Paihowa 4:21 - Loina Nuahuana

²¹ Coinega siheliyediya ma muliyetega silihasidiya. Geya 'idi pui 'eta silobaloba ma weyahina maisa mwauna sida 'ebwaedi, ma hesi boda mabwaiyadi Yehoba sihepwatuweya.

Paihowa 4:21 ပူးပေါင်းရင်းမြစ်များ

Madiu 15:31

Ma bodaedi si'itediya beno na'ona'owedi sihegwaegwae ma wete sihesagoha bwaibwaini, ma taudi hesilae 'oidiyega siwe'a sibwebwe'ana hila, ma toha'au'au sitauya dumwadumwalu, ma tomata gibugibu matadi sitayahala. Coinega bodaedi nuwadi 'ihenainaida ta meIsileli 'idi Yehobaina sihehepwatuwe.

Madiu 21:46

Coinega 'idi nuwatuhu si'ebe'ebese ma 'abehega Yesu si'abiyahi, ma hesi geya sawasawahina ma si'abiyahi, weyahina boda simatautediya, weyahina bodaedi Yesu si'ahwa palopitaeya.

Madiu 26:5

ta sigwaeya, “Sahena guyai 'alona Yesu ta'abi'abiyahi, 'amuge ta tomota sigamwasowala ma silo'aleha 'oida.”

Madiu 9:33

Ma 'oinega Yesu welabana 'ipa'iya, ma loheyaina 'ibwebwe'ana ma 'ihegwaegwae. Ma boda ma'idi yaliyaya Yesu si'ahwa bwebwe'aneya, ma sigwae, “Geya 'eta taiya 'ina paihowa bewa gide ta'ita Isileli 'alona.”

Madiu 9:8

Ma bodaedi paihowa bewa si'iteya ma ma'idi he'asisi Yehoba sihehepwatuwe, weyahina tauna Yesu 'ana to'abihewaiwai.

Luke 13:17

Yesu 'ina gwae bewa 'oinega tolomugiyedi 'i'abihedeba mwadinediya, ma hesi tomota baibaiwa hedada siyaliyaya madouna Yesu 'ina paihowa waiwaidi weyahidi.

Luke 20:19

Bewa 'oina topwaoliyedi ta loina 'ana tohe'itao 'eda'eda si'ebeseya ta 'abehega Yesu si'abiyahi, weyahina sisanapuya 'abehega taudi tuwa weyahidi 'igwae hegehegediya, ma hesi geya si'abiyahi weyahina boda 'oidiya simatauta.

Luke 20:6

Ma 'eguma tagwae, ‘Tomota 'oinega,’ tabu ta boda da'uleyega si'ahu yamategita, weyahina tomota mabwaiyadi Yoni sihemisaeya 'abehega tauna 'aigeda palopita.”

Luke 22:2

Tutaina 'oina topwaoliyao madoudi ta loina 'ana tohe'itao sinuwanuwatuhu dadana togidega ma Yesu si'abiyahi ma silohe'amasi, ta geya sowasowahidi, weyahina boda simatautediya.

Luke 5:26

Eeta boda mabwaiyadi nuwadi 'ihenainaida madouna, ta ma'idi he'asisi Yehoba sihepwatuweya, ma sigwae, “Nige 'aigeda 'ebe henainaida ta'iteya.”

Paihowa 4:17

Benomo tada toho ma tetela bewa tada 'ausi, ma sahena 'ilelelelewana boda mabwaiyadi 'oidiya, 'oinega tada loina pa'ala 'oidiya ma sahena wete Yesu sanina tomota 'oidiya sihehewasae.”

Paihowa 4:22

Weyahina topeuina 'ana bolime poti ma tupwana, ma si'abihe bwebwe'ana pwaiya. Coinega toloinao boda simatautediya, ta geya 'eta to'aha sipaihowa Pita ma Yoni 'oidiya.

Paihowa 5:13

Ma boda baibaiwadi 'idi matautega geya siluhuluhu tohemisaowedi 'oidiya, ma tomota mabwaiyadi tohekalesiyao sihe'asisiyediya madouna,

Paihowa 5:26

Ta Hada He'asisi 'ana to'itayahi ma 'ina topaihowao sihapwesa, ma tohepwailaowedi si'abiyahidiya ma hohobigega si'ewedima, weyahina simatauta boda 'oidiya, ta geya nuwadi ma boda sigamwasowala 'oidiya, tabu ta da'uleyega si'etutuwedi.

Paihowa 5:40

Coinega Gameliyela 'ina loina simuliyeya, ma tohepwailao wete sibwau hiledima 'oidiya, ma sisapidiya, ta sigwae, “Geya sowana wete Yesu sanina wagwaegwaene tomota 'oidiya.”