina bwebwe'ana ma 'etobodaedi 'ehata bewa madoudimo wamuliyedi, ta geya 'eta to'aha wete weyahina wanuwanuwatuhu.

Paihowa 2:32

Bewa Yesu 'ina 'amasega Yehoba 'i'abihetoholo hila pwaiya, ma tauna mabwaiyama 'a'iteya.

Paihowa 2:4

Coinega mabwaiyadi Yaluyaluwa Tabuna 'ilohemahediya, ta sihegaina ma hali 'enana ma hali 'enana 'oidiyega sigwaegwae, beno Yaluyaluwa Tabuna 'ina waiwaiyega.

Paihowa 5:29

Ta Pita ma tohepwailaowedi sigwaeya, “Cilobwaineya ma Yehoba 'ina gwae 'ahematamatane, ma geya'abwa tomota 'idi gwae.

Loma 8:16

Ma weteyage Yaluyaluwanaina 'oinega sanapu 'i'ebwaya yaluyaluwada 'oida, ma 'abehega tasanapu tauda Yehoba natunao.

2 Kolinita 13:1

Nata yahabo'enegomi, beno hetoina 'igu habo'ena 'oimiya. Ceguma taiyawedi nuwanuwadi ma 'iyadaina 'aigeda 'oina siyatala, 'ilobwaineya ma tomota 'eluwa bo 'etoi sihepwaila mahemahetena 'ina pui weyahina.

1 Pita 1:12

Ma Yehoba palopitaowedi 'ihe'itediya 'abehega gwae hemisaedi sihepwaila nugetediya geya taudi siboi weyahidi ma 'omi hesi weyahimi, ma nuwatuhuwedi mwalo weyahidi sigwae pwaiya bewa wahesagohediya wasa bwebwe'ana 'ana tohepwailao 'oidiyega, beno Yaluyaluwa Tabuna galewega 'ina waiwaiyega. Ma nuwatuhuwedi sihegwaegomiya, aneloseyao galewa nuwanuwadi ma taudi wete sida sanapu, ma hesi geya si'ita.