Paihowa 5:16 - Loina Nuahuana

¹⁶ Wete gogowedi Yelusalema deina 'adi tomiyao sideli 'autama, ma 'idi tolohalao ma taiyewedi welabana yaluyaluwadi nuwana hali yaluyaluwa galadi si'abihe lohalediya si'ewedima ta mabwaiyadi si'abihe bwebwe'anediya.

Paihowa 5:16 ပူးပေါင်းရင်းမြစ်များ

Madiu 2:16

Ma tutaina Helodi tosonogaedi 'iyamwa 'asaediya, weyahina geya sihilama, 'idi 'abo weyahina 'igamwasowala madouna, ma 'ina loina 'ilaguya ta tolo'alehao 'ihewasaediya Bedeliyema 'asanao 'oidiya, ma 'abehega gwagwama loheloheyadi taudi 'adi bolime 'eluwa 'oinega 'isuluwa sida lohe'amasidi. Gwagwamaedi bewa gide 'adi loina Helodi 'ilaguya, weyahina tosonogaedi 'idi gwae 'oinega 'isanapu pwaiya gwamaina 'ina li'u 'ana tuta.

Madiu 4:24

Coinega Yesu tetelina 'isaweyaneya Siliya gogonao mabwaiyadi 'oidiya, 'oinega tolohalao mabwaiyadi sitautauyedima 'oina, taudi silohala madouna ma wahidi simuyamuya, ma taudi hi'ahi'a* si'abi hebuwediya, ma taudi 'adi lohala hebwasubwasumo ma wete tobelu, ma Yesu 'i'abi hebwebwe'anediya mabwaiyadi.

Madiu 8:16

Coinega boi hohauwa tomiya 'asao tupwadi tomota si'ewedima, taudi hi'ahi'a* 'oidiya simiyamiya, 'oinega Yesu hi'ahi'aedi 'ina gwaeyega 'iula latuwediya, ma wete tolohalao mabwaiyadi 'i'abihe bwebwe'anediya.

Luke 5:17

Sabwelo 'aigeda 'oina Yesu boda 'ihehe'itadi. Ma tupwadi Palisiyao ma loina 'ana tohe'itao taudi sinaoma Galili ta Yudiya ta Yelusalema tupwainao 'oidiyega, ma boda mahetediyao simiyamiya, ma sihenono. Tuta nage 'oina Yehoba 'ina waiwaiyega tolohalao 'i'abihe bwebwe'anediya.

Luke 6:18

Taudi sinaoma 'abehega Yesu 'ina gwae sihesagohe, ma wete 'abehega 'adi lohalao 'i'abihe bwebwe'anedi. Ma wete taudi hi'ahi'a siluhuwa 'oidiya, nuwanuwadi ma yaluyaluwaedi 'oidiyega 'ida ulalatuhedi.

Luke 9:11

Ma geya sowasowahidi, weyahina boda wasa sihesagoheya, ma Yesuina simulimuliyeya ta sinaoma 'oina. Coinega Yesu 'oidiya 'itagwala ma Yehoba 'ina loina weyahina 'ihe'itediya, ma wete 'adi lohalao 'i'abihe bwebwe'anedi.

Yoni 14:12

Bewa tuwa 'oimiya yahepwaila dumwalu, 'eguma taiyawedi 'omi wahemisaegau nata paihowaedi waiwaidi yapaihowediya, 'omi wete gidemusa wapaihowa 'esedi. Ma wete tuta muliya 'oina 'imi paihowa waiwai hedadena wa'abi latuhedi, weyahina taugu yatautauya Tamagu 'oina.

Paihowa 4:30

Ta wete 'ino waiwaiyega tolohalao 'uda 'abihe bwebwe'anedi, ma 'ila'ilalao ma hedehedede 'uda gihelatuhedi, 'ino hewali hesihesinuwaina, sanina Yesu 'oinega.”

Paihowa 5:15

Ma wete tolohalao sitoedima ma'ebe'enoidi ma silagudiya Pita 'ina 'ebetauyao 'oidiya, ma 'abehega Pita loguloguna 'ida 'abihe bwebwe'anedi.

Paihowa 5:17

Ma topwaoliyao 'idi bada madouna ma Sadusi 'idi boda ba'idanao sigamwasowala ma sihe'ipi'ipiyediya,

1 Kolinita 12:9

ta 'aigeda hemisa, ma 'aigeda to'abi hebwebwe'ana,

Yemesa 5:16

Coinega 'aigeda 'aigeda 'oimiya 'imi galaowedi wahepwailedi, ma weyahina wa'ahwanoi, ma 'oinega 'imi bwebwe'ana waloba. Moisa, tobwebwe'adi 'idi 'ahwanoi waiwai hedade.