Paihowa 5:21 - Loina Nuahuana

²¹ Coinega aneloseina 'ina gwae sihesagoheya ma gona 'i'adaleya, ta Hada He'asisi 'oina siluhuwa, ma boda sihe'itediya. Coinega wete Topwaoli Madouna ma 'ina bodao si'eto 'autama, ma meIsileli 'idi babadao ma 'adi toloinao mabwaiyadi sibwauwedima ta 'idi hewaliyao tupwadi deliya sihewasaedi ma 'abehega Yesu 'ana tohepwailao si'ewedima ma sida yatala matadiya.

Paihowa 5:21 ပူးပေါင်းရင်းမြစ်များ

Yoni 8:2

Gona 'i'adaleya ma Yesu wete 'ilohihila Hada He'asisi 'alona, ma tomota mabwaiyadi wete simiya 'wabu'wabuya ma tauna wete 'imiyatoiya ma 'ihe'itediya.

Paihowa 22:15

ma tauna weyahina 'uda hetohepwaila ta wete to'aha 'u'iteya ma 'uhesagoheya weyahina tomota baibaiwadi 'uda hegwaedi.

Paihowa 5:41

Ma silihasidiya ma sihapwesa, ma sitauya taudi 'idi boda 'oidiya ma'idi yaliyaya, weyahina sowasowahidi ma muyaedi silobadi Yesu sanina weyahina.

Paihowa 5:34

Ta 'aigeda 'oidiyega, sanina Gameliyela, tauna Palisi, ma loina 'ana tohe'ita, ta ma'ana he'asisi tomota baibaiwadi 'oidiya, 'itoholo ma 'iloina ma 'abehega Yesu 'ana tohepwailaowedi sitoe hapwesedi tuta to'uto'upanamo weyahina.

Paihowa 5:27

Coinega ma wahi bigega si'ewedima ma toloinaedi matadiya sihetoholodiya. Ma Topwaoli Madouna 'ihesilalediya,

Paihowa 5:17

Ma topwaoliyao 'idi bada madouna ma Sadusi 'idi boda ba'idanao sigamwasowala ma sihe'ipi'ipiyediya,

Yoni 18:35

Ma Pailato 'igwaeya, “Cino nuwatuhu 'abehega taugu Yudiya loheyaina? Cowa hene 'uboi 'ino bodao ma'idi topwaoli 'idi babadao sitoegoma, 'oinega 'uhepwaila bwaibwaina to'aha 'ino pui?”

Luke 22:66

gona 'i'adaleya, ma 'oinega meYudiya 'idi babadao, beno Topwaoli madoudi ta loina 'ana tohe'itao sideli 'auta, ma Yesu si'eweyama, ta gamwagamwanidiya sihetoholoya,

Madiu 5:22

Ma hesi taugu yaloinegomi 'abehega 'eguma taiya 'owa tasiu 'ugamwasowale, 'abwa loina 'uloba. Ma 'eguma tasiu 'u'ahwa galagalae loina 'uloba, toloinao 'oidiyega. Ma wete 'eguma tasiu 'ana gwae mwauna 'ulagu, 'abwa 'uluhu 'asa 'ala'alatana* 'oina.

Paihowa 22:5

Topwaoli Madouna ma 'imi babadao mabwaiyadi 'igu paihowa bewa sisanasanapu, weyahina taudi leta si'ebwaegauwa tasidiyao Damasiko 'oina weyahidi, ma 'abehega yada tauya, ma 'oidiyega tagwala yada 'ewa nugete, ma 'oinega tohemisao yada 'abiyahidi, ma yada tauyedima Yelusalema, ma sida gihemuyedi.