Paihowa 3:19 - Loina Nuahuana

¹⁹ Coinega 'ilobwainegomiya wanuwabui ma 'imi puiyao 'i'ewayahuledi, ma lotohona bwebwe'ana waloba Bada tauna 'oinega,

Paihowa 3:19 ပူးပေါင်းရင်းမြစ်များ

Madiu 13:15

Weyahina tomotaedi 'idi nuwatuhuwao si'elo'waniya, ma tenadi 'ituiya, ta wete matadi 'igibuwa. Tabu ta matadiyega si'ita, ma tenadiyega sihesagoha ma sinuwasabwalena, ta 'oiguwa si'ita hila, ma ya'abi hebwebwe'anedi.’

Madiu 18:3

ma 'ihegwaediya, “Yagwae moisa, taiyawedi 'omi 'eguma 'imi nuwadobi gwama bewa gide, 'omi sanimi madoudi Yehoba 'ina 'ebeloina 'alona, ma 'eguma geya wanuwabui ma gwagwama 'i'iudi gide, sahena waluhuluhu 'ina 'ebeloina 'oina.

Luke 1:16

Ma 'oinega tauna meIsileli baibaiwadi 'itoe hiledima 'idi Bada Yehoba 'oina.

Luke 22:57

Ma Pita 'iuhala ta 'igwaeya, “Wahine, geya yasanapu taiya tauna weyahina 'ugwaegwae.”

Paihowa 1:6

Caigeda sauga Yesu ma 'ana tomuliyao simiya'auta, ma sihesilala 'oina, sigwae, “Bada, sowasowahina ma sauga bewa tauda meIsileli 'uhanugetegita ma taboidamo taloina hilegita?”

Paihowa 11:18

Pita 'ina gwae bewa sihesagoheya ma geya 'idi 'ebe gwaemo, ta Yehoba sihepwatuwe, sigwaeya, “Moisa tuwa, Yehoba tauna 'itagwatagwala taudi tomiya ganamuli 'oidiya 'abehega sinuwabui, ta taudi wete yawasi hataya siloba.”

Paihowa 11:21

ma Badaina 'i'abihe waiwaiyediya ma tomota tupwana baibaiwana 'idi gwae sihemisaeya ma sitehinowa Badaina 'oina.

Paihowa 15:3

Ta tohekalesiyao siloyauwedowediya ma sitauya. Sitautauya tupwa Pinisiya ma Sameliya sibui di'waediya, ta sihepwaileya 'idi sakowasi mwalo weyahina, beno 'asa ganamuli, taudi geya meYudiya 'idi nuwabui Yehoba 'oina sihepwaileya, ta Yesu 'ana tohemisao 'asa 'aigeda 'aigeda 'oidiya hepwailaina sihesagoheya, ma siyaliyaya madouna.

Paihowa 17:26

Ta 'aigeda loheya sanina Adama 'oinega hali tupwa ma hali tupwa tomotenidi Yehobaina 'ibubugita, ma 'abehega tomota si'elelewana bale'u mabwaiyana 'oidiya, ma boda 'aigeda 'aigeda 'idi sauga ta 'idi tupwa Yehoba 'iloina pwaidiya.

Paihowa 2:38

Coinega Pita 'igwaeya, “Cimi paihowa galana 'oidiyega wanuwabui, ma mabwaiyami To'abihetena Yesu saninega 'ada 'abihe babitaisogomi, ma wete 'imi puiyao 'inuwasamudi, ta wete Yaluyaluwa Tabuna 'i'ebwaegomi.

Paihowa 28:27

Weyahina tomota bewa sinuwapota, ma tenadi si'elotuiya, ta matadi si'elogibuwa, tabu ta matadiyega si'ita ma tenadiyega sihesagohe, ma sinuwa sabwalena, ma 'oiguwa si'ita hila, ma ya'abihe bwebwe'anedi.’”

Paihowa 3:20

ta wete To'abihetenaina tauna 'ihesinuwa nugeteya, 'ihewasae 'oimiya, beno Yesu.

Paihowa 3:21

Tauna 'itauya pwaiya galewa, ma 'imiyamiya 'ana siga ginaula mabwaiyadi 'i'abihe dumwaludi, gidemusa Yehoba 'ina palopitao mwalona sihepwaileya.

Loma 11:25

Ciyagwao, nuwanuwagu ginaula 'aigeda dahwadahwaina meIsileli weyahidi yahepwaile 'oimiya ma 'ane sahena wanuwanuwa hanehane, ma ginaula bewa wasanapu 'abehega nata meIsileliyedi sidebapa'ala 'ana siga 'omi tomiya ganamuli hesihesinuwami mabwaiyami 'abihetena wa'ewa.

2 Tesalonaika 1:10

Eeta tutaina 'itautauyama, 'ana hepwatu madouna 'iloba 'ina paihowao 'ebenuwa pwanopwanowao weyahidi, 'ana tohemisao 'oidiyega. Ma 'omi mwalo tetelina 'a'ebwaegomiya ta wahemiseya, 'oinega 'abwa 'omi ba'idamayao Yesu 'ina latuma 'oina tahepwatu.

2 Tesalonaika 1:7

Yahegwaegomi 'omi tomiya mwau, 'ida Bada Yesu galewega nata 'isulu mwayamwayauma, ma 'ina aneloseyao ta 'aiwe ganinisa wete 'i'eweyama, ma 'omi ma tauma 'ida 'aiyawasi 'i'ebwaegita.

2 Timoti 2:25

Ma wete 'ada 'alehao 'oidiya mumugada nuhana 'oinega ta'abihe dumwaludi, ma 'oinega Yehoba, 'eguma sawasawahina ma 'i'abihetedi ma sinuwabui ta he'ita moisa simuliye,

Ibeliu 4:1

Cina gwae hemisaina 'abwa 'imiyamiya 'abehega 'ina 'ebe 'aiyawasi tauna 'oinega taloba, eeta 'ilobwainegita ma tamatauta 'amuge ta tupwami wabe'u ma sahena walobaloba.

1 Pita 2:25

Moisa, 'omi gide sipi hehebe'uina, eeta sipi 'adi to'itayahina 'itoe hilegomima 'oina, tauna yaluyaluwami 'ana to'itayahina.

2 Pita 3:8

Ciyagwao, 'aigeda wete ginaula wanuwatuhuyahi, 'abehega bolime tausani gide sabwelo 'aigeda 'ida Badaina 'oina, ma wete bolime tausani tauna 'oina gide sabwelo 'aigeda mahemahetena.

Heꞌitaꞌita 21:4

Yehobaina mataneudi 'ilo'i'ilidi, weyahina geya'abwa wete 'amasa, nuwana muyamuya, bo dou 'oidiya 'ilatulatu. Weyahina tupwa miyamiyana 'igumwala pwaiya.”