Paihowa 5:17 - Loina Nuahuana

¹⁷ Ma topwaoliyao 'idi bada madouna ma Sadusi 'idi boda ba'idanao sigamwasowala ma sihe'ipi'ipiyediya,

Paihowa 5:17 ပူးပေါင်းရင်းမြစ်များ

Madiu 27:18

Weyahina Pailato 'isanapuya 'abehega he'ipi'ipiyega Yesu sitebaeya sabi lohe'amasina.

Madiu 3:7

Ma Palisiyao ma Sadusiyao baibaiwadi wete sinaoma sabi babitaiso, ta Yoni 'i'itediya ma 'ihegwaediya, 'igwae, “To'abo 'omi gide mwata! Ma wanuwatuhuya 'abehega nata Yehoba 'ina gamwasowala 'oinega wadena, 'awa?

Yoni 12:10

Coinega topwaoliyao 'idi 'inapwanao Lasalo weyahina sihetala gwaeya ma 'abehega silohe'amasi.

Yoni 12:19

Beno 'oina Palisiyao siboidimo 'oidiya sigwae, “Moisa tuwa, 'ida waiwai 'igumwala. Weyahina tomota mabwaiyadi Yesu 'ina boda 'oina sitautauya.”

Paihowa 13:45

Ma hesi meYudiya, boda madouna si'iteya, 'oinega sihe'ipi'ipiyeya, ma Paulo 'ina guguya si'ahwa 'abo'aboweya, ma si'ahwa galagalaeya.

Paihowa 15:5

Ma tupwadi Yesu 'ana tohemisao Palisi bodaedi 'oidiyega sitoholowa, ma sigwaeya, “Ceguma 'asa ganamuli 'adi tomiyao sihemihemisa, 'ilobwainediya ma 'wapi 'upwa si'ewa, ma wete taloinedi ma Mosese 'ina loinao simuliya nugetedi, ta 'oinega sowasowana sihekalesiya moisa.”

Paihowa 17:5

Ta meYudiya Paulo ma Sailasa sihe'ipi'ipiyediya ma si'ahwa galagalaediya, ma tupwana toyawala besobeso galadi siloinedi ma boda madouna sihegogonediya ta nuwanuwadi silo'alehedi. Coinega Yesoni 'ina hada sihaneiya, 'idi nuwatuhu 'abehega Paulo ma Sailasa hadai simiyamiya, ma 'abehega sida 'abiyahidi, si'ewa latuwedi boda 'oidiya.

Paihowa 4:26

Coinega mebale'u 'idi kiniyao ma toloinao sideli 'autama ma si'atu'atububuwa sabi lo'aleha Yehoba ta 'ina Keliso 'oidiya.’

Paihowa 4:6

ma wete Anasa, tauna Topwaoli Madouna ma'ina susuwao ta ma'ina bodao, beno Kaiyapa ma Yoni ma Alekisana, taudi Yelusalema 'oina sideli 'autama.

Paihowa 5:16

Wete gogowedi Yelusalema deina 'adi tomiyao sideli 'autama, ma 'idi tolohalao ma taiyewedi welabana yaluyaluwadi nuwana hali yaluyaluwa galadi si'abihe lohalediya si'ewedima ta mabwaiyadi si'abihe bwebwe'anediya.

Paihowa 7:9

“Ta 'aigeda 'oidiyega sanina Yosepa, ma tasinao site lebeni sihe'ipi'ipiyeya ma sihegimwaneyeya tomota tupwadi 'oidiya, ma taudi Yosepaina sitauyeya 'asa Itipita 'oina,

Galetiya 5:21

lohesohesoi, ma wete 'ebe yaliyaya galana bwasi waiwai 'ana numa 'oinega, ma wete tupwana mumuga galadi. Mumuga bewa mwalo yahemataluwegomiya, ma nige yahemataluwe hilegomi 'abehega 'adi topaihowao geya'abwa Yehoba 'ina 'ebeloina 'oina siluhuluhu.

Yemesa 4:5

Coinega sahena Buki He'asisi 'ina hepwaila wa'ahwa'ahwa muhemuheye tutaina 'igwae, “Yaluyaluwaina Yehoba 'ilaguya 'oida nuwanuwana madouna tauda.”

1 Pita 2:1

Eeta 'imi galao ma 'imi 'e'abo'abowao gwaeyega bo paihowega ma 'imi he'ipi'ipiyao ma 'imi 'ahwa galagalao waguipailedi,